跟住Boris穿過廣場,會合咗一個男人,原來就係呢個男人想見我,大家可以着返條褲先。
男人叫Bojan,跟住佢行咗陣,聽到佢話最近買咗架電單車,等住嚟個電單車旅行,不過Mi閪佬用晒啲假,所以都定唔到出發日期。哦,又係friend嚟嘅。
之後Boris要慰妻走先,將我交畀Bojan,我就有啲奇怪,點解呢條友想見我,Mi閪佬同Boris又咁不負責任將我掉低畀佢?坐低飲住咖啡一傾,我即時恍然大悟──原來Bojan係Tihomir嘅朋友,Tihomir係問佢有冇地方接待我,佢知道同事Mi閪佬係我同道中人,即刻將我refer咗畀光頭佬!唔怪得佢想見我,我的確係好應該見佢。
冇心,因為正面係合照自拍
然後Bojan邀請我嚟個電單車一日遊,之後可以上山睇吓Belgrade呢個久經風霜嘅城市。
都係要食個塞式漢堡先
Cathedral of Saint Sava
全塞爾維亞最大嘅東正教教堂
喺Bojan帶領下,我問到Belgrade都有walking tour,於是就plan好聽日參加。坐佢車尾上山,經過貝爾格萊德紅星嘅球場,一路飲住嘢嚟睇Belgrade全景,一路傾偈,都幾爽。
飲果汁
原來Bojan同Tihomir係喺美國認識,大概係以前讀大學嗰啲exchange programme,不過各自返到自己國家之後,都冇乜見過面,成日話要探對方,都冇咁做。不過佢依家買咗電單車,方便咗,好有可能喺不久嘅將來會去保加利亞搵Tihomir。
講起路上嘅住宿,Bojan知道我入匈牙利要經過一個叫Novi Sad嘅城市,佢話佢都有朋友喺嗰度,仲話係嗰陣一齊去美國,都識得Tihomir,可以幫我聯絡吓。我千恩萬謝,呢啲安排真係爽過搵條女返嚟幫我打J。
落山之後,因為佢同Mi閪佬要去踢波,就去咗間Caffe會合。本身叫我一齊去,一嚟我冇鞋,二嚟我平時運動量已經太多,個人瘦削到唔係幾襟撞,都係婉拒咗。
光頭佬同Bojan
兩條友送咗我返屋企之後,我終於可以煮我喺土耳其帶到過嚟嘅意粉食。食飽飽,打吓日記,Mi閪佬又踢完波返嚟。請教佢之後嘅路線,佢都係建議我繼續行Euro Velo 6,距離長啲,但景色較好。不過我印象中之後都冇話跟死一條路,自己想去邊就去邊,視乎心情同路況。
吹咗陣,Bojan個撚樣帶埋啲Rakija上嚟,屌,又醉。