……完了。
很快你就會變成那群怪物的一員,漫無目的地在街上游盪--到時候的你還會有意識嗎?還是淪為失去靈魂的行屍走肉?
「哈哈哈哈!」在你正徬徨失神、六神無主之際,莎姐又突然笑了起來。
「……你……笑啲咩?」你語調沒有絲毫起伏地問道。
「你真係信我啱啱講嘅嘢?」她捧著肚子,整個人仰後笑說,「呃你㗎咋!」
你聞語頓時鴉雀無言,卻也在心裡頭暗自鬆了一口氣。
「你唔應該咁易相信我嘅說話至係㗎--尤其是係你睇完部電腦入面嘅資料之後。」她把雙眼瞇成一條線線,嘴角微微上彎。
……她是怎麼知道的?
「……你……一早就知?」你望向回復原狀、正顯示著螢幕保護程式的電腦螢幕,不禁生出疑惑之意。
「唔係擋住個mon就呃到人㗎。」她伸手指向你背後的上方,你遁那方向看去,即看見一個嵌在牆角的小圓罩。「個間『洗衣房』係CCTV房嚟……下次你做啲唔見得光嘅事之前,記得要四圍望吓先。」她越過呆立在原地的你,徑自走到一旁拿起了幾個塑膠試片。
「的而且確,睇完啲report之後又好難怪會驚比我抽針嘅……不過我可以同你保證,支針筒真係無嘢㗎。」她把試片抬高至你雙眼的水平線,你隨即看見一個個貼在其上、寫著不同名稱的標籤,分別為「SV01」、「SV02」、和「SV03」。
「SV……係咩意思?」你皺著眉頭問道。
「Solanum Virus,蘇蘭林病毒 --即係喪屍病毒;而後面嘅編號……」她回到電腦桌面之前,控制著滑鼠快速點擊幾下打開了幾個圖片檔,然後才又接著說:「分別係佢哋。」
你慢慢走近,目瞪口呆地望著螢幕說不出話來。
……它們……也稱得上是喪屍嗎?
「當然,official嚟講佢哋係以01、02同03命名……但我哋自己通常用另一個花名叫佢哋。」她指著顯示螢幕上的圖片,逐一介紹著說。
「『先知』、『哥利亞』、『鬥牛梗』。」