當晚食飯嗰陣，Tihomir佢哋講起我嚟自香港，而佢哋又聽過雨傘革命，好想聽吓我講吓當時嘅情況。簡單講完之後，佢哋話原來早前保加利亞都發生過超大型嘅反政府示威，持續咗幾個月，期間有兩個月學生佔領咗大學，全靠家長每日送食物入去。
而同香港一撚樣嘅係，差佬打人，電視係完全唔會報導！
聽到呢度，我就覺得，香港真係好叻，可以媲美歐洲國家呀。
Sofia係我喺歐洲去嘅第一個首都，亦係我第一次參加Walking tour嘅地方。
第一次聽Walking tour呢個名，係喺Istanbul嗰陣Seval話我聽，佢話佢去塞爾維亞嘅時候參加過，故名思義，Walking tour就係一個行路嘅旅行團，喺市中心集合，然後喺市內遊走各個景點，或者去一啲當地人先知有典故嘅地方，用當地人嘅眼光去睇嗰個地方。
呢類Walking tour一般會由當地人做導遊，但一啲比較熱門嘅城市，需求比較大，亦有可能會搵一啲其他地方，甚至其他國家嘅人去做。呢類團係冇團費，導遊係冇糧出，全部都係喺你完成呢個兩至三個鐘嘅團之後，根據你心目中認為佢值幾多，就tip個導遊幾多，一般都係一個人畀五至十歐，亦有啲有錢嘅會畀成廿歐，咁當然，佢會再同個組織拆賬。
Sofia街景
雪後
亦有部分長途旅行嘅唔會畀，導遊亦唔會表示啲乜，雖然可能個心咒罵咗無數咁多次。我呢？多數都唔會畀，但亦有遇過一啲真心覺得帶得好好，講嘅嘢感動到我，我係有畀，都係五至十歐咁。
屌你，夠我食幾日㗎！
再落
而嚟到Sofia之後，問Tihomir女朋友有咩地方好去，我又醒起Seval嘅說話，於是佢哋就幫我check咗咩時間地點，發現原來基本上日日成團，風雨不改，然後我第二日就去咗參加。
上面啲相都係我行緊去集合地點嘅時候影
好，跟住落嚟係多圖時間。
終於到，對唔住，我冇畀tip屎你
保加利亞人鍾意獅子，認為佢係勇猛嘅象徵，就連貨幣Lev都係解作「獅子」
鍾意嚟到有賭場嘅開放國家，可惜冇錢
唔撚記得咗係咩嚟，但影得應該導遊有講
據導遊講解，Sofia，古希臘文中有「智慧」嘅意思，但改名嗰陣其實並唔太關希臘文事。政府嗰陣唔知頭唔知路，諗住整個地標出嚟，就放咗個智慧女神像喺市中心，啲人梗係屌晒鬼啦！點知放吓放吓，佢又真係變咗一個地標。
仆你個街，呢樣嘢真係好撚得人驚，你想唔想像到，遲吓我哋會覺得西洋菜街啲唱普通話歌唱到拆天班撚樣有朝一日會成為香港特色？已經唔好撚講水貨客。
團友
上百年歷史嘅全天然溫泉水，日日都有人拎晒架生嚟裝走，免費
畀人捉咗出去角色扮演，講解鄂圖曼、蘇聯時期至共和國嘅歷史
許願樹？定都係for情侶？又唔撚記得咗
大約兩個半鐘嘅tour就由導遊帶住我哋呢班鴨仔穿梭於市內講解歷史同趣聞咁度過，參加完之後，莫講話我冇畀錢，其實我覺得五至十歐係抵畀，尤其之後去到西歐，嗰度嘅消費水平同保加利亞差咁遠。
但要喺我呢塊咁嘅爛石頭度鑽出血，嗰段時間真係難啲。
