容我張狂，由香港踩單車去英國幫曼聯洗廁所 ( 拾壹 )

1001 回覆

201 Like 5 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

迷失丹尼爾 2017-02-12 17:15:33

首先希望尖沙咀地鐵縱火案嘅傷者早日康復，無論係身抑或心。

嚟緊歐洲篇喇，亦係旅程嘅尾段，將會去得幾快，因為我係真係踩得幾快，我諗兩至三個post會完，視乎大家投入程度有幾高。

http://www.facebook.com/danielthewanderer

正所謂「百貨應百客」，如果你想睇啲我睇返都覺得自己長氣嘅文的話，詳細版嘅blog啱你。Blog暫時冇乜update，完咗連登就會嚟料，link如下：

http://danielthewanderer.com

而我個旅程依家連載到：

香港－＞廣東－＞廣西－＞貴州－＞雲南－＞西藏－＞尼泊爾－＞印度－＞巴基斯坦－＞伊朗－＞土耳其－＞保加利亞－＞塞爾維亞－＞匈牙利－＞斯洛伐克－＞奧地利－＞捷克－＞德國－＞荷蘭－＞比利時－＞法國－＞英國

最後就係，記得正評同留言，等多啲人入黎中伏

事不宜遲，立即R住賓周入歐洲！

窮到要賣身 2017-02-12 17:20:19

終於肯番黎喇咩

我地好大需求架嘛

迷失丹尼爾 2017-02-12 17:20:32

自從Hitchhiking完返嚟，我張土耳其電話卡已經到期，意味住我會喺路上失去聯絡。由出發開始，我只係喺尼泊爾冇買電話卡，其餘時間我並冇同世界脫節，唯一係偶爾要翻吓牆咁啫。

而嚟緊將到歐洲，國家之間嘅距離變得比起往日旅程嘅都要短，買當地嘅電話卡已經變得不設實際，我知道喺某啲電話公司可以買到貫通歐洲大部份我會經過嘅國家嘅上網卡，另外淘寶上面亦有賣類似嘅卡，只要我搵到個地址畀佢寄，一切都唔成問題。

但你睇咗我咁耐，應該知道我份人最怕麻煩，加上上網卡嘅錢對於我嚟講皮費幾重，為咗閒時上吓Facebook，我唔覺得值得花呢筆錢。至於搵Warmshowers或者Couchsurfing，大可等到有wifi先一次過連send幾個地方。

最重要嘅係，我想畀自己喺路上有多啲思考嘅空間，冇得上網，除咗踩同睇，就只可以思考。

由出發嘅第一日，除咗定落要踩去英國嘅目標之外，另一個我非常想做到嘅目標係，我想藉住呢段旅程，搵到真正嘅自己，知道自己究竟想要啲乜。冇錯，呢二百二十三日我改變咗唔少，謙卑咗，大方咗，仲黑咗瘦咗樣衰咗添，但，我好似真係未知自己嚟緊想點。當我去到英國，之後點？如果我完成到呢個單車之旅，Working holiday只係一個bonus，可唔可以去到Old Trafford返工，亦只係錦上添花，老老柒柒，我真係唔care。

返嚟香港之後呢？究竟我想點？

出書？踩緊嘅時候，係有出版社聯絡過我，不過為咗唔想令到個旅程變質，為咗出書而踩，我推咗，唔止一間添。你問我想唔想出書？又真係冇話想唔想，出到咪出囉，順其自然，唔諗啦。

