【互動】【喪屍】《凌晨三點，我屋企門口有敲閘聲》（6）

「照咁睇嚟，病毒似乎係對SJ05血液樣本入面嘅白血球產生某種攻擊性反應，具體原因未明。」莎姐對鏡頭說著，「如果有辦法搵出背後嘅原因，我哋就有辦法可以……」

她先是呆了半晌，回首看了你一眼後，又重新望向鏡頭說道：「或者就可以研發病毒嘅解藥。」

「大慨要幾耐時間？」你斬釘截鐵地問說。

「好難講。其實我到依家都唔明點解你嘅白血球會刺激病毒。你同SJ04都係係AB型血，但佢保留落嚟嘅血液樣本就無出現呢種情況……照咁睇，解藥嘅研制好有機會涉及基因工程，而我唔係呢方面嘅專家。」她抿著嘴側了側頭，示意實在是無能為力。

「SJ04……即係停車埸入面個個女仔，係榮叔個女？」你低聲說。

她緩緩轉身望著你，臉上卻沒有半分驚訝。「你係喺枱頭到搵到嘅？」

你點了點頭承認。

「如果隔咗咁耐，有無可能救得翻佢……」她笑著說，「你係咪想咁問？」

「嗯，」你回憶著當時在停車埸之內，從旁偷聽到浩南和榮叔之間的對話。「佢個名叫……叫－－」「阿Ann。」莎姐把正在腦海中搜索著記憶碎片的你給打斷了。

「我好好奇……點解你會想救佢？」

「如果我真係可以幫到手嘅話，我想救每一個變做喪屍嘅人－－每一個人嘅屋企人。」你握緊了拳頭，想起了那些已經無法挽回的人。「任何一種病毒都應該有佢嘅弱點㗎嘛……喪屍病毒都唔會例外㗎，係咪？」

「前提係喺我哋成功搵到治療方法之前，病毒仲未將全香港嘅人變曬做喪屍，又或者殺死。」她笑了笑，「包括我哋，同埋個班專家。」

你眉頭一皺，突然間注意到她用字的細節－－

「全香港」，而非「全中國」、「全亞洲」、「全世界」。

研究項目編號：AMMS045
授權人：IBJSDCMC
測試員：KC
日期：2018年11月28日
時間：14時06分

病毒資料：
蘇蘭林病毒 （Solanum Virus）
麗沙病毒屬 （Lyssavirus）；炮彈病毒科 （Rhabdoviridae）；單股反鏈病毒目（Mononegavirales）；反鏈核糖核酸病毒組 （The negative-sense ssRNA Viruses）

項目編號：SJ03
項目SJ03為男性，年齡為63歲，血型為O型；其身高172公分、體重64公斤；於11月28日早上被送到位於港島區某實驗室，於14時06分正式開始實驗。感染途徑為經針筒注射病毒，並於15時20分正式宣佈轉化為SJ03-A。

項目行為報告：
14時10分：SJ03出現包括全身不適、噁心等症狀，心跳及呼吸加速；右臂明顯有發癢、刺痛的感覺。
註：SJ03頗為……健談。

14時25分：SJ03出現發燒症狀，身體出汗。

14時35分：SJ03開始出現嚴重痙攣，呼吸困難等症狀；臉部扭曲、表現煩躁不安，會突然出現衝動行為如發狂大吼等行為。

14時50分：隨著痙攣抽搐逐漸停止，SJ03短暫出現好轉且恢復意識的跡象，但似乎喪失語言能力或者其說話意欲。其後意識逐漸模糊，並迅速陷入昏迷；血壓逐步下降至不可測水平、呼吸明顯減弱。
註：老天爺，他終於閉上嘴巴了。

15時05分：SJ03所有生命表徵停止，無法再經儀器測得脈搏。皮膚呈慘白色，指甲變為灰黑色。

15時20分：SJ03正式轉化為SJ03－A，對聲音、氣味等等外界刺激極之敏感，視覺及觸覺幾近喪失；犬齒從牙齦推出、部份牙齒脫落；皮膚因血液氧出現變化而發黑，對生物表現出強烈的攻擊性。

附錄1A

項目對話節錄：
項目：SJ03
地點：港島區某實驗室
時長：70分鐘

SJ03：「我屋企有兩個仔、一個女，依家全部都做緊嘢啦。其實如果我想醫嘅話，都唔係話無經濟能力……但係我唔想佢哋一出社會就要揹住咁大條數，唉……我都六十二啦，夠㗎啦……倒不如（消音），你話係咪？」
KC：「……喔！是嗎，哈哈……不好意思，我有點（消音）。」

KC：「能聽見嗎？」
SJ03：「……（目光散渙）」
KC：「如果能聽見的話，可以請你哼一聲，又或者點個頭嗎？」
SJ03：「……嗯（點頭）」 

SJ03－A：「（大吼）……」
KC：「（消音）。」