《小松奇妙物語！》（５）

屋企收埋咗幾本

似啦似啦

朝早出

朝早係指下晝三點後

推

剛醒 沖埋涼出

沒

駕駛的路途上，兩人沒談話太多，小松亦不敢跟她談太多，免得發生什麼車禍之災。

望望小松，見她小說看得入迷，我亦可以小睡片刻。

車子剎停時，我雙腿站立，靠在車門前。看見外面周遭綠野林樹、藍天白雲的風景，就知道已回家了。

「小松，就送到你宜到。」羅琳從倒後鏡，觀望住她。

「唔該你，羅琳小姐。」小松開門，下車：「下次我哋有機會再見。」

「一定有。」羅琳微微一笑。

「走嘍小葵！」小松向我招招手。

我跳落車，跟著小松回屋子去。

臨入門前，好奇地轉身回望羅琳一眼。

看見她眼神死死地，盯住整橦屋子，直至往我眼神對上了，才踏油門慢慢駛走。

回到這間寬闊又開明的客廳，心情就如釋重負。無論空氣、環境，外面任何一個地方都比不上，可能我已習慣居住這裡。

「喵～～」忽然，樓梯那邊傳出的一陣貓聲，把我嚇得跳起。

又是小松玩手機那些會發出貓聲的軟件？我望過去，竟發現是那隻巫茲啦啦，即是那隻外型酷似挪威森林品種的宅貓。

「哎呦‧‧‧！你做咩行出嚟啊？」小松見到牠，立即施現好奇與愛心：「你今日做咩啊啦啦？」

從牠身上毛茸茸的棕啡毛髮，可以看出，牠有一段時間沒修理過了。

「唔～～你仲係咁蓬鬆。」小松不斷捏撫著牠全身。

「老兄，都好少見你。」我行過去，打聲招呼。

「喵～」巫茲啦啦只對住外面，發出悵然的聲音。

「從來無人可以迫到啦啦講嘢！」小松手戳戳我的頭。

「佢今日咁好閒情出嚟。」我說。

我好奇地，走去拍打巫茲啦啦的頭，想看看牠會有什麼反應。沒想到手還觸碰到，牠經已飛快地跑上樓梯，逃回小松母親的房間。

「佢走跑好快‧‧‧」我追到樓梯間，已經追不上了。

「佢好驚人、又其他動物，好難先見到佢出嚟一次渣！！小葵！！！」小松想對我動怒。

「佢入咗你母親間房。」

「喔‧‧‧‧‧‧佢幾乎只會留喺入面。」小松續說：「地下有個洞仔，專俾佢出出入入，平時對門係鎖住。」

「邊個俾食物佢？」

「我爸爸囉，得佢有間房嘅鎖匙，一返嚟佢就會倒食物，落入面一部自動餵食機到。」

「咁諗番起嚟，都好似開始明白，點解你父親唔俾你，入你母親間房。」

「禁絕我好奇心囉，唔俾我對媽咪有產生好奇，想去搵佢。」小松淡淡地說：「都係宜家先知，原來我哋家族有個詛咒‧‧‧‧‧‧」

接著，小松上房把羅琳小說集，都一一放好。

「咁仲你有冇一顆，搵母親嘅心？」我又問。

「就好似你朋友，芳咁，你仲有冇搵佢嘅心？無，因為你都已經俾時間磨蝕咗，我都係，時間可以令你對一個人嘅回憶，慢慢消磨。」平日朗觀的小松，道出最真實的想法：「所以對我嚟講，能夠接觸到佢一啲往事、憶記，補足番我對佢嘅回憶，就已經好足夠。」

「的確‧‧‧‧‧‧」我低頭、自說：「時間，真係一樣恐怖嘅事物。」

「我雖然幼稚，但唔係白痴啊嘛。你估我真係會無止境咁，去搵一個失蹤好耐嘅人咩。」小松坐到床上，按起遙控器。

電視機中，又再一次出現其母親的臉孔。

「羅琳小姐同我媽咪個風格都幾似‧‧‧‧‧‧」小松無端說起。

「一樣係披住件巫女頭紗？」我也留意到。

「嗯！」

「我唔識分別，你哋人類何謂美。不過你母親，明顯稍勝一籌。」我盯住電視機裡的畫面：「佢有種高貴同寡言嘅氣質。」

「羅琳小姐就係好神秘，但外表又好明亮嘅人。」小松說。

食點野先

文呀

推

留低令墨巴有動力嘅正評！

係咪寶琳嗰間

女高中生連續失蹤嘅事件

伏線出現了

感覺羅琳唔係好人

隻貓對住佢叫