卡比先生
2019-03-08 03:31:30
病毒果然是他們的傑作。
「針筒注射……」MK妹看著同樣身處車廂內的你們,除了榮叔以外都心知肚明的沉默了。
「……咩意思?」他從座位上徒然站起,走過來將你和阿桂推到旁邊,雙手壓在桌上注視著螢幕。
「榮叔--」「測試員個到寫住『KU』,唔係Sabrina。」他立即打斷了你的話,「你唔駛再講啦,我信佢。」
「就算莎姐真係無份做都好,明知道呢個組織做緊啲呢啲嘢,都仲繼續幫佢哋做嘢……一個咁嘅人你都敢信?」
「我會面對面問佢……係未見到佢之前,我選擇信佢--無論點都唔會變。」他轉身便走出車廂,揹起了放在車尾的步槍離開。「……你哋出發得再叫我,我去附近睇吓。」
你看著榮叔離開的方向嘆了一口氣,心想要在短期之內說服他應該是不可能的事了……也罷,只好一步一步來吧。
當務之急,你們得馬上前往實驗室把麗淇救出--趕在她被說服自願參與人體實驗之前。
……你直覺莎姐決定把她帶走的動機並沒有這麼單純。
「依家點?」阿桂問道。
「你幫我搵吓之前locate咗個嗰GPS signal啊,但……係有無辦法唔send出去?」你略帶尷尬地問。
「緊係有啦,就算唔駛你問我都識睇住啦。」他瞄了瞄你,雙手再次在鍵盤上操作起來。
「……清潭村,搵到啦。」他指著地圖上的紅點說著。
「你可唔可以用部平板影低佢?」
「影?直接port入去咪得囉。」阿桂以一副不能置信的表情望向你,而旁邊的MK妹也不禁竊笑,讓你此時更是尷尬。
「咁多嘢講,打柒你啊啦……」你作勢舉起右臂,正要往他臉上揮拳,嚇得他連忙縮後。
「……你開埋個份『AMMS047』嚟睇吓。」(a)
「……你幫我再search吓有無病毒變異嘅資料?」(b)