以前窮人父母重多，點解又唔見咁多學生自殺?
我覺得以前窮人有骨氣啲又肯甘心捱，講真
我嫲爺、外公外婆都好正常
同我講最緊要自己幸福就好
就只有我爸個代嘅人唔接受捱窮
迫仔女出人頭地，賺大錢
唔止要回報，仲可以比佢哋係親友面前曬命
唔講要啲仔女回報啦，窮根本就唔應該生，自己冇本事冇能力仲要生幾件陪自己受難係咩心態
咁以前社會重窮，係咪唔應該生我哋啲7，80後出黎
攞以前黎比??
以前社會一般基層窮人有公屋, 老豆返工老母係做家庭主婦
而家公屋比大陸人住, 過左入息限額申請唔到既就只好租人屋住
租完屋幫人供樓, 仲剩返幾多錢?
咁即係有公屋住就解決到自殺問題?
有公屋, 住果方面就煩少樣, 唔駛捱貴租會咪會無咁窮呀?
家長是旦一個出去搵食, 淨低果個係屋企湊仔, 關係係咪會親密d?同埋可以多d 時間留意下d 仔女有咩唔開心呀壓力呀異樣之類?
呢樣真wor，有個正常全職老母，屋企根本係兩回事。同，窮真係唔係問題，人品同見識先係真正問題，不過人窮就自然格衰同無見識咁解
我出世到而家都係公屋仔，家境一般，但細個父母寧願使少d，都要留個全職呀媽湊三個細路。無錢去補習？咪呀媽睇幫手溫默書lor。呀媽唔識英文？咪等呀爸收工幫手lor。無錢玩課外活動？咪叫老母帶落樓下公園玩，同埋係屋企打下機lor，打Civilization仲可以順便學英文。無咩課外知識？咪叫老豆放假去圖書館睇書lor，老豆又會講解下基本數學、科學同工程常識。太多細路？咪做大果個（姐係我
）幫細果d溫書lor。
升到中學，大家基本上都可以顧掂自己，加埋老豆失業，呀媽先開始出去做野。果排真係好窮，成日白粥送菜加午餐肉，零用錢又少，但大家唔怨既話其實又無咩野，又唔會話無娛樂、無朋友：講真，中學雞打個籃球打鋪信長又使得你幾多錢
我考公開試都無補習，但係本身由細開始就有睇書報習慣，學識用腦同理解，所以根本唔係問題，正常讀書正常玩，試前9操PP就過關，請問又使得幾多錢？到而家，我地三個一個讀PhD，一個讀大學，一個讀大專，有補又點無補又點
講無錢去旅行就更加搞笑，我屋企都只係沙士果時趁平跟團去過幾日大馬，無去過其他地方，加上咁細個，無讀過書又無見過世面，去旅行去黎有體驗同體會
無野架，咪大學自己儲錢去lor，到而家grad左一排，我已經backpacking左好多國家，你話細個無得去旅行算得係咩？
其實香港資源同物質都算夠，窮本身唔係大問題。做補習社果時，見到好多家長唔一定唔care仔女，但咩都只想出錢買service解決，唔肯自己用腦同出心出力，咪搞到一pat野。至於公屋識得既其他父母，好多都掛住打牌同去玩，又或者生活習慣唔好，仔女都俾佢地搞到鳩下鳩下，所以你話係人品、心機問題，定係錢既問題？
老實講，窮人家庭讀書叻個個細蚊仔一定會比人錫多啲
，好記得派到市區新樓果日，老豆竟然話唔要，原因係話公屋新樓比板間房租金貴8舊，又嘈咗幾日，後來決定做part time ，但後尾都係讀唔成書，而家出來做嘢，只當佢地閒人，但佢地病都會畀錢佢睇醫生，費事畀佢地野到
錢錢錢錢
