《小松奇妙物語！》（５）

有文，正

老太婆安慰好兒子，即辛苦地嘆出一口氣，然後默默轉身，看見門外的我們。

老太婆憂心的神情，完全呈在面上。

轉眼間，我們由不速之客，變為特約嘉賓。老太婆從廚房拿些蒸饅頭、純豆漿去招呼我們。

「唔夠我再嚟啲⋯」老太婆放下茶點。

「多謝你⋯夠嫁啦。」小松雙手不客氣地，捧起饅頭細咬：「佢無事啊嘛？嗰位先生。」

「訓著咗，應該無事。」老太婆坐下來。

「但一醒咗，就有啲嚴重？」給生芥草的豆漿純粹裝飾用途，他眼尾也不瞧一下。

「我有諗住送佢去醫院，但醫院話要送佢入精神科⋯⋯所以我就寧願喺屋企照顧佢。」可以感受到老太婆的壓力。

「小松⋯教你。」生芥草於小松耳邊細聲道：「當你知道咗一個地方出現咗怪異嘅事情，而當中又出現咗精神怪異嘅人，咁對方好大機會係同「怪異」接觸過，通常線索就係咁樣一步一步搵。」

「你指嘅「怪異」係⋯⋯」

「本應唔會存在喺現實世界嘅事情。」

「你個仔大概幾時變成咁？佢以前好正常？」生芥草轉問老太婆。

「大概⋯兩星期前？佢仲係好勤力，日日早起晚訓幫我處理農務，直到有晚佢忽然慘叫，我落田搵佢⋯⋯佢就已經變成宜副樣，嘢又做唔到，即係好驚好驚咁。」

「附近得你哋住？」

「仲有幾戶人家，佢哋屋企都有成員⋯⋯變到我個仔咁。」老太婆說下去：「但佢哋有啲已經送咗去醫院，再轉到精神科。」

生芥草開始表明來意：「係咁嘅，其實我都係接到相關情報，要調查宜件事情。」

「我都想知咩事，點解好好哋，會有一班集體中降咁⋯⋯變到痴痴呆呆⋯！」老太婆十分揪心。

「唔洗激動，會無事。」小松撫她那皺老的手，安慰道。

「我真係有啲辛苦⋯⋯」老太婆灰心不已，說：「一陣仲要幫佢清理大小異便⋯其實送佢入精神科會更好嘅⋯⋯但我信唔過班人。」

「點班人？」小松問。

「政府⋯⋯佢唔幫我刊登宜種怪病俾外界知，明明成條村都有至少五、六個人中咗招⋯⋯淨係話咩係被蚊針到腦炎，或者寄生蟲入腦之類。」老太婆說。

小松老豆捉曬啲村民

有可能

「嗚啊啊啊啊啊啊──！！！！！！」上面又傳出慘叫聲。

「佢又醒啦⋯⋯」老太婆如被鬧鐘驚醒，慌忙地想要上去。

「交俾我哋。」生芥草輕輕按她肩膊，說：「你休息下。」

「之但係⋯⋯」

「放心喎婆婆，點睇我哋個樣都係天然無害嗰類型。」小松側頭、微笑。

「咁⋯好啦，我都有啲攰。」老太婆續說：「不過係要幫佢清理大小異便，你哋驚唔驚⋯⋯」

「有芥草喺到，洗乜驚喎。」小松搭住他的膊。

「哈哈哈係啊，交俾我。」生芥草的笑容，有點難堪。

上樓梯時，他就已經作嘔三分，似吐又不吐。

「做咩啊你？見都未見就驚？」小松安慰。

「我幻想到已經⋯⋯」生芥草嘆氣。

「已經好開心呢～？加油，因為男男女女授授不親，呢種咁私隱嘅事情，一定要交番俾你男仔。」小松將我抱到他的頭上，說：「我賜小葵俾你，一齊努力。」

如是者，我們兩個男的，就入去面對那位大叫大嚷的男人。他留有長鬚、頭髮有不少銀針，而那些銀針其實是白髮。

「啊啊呀呀呀呀⋯！！！」他只懂驚叫害怕。

「好，一入房就聞到陣難頂嘅味，睇嚟已經瀨咗。」生芥草捲起手袖，並順手掀起被子。

一掀，惡臭撲鼻而來。

他的褲檔內染了一片土黃，極之嘔心。

生芥草愣然一聲：「咦⋯」因為，那男人被各種束帶固定在床上，無法動彈。

「葵阿葵，幫我拉開佢條褲。」神經病的生芥草，意圖將我放到床上，我當然馬上逃走。

「唉⋯⋯」他見遠離自己的我，長嘆一聲就開始工作。

這就是，低級記者的苦。

到清潔完畢，已是半小時的事。

期間，那男人沒停過慘叫。

任憑生芥草問他什麼，對方都不懂得回應，彷如一個床上的廢人，失去思考的能力。

「芥草，點啊？」小松終於肯進來，但臭惡之味尚存，她需要用圍巾掩住口鼻。

「咩都問唔到⋯」生芥草凝思，說：「但佢應該係遇見咗，一啲好恐怖難忘嘅事情。」

「會係咩呢？」

「我都想知。」他苦惱抓頭：「如果問到少少嘢都得，至少可以根據線索查下資料，但宜家就頭癢。」

「哇⋯⋯突然覺得你工作難度好高。」小松對他另眼相看。

「哈，係咩⋯？」芥草一被稱讚，就顯得心如鹿撞：「一直以嚟⋯⋯我都係要咁搵新聞報導。」

「你宜家係做埋偵探喎！」

「就算狗仔隊記者都係咁，要搵到某啲明星嘅娛樂八掛，就要自己去調查個明星嘅一切。」生芥草打出比喻。

「你間報社，好似都有報一般嘅新聞？嗰啲係咪都係你做。」

「有一部分啦，不過之前都同你講過，報超自然事件先係真正嘅業務。」生芥草淺淺一笑。

「咁都幾辛苦⋯」小松點點頭。

「冇計，為咗掩飾。」

「有咩好掩飾？」

「政府唔會批俾我哋。」生芥草說下去：「就算暗地發行，都會受到封殺同調查。」

「因為散播妖言惑眾嘅訊息？」

「因為散播真相。」生芥草停頓一下，續說：「政府，唔會容許有人散播宜個世界嘅真相。」

好多文呀

出街食飯　一陣再出

大量

咁早食

乜你仲喺度呀

我支持墨巴睇文有咩問題

真相就係，現實世界其實係「紫魅世界」所製造出來的紫魅世界，原來的真實世界本來就是「紫魅世界」

如果我係有做成大家不快嘅咁當然抵屌啦，但係我睇文又得罪大家咩呢

Quote文死全家

已經唔想理你本身係咪想抄文 雖然連個topic都似 但我唔想深究 淨係想睇小松依個故姐 你唔好再出聲就ok 你睇還睇 唔好再出聲啦 出聲都係等俾其他人鬧架咋

好撚煩 乜都覆一餐係到r存在感

原來一早已經講咗小葵係黑色

正確來說，一隻毛髮漆黑如我的貓，站了在廟門前。

Facebook都有講過

之前好似有人judge過

不過自己FF嘅都係糖果女孩隻肥黑貓