《小松奇妙物語！》（５）

搵日一次過更　因為我係網頁即打　冇用WORD存文的

今晚有無文

有

等等

「咁麻煩咁，咁大牌嘅。」小松可謂有話直說。

「小松，你果然繼承住你母親嘅臉孔。」扇柔入來後室觀賞：「你穿好咗，都不失為一位美女。」

「你見過佢？」

「嗯，就算冇見聞，都有聽聞。」扇柔溫文一抿，訴說：「佢有「黑天鵝」之稱，因為佢冷美人嘅氣質，所以唔少電視台都搵過佢做節目。」

「但咁‧‧‧‧‧‧」這次，小松沒急著替母親高興：「啲人咪淨係留意佢外貌？」

「所以‧‧‧」扇柔說到一半，止口了：「小松，說回正題吧。茶道、插花、琴箏、圍棋、書法，你識邊樣？」

「我識飲黑糖珍珠奶茶、屋企種下花、玩下飛行棋同抄功課！哈哈哈哈哈哈‧‧‧‧‧‧」小松將相反的答案說出，還要笑得很開心。

「典型嘅好動女孩子。」扇柔點點頭。

「話說，間棋社你嫁？」小松試著穿這套日式傳統衣服，步出外面走走。

一行出去，七老八十都眼瞪瞪的，望著這位彷彿來自日本的女孩。

「對，正是本人。」扇柔樂然地答。

「以為你係全職陰陽師！」小松走到一檯空桌，摸看著那些黑白棋子。

早晨,正呀 一起身就有文呀

「現今世道科學昌明，宜一界別能夠生存嘅空間越嚟越細，人們都唔再相信鬼神學，所以我哋大部份寂寂無名嘅小人物，冇人供奉的話，只能做點小本生意為持日常。」扇柔雖感嘆，但從他落棋的眼神來看，他對圍棋有一份執著。

別問我為什麼知道，因為我對魚都有一份執著。

那是我望見魚時的眼神，多銳利。

「吓，原來咁慘嫁。」小松很自然地，將一顆白棋放到棋盤上。

接著，扇柔又放下一顆棋到棋盤上：「當然，好似你上次所見嘅吳爹，佢係業內出名嘅「破產驅魔人」，為咗捉捕一隻惡魔，而不惜傾家蕩產。世上有一個說法，人嘅人生，只為同一隻專屬嘅惡魔戰鬥，咁小松嗰隻‧‧‧‧‧‧又會是誰？」

「我每次都可以大步跨過！我係咪真係好有天份呢，其實讀哂中學，唔洗返學，我係一啲都唔開心架。」下棋聊著聊著，小松竟吐出心聲。

「何解？」

「因為一諗到未來唔知點行，就好迷茫。」小松憂心忡忡地，托鄂盯棋：「所以，你哋宜間搵啲嘢俾我做，我都好自然咁跟住做。喺學校個陣，連上堂嘅時間之類都幫你規定咗，幾唔洗用腦，幾容易。」

「每個人都經歷過少年少女，都迷茫過。」扇柔放下最後一手棋：「但最後，都總會諗通。」

「我就係個問題少女，你唔好介意。」小松抿嘴。

「唔會，不過你懂得下棋？」扇柔望向棋盤。

「唔識啊，憑感覺玩嫁渣。」

「但你思路‧‧‧感覺，似乎唔錯。」扇柔抬高頭，望著小松。

「呯──」一名男士，忽然闖進來。

「先生，要捉棋就一小時四十蚊‧‧‧‧‧‧」女店員沒說完，他就衝入到店家內。

「哇，咁無禮貌嘅。」一旁的老伯，說。

那名闖進來的先生，一言不發地走向棋社掛住時鐘的那面牆壁，並踮腳將它拆下來。

「先生請問你‧‧‧‧‧‧」扇柔上前詢問，對方卻不作理會。那人強行將時鐘扭轉到「３時３３分。」才放下來，繼而離開。

大家都被這位不速之客的舉動，嚇到了。

「痴線嫁‧‧‧‧‧‧」下棋的老伯們，萬眾同心地責罵：「有病‧‧‧入嚟搞人間鋪。」

「幫你掛番好！」小松沒理會到服裝的不便，想幫他掛回到牆上。

「唔洗。」扇柔接過時間，自己掛回到牆上：「附近周不時有宜啲精神病人，你無需介意。」

「我真係少見，精神病‧‧‧‧‧‧」

其實我想說「你就是了小松」，但為免引起爭吵，所以我收藏到肚裡作罷。

「我最近唯一見過嘅精神病，就係小葵。」這是小松的下一句：「精神病貓，有日無啦啦係咁跳上我個頭。」

我差點噴血。

我刻意不說她，她居然就偏偏來說我‧‧‧‧‧‧

「其實，我哋宜到都有位類似徵狀嘅人，不過佢係一個細路。」扇柔帶小松走入棋社另一邊關住燈、空溜溜的下棋場。

「你睇角落。」扇柔指住角落那處。

竟坐著一位少年，大約九、十歲左右。

他一面冷然，在獨自一人下棋。

「原來宜到有人嫁‧‧‧‧‧‧」小松抬頭，問：「做咩唔開燈俾佢？」

「佢未付錢，但我見佢係細路，就俾佢入嚟玩下。」真不知扇柔是大方，還是小氣。

要人在昏暗的情況下捉棋，應該會對眼睛不好。

「你哋搵我有事？」那小男孩望向這邊。

「無事無事‧‧‧！」小松微笑。

然後，小男孩繼續自己下棋。

「其實佢好似幾慘‧‧‧‧‧‧呢種年紀唔係同朋友喺公園玩，而係同啲阿伯喺到捉棋。」小松表現感慨。

「佢自稱有個日本古代靈魂，喺背後指導佢捉棋。」扇柔苦笑：「但我就睇唔見。」

「喔，扮緊《棋靈王》！我小學睇嗰陣，都成日幻想背後有隻嘢，跟住自己，幫自己擋風擋雨之類。」小松一邊膊鬆下，聲線苦澀：「但我最後只係得到小葵呢隻肥貓訓喺我膊頭，嗚嗚嗚‧‧‧‧‧‧」

仲有無吖

明天開圖畫 回覆正常出文時間

開始*

明天開始 會正常時間出番

小葵已經淪落為肥貓
諗起史力加嗰隻貓變肥咗個樣

你確定唔係加菲貓