睜開眼我第一樣諗到嘅嘢，係我突然覺得連瞓個覺都不能安枕，究竟我喺度做緊乜撚嘢呢？而Mi閪佬講嘅絕美景色，對於我嚟講根本就冇乜特別，特登兜過嚟踩多一日嘅路程，值唔值得呢？
然後我喺睡袋入面咬住尋晚食剩嘅麵包，落咗一個決定──我要一日踩二百二十公里，直接到Belgrade！
喺多瑙河隔離望住流水屙屎，你試過未？
於是我立即爬起身，準備出發。
事實上，當時嘅我鑽牛角尖，慢慢已經失去咗出發嘅初衷，變咗為咗踩而踩，為咗唔放棄而堅持，並冇任何一絲享受。
又係一個調整期。
係有啲似返咗大陸嘅
朝早並冇特別趕路，始終二百二十公里唔係易，之前喺印度都只係做過二百左右，雖然二十唔算多，但喺最後關頭係差天共地嘅分別，所以我都唔知自己頂唔頂到，一切都要睇中途進度再決定。
嗰一刻我癲撚咗，一係唔想再搭營，二係想快啲踩完，三係我都真係想挑戰吓自己踩唔踩到，四係我有啲自虐，想透過苦行嚟搵到自己。
依家睇返梗係覺得好戇鳩，不過身在其中就唔同講法。
直頭好似返咗西藏
而最奇怪嘅係，自從廣西嗰次差啲中暑，我已經再冇一刻諗過放棄，係真係一刻都冇，最多都只係屌吓鬼，唞多陣。亦因為咁，我知道我冇可能唔頂落去，呢個反而成為咗我辛苦嘅位，就等如馬死落地行，等於你屋企有個九十歲老母，個老婆撞咗車殘廢，你生個仔又弱智，如果你唔返工返足十八個鐘，你唔夠錢養家，手停就口停，無論幾辛苦，你都要堅持一樣。
唯一唔同咪係我睇到終點囉。
山泉水，即刻刷個牙，裝滿水樽
但咁樣已經同我出發嘅目的背道而馳，係，我嘅身體係越嚟越近終點，但靈魂就越行越遠。
莫忘初衷。
見到牛下車神對腳粗到
