容我張狂，由香港踩單車去英國幫曼聯洗廁所 ( 拾壹 )

1001 回覆

201 Like 5 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

平宮博重 2017-02-20 22:07:12

法國依家冇乜巴打

好多絲打

宿命的魔法師 2017-02-20 23:01:03

法國依家冇乜巴打

唔好法國啦

史提芬彭利拿 2017-02-21 00:01:40

加油啊

迷失丹尼爾 2017-02-21 00:03:34

完咗Walking tour後，我去咗Tihomir做嘢嗰間NGO搵佢，其實都冇乜特別，坐低吹吓水，認識吓佢做啲關於青少年嘅工作，同佢個女同事傾吓偈，that’s it。

憑我多年睇鬼片嘅經驗，幾可肯定佢係punk lin一線鮑

三嫲孫，幾sweet

鳩遊吓，冇錢冇咩地方去，主要都係補給吓，同寄吓postcard咁，好hea。當真正喺Sofia使吓錢，終於感受到人哋話呢度物價低嘅實況，堅係抵屌，食平嘢嘅話係可以同香港啲地踎嘢差唔多。

即係點？係保加利亞人本身可以持槍，定差佬入去要繳械？

平平哋買支鏈油用吓

太耐冇喺香港食嘢，真係會無啦啦發神經極想食啲平時食嘅嘢，就算係一嚿似香港麵包舖整嘅麵包，再離譜啲係老麥。

四蚊港紙咋，仲要係嗰陣個匯價

廿五蚊，又係舊價

By the way，基本上嗰個國家有嘅話，我都起碼食過一餐老麥咁滯。

嗱你哋要多圖

街景

嚟到滿佈農場嘅歐洲，牛奶實在太平，忍唔住牛奶當水飲，養成咗每日飲奶嘅習慣，所以去超級市場買奶已經成為咗我日常生活。

而條女事實上係好撚正

Tihomir話佢女朋友今晚會煮一餐地道嘅保加利亞菜我食，雖然我忍唔住食咗麵包同麥記，不過當時個胃等同無底深潭嘅我又點會滿足？梗係返屋企等食啦！

我懷疑呢度係東歐一樓一

Tihomir唔喺度……

傻啦，作為一個專業嘅毒撚，視姦先係我嘅生活技能，睇人煮飯咪算。

話咁快就返咗嚟啦

Sofia冇好似Istanbul咁有一種令我覺得多姿多采，想花多啲時間探索嘅感覺，如是者，飲飽食醉，兩杯紅酒到肚之後，我就決定聽日出發，前往塞爾維亞。

係呀，歐洲國家同國家之間嘅距離就係咁短，話咁快我就可以去到第二個國家喇！慣唔慣？

See you later, Sofia.

迷失丹尼爾 2017-02-21 00:03:59

法國依家冇乜巴打

唔好法國啦

做咩喎

賭神3.3 2017-02-21 00:08:24

到左歐洲個人淫咁

迷失丹尼爾 2017-02-21 00:09:59

到左歐洲個人淫咁

但都係一個毒撚

吳青峰老婆 2017-02-21 00:11:04

賭神3.3 2017-02-21 00:11:34

到左歐洲個人淫咁

但都係一個毒撚

成個旅程有冇叫過雞

迷失丹尼爾 2017-02-21 00:20:33

到左歐洲個人淫咁

但都係一個毒撚

成個旅程有冇叫過雞

冇，過唔到心理關口，亦唔捨得使錢

天水圍雙失 2017-02-21 00:35:29

法國依家冇乜巴打

有我

迷失丹尼爾 2017-02-21 00:40:39

法國依家冇乜巴打

有我

Tihomir曾經講笑咁講過，保加利亞人係幾自大，作為一堆歐洲斯拉夫垃圾，佢哋竟然可以睇唔起土耳其人，包括嗰啲仍然生活喺保加利亞嘅少數土耳其裔人。

據佢所講，呢批少數族裔喺保加利亞國內受盡歧視，所以佢哋一般都係留喺東北部，免得過都唔會同其他人打交道。

咁點解唔返土耳其？

唔知呢，可能土耳其唔收，又可能寧願做二等公民都唔想回歸祖國啩？

唔止土耳其，其實保加利亞人同塞爾維亞人關係都麻麻哋。就好似印度同巴基斯坦咁，明明兩個國家嘅人都好好，但總係因為某啲原因，各自以為對方係牛鬼蛇神。就連Tihomir呢個咁明事理嘅新一代，都同我講塞爾維亞人好麻煩，我過關嗰陣有可能會留難我。

天氣終於好返啲

一覺瞓醒，搞掂晒啲嘢之後，Tihomir就送我落樓，影張相，然後我就向住保加利亞同塞爾維亞嘅邊境進發。塞爾維亞最近邊境嘅城市叫Pirot，我一早經已經Couchsurfing喺當地搵咗個host Miroslav，而佢話因為要返工，所以叫我下晝六點先好到，正因為咁，我慢條斯理地起身準備，再慢條斯理咁踩。

好似返咗伊朗同土耳其咁

話咁快

唔知點解，明明一直暗斜落近，但越近邊境，越覺得寒，睇嚟除咗海拔，濕度嘅影響更加大。抵達邊境之後，再一次揼個印，並冇出現Tihomir講嘅可能被留難情況，我嚟到我喺歐洲嘅第二個國家──塞爾維亞，時區再跳前一格，計返，原來我同英國淨係差一個鐘。

嘩，死啦，突然覺得好近。

出境

前面入境

找換店

老毛病發作，硬係覺得喺邊境唱錢唔抵，又冇事先check定匯率，唔知做緊咩價，諗住暫時冇必要使錢，於是我打算去到Pirot先搵地方唱錢。

我超級他調咁踩，第一次祈求自己唔好咁早到，吖你老尾，咁都畀我四點鐘到Pirot。喂，除咗唱錢，我都冇咩特別嘢做，又冇得上網，搵唔到Miroslav或者碌吓電話，Pirot又只係一個小鎮，點打發時間？

Pirot市景

求其搵個地方唱咗錢，根據之前save低嘅位置踩到去Miroslav屋企附近，好死唔死，嗰度一排屋，都唔知邊間先係佢嘅，而其中一間仲要養咗隻看門狗，係撚咁吠我呢個陌生人。拎住佢張相問個聽到狗吠聲而出嚟睇咩事嘅鄰居，確定咗斜對面一間係Miroslav屋企之後，我就喺門口坐低，諗住打定今日日記嚟度過呢段時間。

呢個時候，聽到仲未肯停嘅狗吠聲，我身邊嘅門打開……

賭神3.3 2017-02-21 00:51:21

你住既地方食會唔會暗示你比返錢

天水圍雙失 2017-02-21 01:35:39

Singmetosleep 2017-02-21 01:49:15

離得耐真係會勁想食香港平時啲野