我就由摩一開始睇車
其實就算係上季,我都唔覺干地能力上有問題
首先你諗下,達子咁撚廢,夏神唔妥佢,干2上半季都仲keep到
仲有兩隻wb,阿朗係紫巴合踢開可能係本身踢到,摩西斯呢件垃圾比佢撚兩下,第一季都踢到差唔多最佳十一人咁,仲帶動哂世界各地都有教練試三中堅。
第二樣野,佢想贏果陣唔撚執著,一開始踢4後換左兩次陣都開季不順,即刻棄用放題,換摩西踢三中堅,跟著lead全季。
第三樣野,佢要買既位,除左沙皮值得商榷之外,基本係睇通哂隊波有咩問題,就算唔要plan a,比個plan b佢 ,同今年既鏝痢打防反,真係未必冇得搏下。
當然,佢更衣室處理得唔好,無論對老細定球員都係高壓式,係其他隊唔知,至少係車冇可能捱到長時間,但到底呢個係咪好現象?冇左體育總監,高層基本係唔識波既,由佢地掌控買賣大權係咪合理?踢就踢干地套戰術,但人就唔係佢買
球員方面,干一睇到成班球員體能真係好左,唔多唔少都係因為干地操得多。呢家球員收左人工,但因為唔妥教練就9踢,係咪都係有問題?如果林奠因為民望低就咩都唔撚做,反正佢做咩都比人屌不如日日打下golf,香港人會點睇?
另外佢換人的確係慢,但你睇番除左以前全盛摩狗識禁制,其實呢家大部分教練換人都係偏保守。
至於煙蛇,我覺得佢係冇干地咁有料,因為佢好堅持自己果套,好少變通。佢都有講,佢果套戰術係需要球員不斷走位。但你諗番,哥狗曼城第一季都係咁,只係佢除左買人,仲會一個個咁教佢地走位(有條片佢逐步咁教丁力走位),今年已經係第三年,同佢地比較好似有少少唔公平。
拿玻里果三短配合真係好勁,個人能力係冇夏神咁好,但果三個既chemistry 一定屌打我地,呢d其實都係煙狗教既,但明顯係要時間
尋日果場,唔多唔少都係球員問題,理論上應該3:0差唔多,只係太多人放棄左場game咁,冇哂鬥志。
煙狗係有問題,但高層問題唔會少得過佢地,每次有問題就換教練,由得班球員覺得佢地可以決定教練去留,而唔係踢好自己。
有感而發,講得好亂,但我心態真係崩潰左,見諒
Btw,哥狗對班球員都好嚴,你唔聽話就雪(辛尼),但唔係話呢個世代咩都要聽哂球員,好睇老細表態。車就係比到個態度你話,球員唔滿意可以9踢唔會有事,永遠係教練食屎。曼城就係,哥狗大哂,佢買咩人就盡力買,就算踢得起,你態度有問題?支持你雪佢。呢個就係我地兩邊個分別