容我張狂，由香港踩單車去英國幫曼聯洗廁所 ( 拾壹 )

迷失丹尼爾

1001 回覆

201 Like 5 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

笑得你心裏發寒 2017-03-02 00:05:56

留名等文

迷失丹尼爾 2017-03-02 00:08:56

今晚有冇文啫

打緊

天水圍雙失 2017-03-02 00:10:32

今晚有冇文啫

打緊

Susooooooo 2017-03-02 00:21:58

今晚有冇文啫

打緊

打緊丁定打緊文

賭神3.3 2017-03-02 00:28:58

今晚有冇文啫

打緊

打緊丁定打緊文

一路打丁一路打文

迷失丹尼爾 2017-03-02 00:30:12

今晚有冇文啫

打緊

打緊丁定打緊文

飲慣酒嘅民族係唔同啲，半夜Bojan仲可以揸電單車返屋企，Mi閪佬一早就去咗返工。而我？起身整啲意粉食，唔知係咪啲劣質粉開嘅湯太撚難食定因為宿醉，我全身都冇乜胃口。

出發前往Walking tour，今次係個女導遊，叫Tea。佢並唔係「茶」嗰個tea，讀音應該係T-ah。

女導遊帶我探索佢最寶貴嘅地方……家鄉啫

今次呢團人年紀比上次輕好多，大概係年青人嘅通病，我哋都唔係太踴躍畀反應同問問題，搞到Tea有啲難做。而我亦冇話主動同人傾偈，作為一個毒撚，我非常咁安守本份。

匿喺人群後面，How poisonous?

據Tea所講，原來Rakija可以話係塞爾維亞人嘅傳統酒類，差唔多每個家座都會自己釀造，而Rakija嘅口味亦好廣泛，可以用唔同嘅生果嚟釀造，所以變佬極之大。

Tea屋企自製嘅Rakija

唔好以為塞爾維亞佬大大隻隻，粗粗魯魯，又飲得多，就以為佢哋係冇腦嘅老粗，其實佢哋唔止同玩井字過大關嘅四肢發達、頭腦唔簡單嘅大隻佬一樣，原來仲出咗好多文人。喺Belgrade一條咖啡館街，就記載住一啲文人同藝術家嘅事蹟。

作為南斯拉夫前首都，Belgrade可以話係久經風霜，從幾百年前被鄂圖曼帝國佔領，到短暫獨立後成為第一次世界大戰嘅觸發點，然後合併成為南斯拉夫，到解體獨立返喇，又有科索沃戰爭搞到畀北約炸到閪冧，呢塊地都咪話唔係人傑地亞。

組員，對波同個籮都好誇張，成個barbie咁，啲人眼甘甘同望佢

尋日Boris帶過我嚟嘅城堡

呢次walking tour時間比上次長，可能能夠講嘅歷史比較多。睇完之後，鳩hea吓，夜晚就搵返Mihailo飲咖啡。條友同我share佢啲單車經驗，佢係嗰種隨性嘅旅行者，今日想去到邊就去邊，隨時停低隨時走，唔會限死自己，雖然我好羨慕佢呢種旅行方式，但可惜我有時間限制，唔可以盡興，得個恨字。

街景

然後Bojan嚟到，同我講已經幫我喺Novi Sad搵到地方落腳，不過佢個朋友要成十點先收工，換言之我要喺街度鳩hea幾粒鐘。留咗我幾次，但我都執意聽日要走，Mi閪佬同Bojan就約我聽日喺佢哋公司附近食埋午餐先走，既然唔趕時間，我當然會應約。

泊狗呀，歐洲特別先進

有Bojan喺度，Mi閪佬個撚樣就掉低我，仲好風騷咁話今晚唔返屋企瞓，話約咗女有閪屌。屌，仆街光頭佬，憑咩食咁多女？

同Mihailo約定嘅café

飲埋杯朱古力，Bojan帶咗我去一間酒吧，搵埋佢啲朋友一齊聽Blue concert。老老實實，唔撚識，行咗成身，又一杯到肚，其實極撚眼瞓，同佢啲friend打過吓招呼，見Bojan好撚enjoy咁聽，我又唔忍心叫佢走，嗰吓唔知發乜撚嘢神經，就咁叫Bojan幫我同佢班friend講拜拜，我就自己走先。