《小松奇妙物語！》（５）

敏敏本身唔姣架 係純粹嘅愛

但我鍾意佢種姣

咁死神唔算女童軍系列吖嘛

等緊離魂記

成晚冇訓，拜完年訓一陣之後出

訓到夠先好同我出 身體要緊

文阿

文阿

今晚有

兩人原地靜站，不敢胡亂妄動。

「唔係講笑喎‧‧‧‧‧‧」小松慢慢把手指縮回。

「呢到好多嘢都唔係講笑。」吳爹招一招手，上到二樓一處玻璃展示箱前。

即使放滿古色古香滿佈歷史故事的物品，仍然洗脫不掉屋子外在摩登式的設計。

「玻璃櫃好多隻戒指。」小松眼睛閃閃，貼近玻璃幕。

「小松！宜啲都要小心！」吳爹卻警告。

「Why？」

「呢啲戒指，全部都係邪典之物。」吳爹解釋。

我跳上小松膊上，終於夠高望望那玻璃箱子。空間不大不小，總共有三行列，擺放住一隻又一隻款式不同的精美戒指。

「左上角第一隻，係「三日月神殿戒」，你爺爺對付某隻大魔頭得返嚟嘅戰利品。」吳爹又指另一隻銀環鑲珠的戒指，它正散發暗淡的紫光：「呢一隻係闇騎士之戒，墮落黑暗嘅光騎士，先特別擁有。」

「以前真係唔知，以為佢兩老同我一樣古古怪怪，鐘意買啲無厘頭嘅嘢。」小松傻傻而笑。

「呢啲，都係你爺爺同外公嘅戰利品，喺驅魔界、陰陽界打滾咗超過五十年嘅戰績！」吳爹激奮地握拳：「一個人，畢生只要擁有宜間屋其中一件戰利品，就可以享有無盡嘅榮譽同聲望。」

那戰利品掛滿全屋，看上去亦的確挺厲害。

「但我一啲都感受唔到榮譽同名氣喎！！」小松抱手。

「點解咁講？哈哈哈哈。」吳爹見小松像氣又不怒的樣子，就想笑。

「首先冇豪華禮車接送、身邊無保鑣、爺爺有時都悶到要同狗狗兔兔玩，完全無一啲驅魔者嘅江湖味道！」

「哈哈哈哈哈，呢啲咁傳統嘅佬大形象，小松你睇電視先會出現。」吳爹扭一扭頸骨，順道細想：「對你爺爺宜種名成利嘅驅魔人嚟講，或者退隱江湖，不理世事，唯愛孫女，先係佢宜家真正嘅目標。」

「真係大開眼界。」扇柔正觀視，一張被釘於牆上的符咒：「難怪，數十年以嚟從來冇惡魔妖怪，敢走入杞家一步。」

扇柔續說：「單單係戰利品散發嘅微弱邪氣，都已經可以令靠近嘅妖魔邪道得到警告。」

「原本我同嗰個杞樹～都唔會公開宜啲嘢俾外人睇，但見你哋受邀到府上，無可能要你哋眼福空空。」吟笑的爺爺，緩緩現身。

「咦，假道學呢？」小松見三人皆在，唯獨神秘的他不見綜影。

「嗰條友好似成晚無講過嘢？咁怪都有。」吳爹說。

「搵吓佢先。」小松捉著我，一起前去尋找假道學。

小松先是進入廚房，將廚櫃、雪櫃、櫃子、垃圾桶、焗爐通通打開，並細心查看。

「你認為‧‧‧‧‧‧」我有些無奈，說：「佢會匿喺咁嘅位置？又唔係同你玩捉迷藏，小松‧‧‧‧‧‧」

「搵吓，順手望一眼啫，唔洗死嘅。」小松把櫃門都逐一蓋上。

「我聞到，佢陣味喺樓上。」我的鼻子比人類靈聞，是貓優勝處之一。

「佢去樓上做乜鬼啊？上面係我間房同阿爸間房。」小松步上梯級，先踏進自己房間。

搜索過一遍後，發現是沒有的。

「即係‧‧‧係我阿爸間房？」小松望向門外，那陰深的轉角。

好似打緊RPG啲神器咁

二樓的結構，是倒轉的「L」形。

如要前往爸媽的房間，需經轉角行到盡頭。但那轉角之後，長年累月都是關上燈光，因為父親很少回家。

「小松，你都無點見過你行過去。」我望向房門外，那熬人的轉角。

有一段時間，我對「轉角位」有過恐懼。因為，突如其來的人，突如其來的畫面，會打亂安寧祥樂的腦袋。

特別是，從前我經常遊走小冷巷的轉角，一行過去總覺得會發生什麼事情，不祥的轉角。

「驚驚喎‧‧‧」小松終於捨得將我放下：「小葵，go！」

「？？？」我擺出問號的神情。

「扮傻！？養你咁耐，就係要你幫我開路，行去睇睇先。」小松拍拍我尾。

「？？？」接著，我翻肚扮傻。

「扮可愛都要go嫁！」小松卻忍不住手，要蹲低捏癢我幾下。