卡比先生
2019-02-27 06:37:27
「你咪算好囉,如果你唔係誤打誤撞行咗去我哋兩個呢邊啊,可能未同黑柴相認就死咗啦。」你坐在緊貼牆邊的車椅上笑說。「不過……睇嚟唔係你哋蠢,而係呢部電腦真係好重要,但我又唔明點解莎姐會放心留低部電腦係到。」
「莎姐?邊個嚟?」
「佢係搵你帶路嘅個班人嘅幕後組織--『IBJSDCMC』入面嘅其中一個成員。噚日我唔小心發咗個signal出去,係幾個鐘之後我哋就即刻俾人襲擊,而個班人係明確表示要嚟搵莎姐嘅……」你揉著下巴,嘗試在腦內整合線索。
「但今次我聽到帶頭個嗰人話要格殺勿論,我估佢哋應該已經知道莎姐唔係呢到……與其話蠢,倒不如話佢哋太急於要將部電腦拎到手。」說到這裡,阿桂就能起作用了。「你個邊搞成點?」你靠近他背後問道。
「本身部電腦已經access咗去佢個server到,所以都無乜大問題。」他回首望向你,又接著說:「不如你講想睇啲咩,我再睇吓幫唔幫你搵到?」
「啊……咁你幫我search吓有『SA』,同埋『AMMS』呢兩個keyword嘅資料啊。」
「無問題。」阿桂自信地應諾,隨著雙手接連輸入指令,一個又一個視窗在屏幕上接連出現、消失,不知道重覆了多少遍後,終於開出一份同樣帶著「Classified」字樣的文件,而被覆蓋在其下的則是以列表形式排列的各份檔案。
「……呢個女人就係莎姐?」MK妹十分感興趣地靠前,你馬上感到一陣酥軟的感覺自背後傳來,身體隨即便出於本能地左閃右避起來。「唉吔,你唔好亂郁啦,睇唔到啊!」不知道她究竟是毫不在意,又或是根本意識不到你的尷尬之處,反正被強行固定之下,你也只好乖乖坐著不動了。
而事實上,你很快就把這一切拋諸腦後了。
在你們面前出現的是莎姐的個人檔案,無論身高、體重、年齡、國藉、技能、任務記錄等的欄目一律顯示出「Classified」的字樣--唯獨除了她的照片以及代號以外。
「Agent SA……」你唸出位於那張熟悉的臉孔下方的一行文字。
……莎姐的真正身份是……特工?