幫人打工？我又覺得，自己唔再想搵份固定收入嘅工，跑數？可能啦！做老闆？有本錢我又唔怕試。

呢啲都係我喺歐洲冇得上網嘅時候認真咁諗出嚟，但依然係冇一個清晰嘅形象，show畀自己睇嚟緊條路要點行。

你又諗唔諗到要點行？

迷失丹尼爾 2017-02-12 17:21:27

終於肯番黎喇咩我地好大需求架嘛

最近有啲忙，之後都會忙，但盡可能每日兩至三篇

窮到要賣身 2017-02-12 17:29:51

餵得飽就得啦，你知我地幾大食

晨卿 2017-02-12 17:38:18

嗰幾禮拜無得睇好辛苦

迷失丹尼爾 2017-02-12 17:45:39

餵得飽就得啦，你知我地幾大食

搵到工未？

迷失丹尼爾 2017-02-12 17:45:57

嗰幾禮拜無得睇好辛苦

呵返

窮到要賣身 2017-02-12 17:51:29

餵得飽就得啦，你知我地幾大食

搵到工未？

接近搵到囉，有人介紹左份工，等見
搵左三四個月都搵唔到，真係想搵人包養

丹bb你搵到喇？

迷失丹尼爾 2017-02-12 17:55:38

餵得飽就得啦，你知我地幾大食

搵到工未？

接近搵到囉，有人介紹左份工，等見
搵左三四個月都搵唔到，真係想搵人包養

丹bb你搵到喇？

算搵到嘅
你開post自貼招親ok？想睇連登第一單聯姻，連登女兒女婿

窮到要賣身 2017-02-12 18:03:36

搵到工未？

接近搵到囉，有人介紹左份工，等見
搵左三四個月都搵唔到，真係想搵人包養

丹bb你搵到喇？

算搵到嘅
你開post自貼招親ok？想睇連登第一單聯姻，連登女兒女婿

你條Pk想食花生

係都你自貼先輪到我啦丹爺

你搵到office工？

陳皮 2017-02-12 18:06:01

隨緣啦，人生嘅嘢冇得強求㗎

BTW.我哋係會支持你嘅

迷失丹尼爾 2017-02-12 18:09:30

終於真真正正離開Istanbul。

同樣繁忙嘅交通，同樣嘅Rainbow Steps，真係好似Seval所講──Déjà vu。經過前日爆呔嗰段路嘅時候，我不禁寒一寒，希望唔好咁黑仔，再度重遇你，可喜也可悲。

當然冇事，我亦昂然踏上征途。

最後武士

憑住一雙腳、兩個轆嚟到歐洲，有冇咩特別感覺？冇嘅，只係會喺度FF，可能我上一世係成吉思汗囉。真㗎，冇呃你，冇咗隊友，冇咗上網，多咗思考嘅空間同時間，其實最終多咗嘅係無限嘅FF。

作為一個香港人，平日見到有條友操車，我第一個諗法係：你唔使返工嘅？

朝早整熱咗阿叔屎色饅頭食之後，踩踩吓我竟然有少少肚痛，雖然未痛到要搵廁所，但去到中午，我都唔太敢就咁食嗰啲擺咗咁耐嘅凍饅頭。另一方面，我亦有少少擔心小明，我放低咗一半饅頭畀佢，到佢返到輝輝屋企，都應該再幾日之後，到時都唔知啲饅頭仲食唔食得，我都好驚佢食咗會肚痛。

希望小明依家見字，記得蒸返熱啲饅頭嚟食，唔好整痛個肚仔。

從Istanbul去土耳其保加利亞嘅邊界，大約二百公里多啲，中間有城市Corlu同邊境城市Edirne，我都一早從Warmshowers搵到host。Corlu嘅host Serdar其實冇玩Warmshowers，係當地一個冇update佢近況而又離開咗Corlu嘅host收到我request之後，叫咗佢朋友，即係Serdar接待我。

而當我到達Corlu嗰陣，就係我第一次體驗到冇咗電話同上網係有幾麻煩。

搵唔到Serdar講嘅約定地點，我走咗去一座大商場出面，想連吓wifi或者借吓路人電話打，不過土耳其人嘅戒心同大陸人一樣，好難喺街借到電話打，商場嗰個wifi又連唔到，我唯有厚住面皮去佢外圍一間露天coffee shop問佢wifi密碼。吖屌你，都係連唔撚到。

正當我一棟都冇嘅時候，有三個飲緊咖啡嘅哥仔主動幫我手，幫我打咗電話畀Serdar，而Serdar幾個朋友就揸咗架貨van嚟接我。等候期間，呢幾位哥仔仲邀請我坐低飲杯茶，其中一個仲做咗一樣令我感激成世嘅舉動。

佢主動share wifi畀我呀屌！

哥仔吖靚呀靚得妙

告別哥仔，Serdar三個朋友接咗我返Serdar屋企，放低嘢之後，我哋就出咗去食嘢。

我特登企個玻璃反射唔到我嘅位㗎

原來佢哋其中兩個係兩兄弟，另一個就係表弟，而Warmshowers嗰個冇update近況嘅host又係佢哋一個兄弟嚟，總之就係同村兄弟咁款。席間講咗路上嘅見聞，解釋吓香港同中國嘅分別，佢哋都好開心咁講：「我今日真係學咗好多嘢呀！」

食飽之後，Serdar終於放工，跟住佢車去到佢屋企，但因為屋企鎖匙喺佢班朋友度，而佢哋又送咗兩兄弟嘅細佬返屋企，我同佢就喺樓下企咗陣吹水。