容我張狂，由香港踩單車去英國幫曼聯洗廁所 ( 拾壹 )

迷失丹尼爾

1001 回覆

201 Like 5 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

迷失丹尼爾 2017-03-13 23:12:47

丹b話今晚有架

冇撚有錯

Singmetosleep 2017-03-13 23:13:20

等你架

賭神3.3 2017-03-13 23:20:51

不求更新得快只求唔好爛尾
利申: 一直做cd-rom的讀者

會有，信我

會有爛尾

忙到依家先得閒

揾食辛苦呢，好好考順你父母啊

迷失丹尼爾 2017-03-14 00:03:34

不求更新得快只求唔好爛尾
利申: 一直做cd-rom的讀者

會有，信我

會有爛尾

忙到依家先得閒

揾食辛苦呢，好好考順你父母啊

弊在搵唔到食

迷失丹尼爾 2017-03-14 00:07:40

匈牙利除咗係匈奴後代同我哋有啲關係之外，最同我哋息息相關嘅，梗係第一次世界大戰，因為係關全人類事咁滯。

Walking tour嘅好處就係，佢會用返當地人嘅角度去睇一件當地嘅事。就喺一戰呢件事上面，作為奧匈帝國嘅其中一部分，匈牙利人亦有講出喺佢哋嘅角度，成件事係點樣發生。當然，佢哋一定係有美化到成件事，又或者話，佢哋係逼不得已。

點都好，聽過就算，能夠用當地人嘅視角睇一件事，係幾有趣，不過學世界歷史，客觀啲好。

使錢買pancake

主要係因為可以停低𥄫吓佢

留咗喺家姐屋企幾日，除咗可以食到中餐之外，最重要嘅係我終於可以脫離馬騮頭行列。

冇錯，家姐用佢無數嘅經驗（因為真係數唔到）幫我剪頭髮。點解我會放心交我認為對一個人形象最緊要嘅髮型交畀佢？因為我深信，無論佢點剪，都一定唔會令我柒過當時。

亦好好彩，家姐都唔係話會用個湯碗吸撚住我個頭嚟剪嗰隻咁衰嘅。

呢幾日入面，得閒行吓街，吹吓水，夜晚又一齊跑吓步，同埋同我個姨甥仔玩吓咁，竟然令我有種唔捨得走嘅感覺。

跑夜步

iPhone影夜景真係好柒

唔止因為我惰性再起，而係呢個屋企真係畀到一個屋企嘅感覺我，短短幾日，呢兩個人竟然同我起咗化學反應，見佢兩母子離鄉別井，走嚟一個本來就冇任何關係嘅城市，我竟然開始擔心佢哋。

如果我走咗，佢哋遇到咩唔開心嘅事，有邊個幫到佢哋分擔？

係女人先鍾意呢啲花巧嘢

摸我手仔要道歉，要露出胸部啦

緣來緣去，每個人嘅現在都係緣自佢哋嘅過去，各人有各人造化，既然佢哋今日處於呢個境況，其實我亦唔擔心得咁多。而且，幾日之前，佢哋嘅生活冇我，我對於家姐嚟講最多都只係一個喺網上面嘅人物，能夠結識，已經係緣份，就算以後係點，我亦唔擔心得咁多。

以前睇古龍套《陸小鳳》，有本講到西門吹雪本來個人就係冇感情，先令佢嘅劍快狠準，但之後佢仍然係愛上一個女人，仲同佢雙宿雙棲。本身我以為劇情都係會咁發展，但過多兩本，又話西門吹雪拋妻棄子，原因係佢接受唔到一個把劍唔再係無敵嘅自己，佢需要再次捨棄感情。

當然，我吹大咗，我又唔係話要無敵，雖然都接近係。但，我真係唔可以唔繼續行我嘅路。