容我張狂，由香港踩單車去英國幫曼聯洗廁所 ( 拾壹 )

1001 回覆

201 Like 5 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

迷失丹尼爾 2017-02-16 00:51:12

啱啱係facebook睇完你同你娘親件事

依家開電腦打文

你唔洗返工？咁夜先打

要，但又唔忍心拋棄奶哋

迷失丹尼爾 2017-02-16 02:01:33

正式離開土耳其發生嘅第一件事竟然係畀狗追。

尚未入到希臘，我就畀幾隻希臘海關養嘅狗起勢咁吠。諗住好男不與狗鬥啦，我繼續踩，點知好狗唔攔路，佢幾隻狗公竟然當我藏毒咁追上嚟。望住前面兩條希臘海關姐姐，我又唔想洩漏霸氣，只好暗地裡加速，但個樣扮到氣定神閒咁繼續踩。

吖兩條女又唔會喝住幾隻狗。

三米，兩米，一米，我feel到啲狗吠聲喺耳後傳嚟，彷彿佢哋喺我耳邊喘氣，懷疑下一秒會lam我耳仔窿想引我出水。接近兩條女時，佢哋終於喝停幾隻狗，見住我嗰個故作無事嘅樣，我諗佢哋都係暗地裡笑鳩我。

仆你個街，我有午餐肉喺手一定拎出嚟將你哋就地正法。

其實已經畀狗追完

就係喺呢啲好似highway收費站咁嘅位過關

始終係歐洲國家，希臘海關比起之前我經過嘅任何一個國家都要嚴謹，個海關問咗我無數咁多問題，例如之前同之後嘅行程、住宿安排等等，聽到我話會即日出境，佢都打咗個突。

雖然係煩啲，但知道係人哋職責所在，我都非常耐心咁答，而且我又冇嘢需要隱瞞，搞咗陣，佢哋終於放行。

Welcome to Greece!

一進入希臘境內，映入眼簾嘅係一條小村。睇落其實已經同土耳其好唔同，不過天氣唔好，加上早，搞到成個死城咁。望一望路牌，我已經頭也不回咁轉出大路，向住保加利亞邊境進發。

弱弱的希臘國旗

Bulgaria

公路

一轉出公路，直至去到保加利亞，都只係一條平凡嘅大路，並冇任何特別，搞到我有少少覺得自己為咗passport個印仔嚟有啲無謂。而更令我難受嘅係，天氣開始轉差，雨粉開始變成大雨。

仆街原來仲落過雪嚟

我感覺到，事情唔係我想像中咁簡單。

臨近保加利亞，可能上咗少少斜，海拔高咗（雖然唔覺得太有關係），暴雨蠱惑地轉化成雪，屌你老母啲雪又跟撚住我……

其實係落緊雪，但唔係幾影到

出境嗰陣，希臘海關見我即日離開竟然問都冇問就放行，點知踩到過去保加利亞嗰邊時，班友仔又唔識香港護照唔使簽證，阿A去問阿B，阿B又去問office，明明頭先踩暖咗個身，呢啲惡劣天氣我視之等閒，不過等多兩等我已經凍到瑟縮發抖。

當時啲雪已經大到同我喺土耳其遇到嘅暴雪有得揮。

關員見到我嘅慘況，都唔好意思叫我企喺度吹住風等，邀請咗我入去office，我即時擺低忍者龜，拎咗啲麵包同件厚褸入去取暖。

濕撚晒，好撚驚

Singmetosleep 2017-02-16 02:18:53

睇見都覺得凍

窮到要賣身 2017-02-16 02:33:11

丹b好慘

成日都係d凍到仆街既戶外搵住宿同等人

天上天下唯我毒磚 2017-02-16 02:35:45

太耐無追原諒我追post就問已經唔記得去到邊係高登個陣已經停左 hkg+收皮之後真係無返過去遲d會唔會有合集出?

迷失丹尼爾 2017-02-16 02:40:58

啱啱坐低嗰吓凍到個身彷彿唔屬於自己一樣，連除手套呢個動作我都差啲做唔到。個身慢慢暖返之後，食住麵包等海關批我入境，唔使好耐，我已經拎返本passport。

着返件厚褸，準備出發嘅時候，office一個似係職務比較高嘅海關見我喺呢個天氣仲要繼續踩，即刻陶大宇上身，um住塊面「呀」咁。而我係諗：「屌你我唔走，唔通你收留我呀？」

影出嚟都濛濛哋

雪冇頭先咁大，不過依然keep住落，但氣溫好似比起之前我經歷過嘅更加低，我懷疑係因為我畀雨淋到全身濕透，頭先停低吹風搞到個人發晒冷，令我感覺到嘅比實際溫度低。

屌你，三月啦，春天喎應該，你落乜柒雪啫？

當身體失去咗暖和嘅平衡，自然地要花額外嘅體力禦寒，本身能夠支撐住我踩八十公里嘅能量，喺我踩咗三十公里已經用得七七八八。唔知已經有幾耐冇呢種感覺，初初出發仲喺廣東？我竟然頂唔順，決定一有地方落腳就要終止今日嘅行程，我相信自己就快不支。

我心內萬二分希望前面盡快出現一個落腳點，無論環境有幾惡劣簡陋都好，只要暖，瞓廁所我都願意。

震住咁踩，喺平路時速只有十一二咁上下，比起正常唔使點用力都做到二十，我依然感到吃力。路過一個警崗，以為遇到救星，停低靠近敲吓門，屌你老尾冇人嘅！靠你維持治安就奶閪啦冚家產！

仆街油站都係廢棄嘅，車都係冇人嘅

其實喺上面張相個油站時，我係諗過爛嘅都爆入去住，但裡面滿佈玻璃碎，最重要係佢漏晒風咁，一啲都唔保暖，我唯有繼續同自己講：「快㗎喇！就快有地方落腳。」

皇天不負有心人，踩吓踩吓，我見到前面一間屋仔個煙囪有煙出！屌你老母芝士漢堡即係入面有人！我即刻迪露菲奧上身，聽到李榮基把聲鼓勵我：「爆佢！」二話不說屌撚盡佢。

踩近一睇，嘩！出面係一個停車場，泊住晒車，屋仔係間餐廳，冇死喇啩？

泊低忍者龜，我有咁誇張得咁誇張咁震晒去敲門，一個左眼係義眼嘅鬍鬚阿叔開門。

「你好，我從香港嚟，天氣實在太凍，我頂唔順，請問可唔可以喺呢度過夜？」

阿叔冇答我，只係叫我入去。一入到去，登時覺得好暖，係柴火嘅暖。再定神一望，原來入面都幾多人。