《小松奇妙物語！》（５）

糖果女孩呢

等文中

就黎朝早啦！！墨巴快點

在兩人對話時，老太婆的兒子依然沒有停止大叫，一貫保持住驚慌不已的神色，汗都濕透全身，衣物格外骯髒。

「佢好似幾十日冇洗頭、冇換衫咁⋯⋯」小松把重點，放回那男人身上。

「老太婆⋯都肯定好攰，要照顧個精神失常嘅仔。」生芥草走到衣櫃，搖搖頭：「好人好到底！」

生芥草不理厭惡，決定動手為老太婆兒子進行清潔、更衣等，原來這個年紀輕輕的記者，都有顆善良的心。清潔時，小松都有盡搬送之勞，助他換水、取水、遞水。

「到換衫，解一解佢啲帶先。」生芥草逐條解開，說：「綁到咁⋯⋯同喺精神病院有乜分別。」

料不知！帶子一解，對方就發狂推走生芥草，並瘋掉般衝向窗戶的位置！

「呯」他推開了窗戶，一副準備要跳的姿態。

「唔好啊！」小松及時拉住他的手。

「佢想跳落去⋯！」生芥草都趕來，將對方抱住不放，以防他跳玻窗自殺。

「啊啊啊啊啊啊！！！！！」他的叫聲，引來了老太婆火速前來。

「仔！！！你哋做咩解開啲帶！！」老太婆激動責罵。

我們管不得太多，先合三人之力將她兒子放回床上，用那些帶子將他再次束縛住。

「嗄⋯嗄⋯嗄⋯」突發的事情，讓生芥草大汗淋漓。

「佢啱啱⋯好似想自殺⋯」小松正回想著。

「走！！！！」老太婆激動地，將他們二人趕走。

也是的，差點害人家的兒子自殺死。

「仲有你哋隻貓！」老太婆將我掉出門外。

「呯」大門緊緊關上。

「咁點算⋯？」小松呆呆地問。

「無嫁啦⋯⋯咩資料都無，唯有寫《農場發生不明現象，數名居民相繼中招》。」生芥草無可奈何。

「吓！！咁廢，同內容農場有咩分別啊？」這次換小松驚訝。

「小松⋯對唔住。」生芥草話語充滿歉意：「其實比起偵探，我更加只係個記者，調查出不明事情嘅真相，唔係我範圍之內⋯⋯」

「咁報導嚟你有咩用啊？」

「吸引，驅魔人去。」生芥草簡而直接地說。

「驅魔人⋯爺爺？」小松想起家中廢老的職業。

「驅魔人。接受過各種驅魔嘅專業訓練，行事原因各有不同，有啲為錢、有啲為復仇、有啲為興趣，但目標都只有一個，就係清除妖魔惡鬼。」生芥草語重深長地，嘆氣一聲：「所以比起解決者，我更似嗰召集者，無自己情報網絡嘅驅魔人，就係要靠我哋份「墨報」嚟知各地超自然現象嘅事情，否則香港咁大，佢哋可能成世先遇到一隻邪靈。」

「我又突然間覺得你高尚咗。」小松又舉姆指給個讚。

「哈哈⋯」生芥草苦笑。


「哎啊⋯！」

忽然，不遠處傳來小孩的痛叫聲。

二人同樣懷著好奇的心，走過去查看。

聲音源於大屋外的田野小徑上，兩人行到過去，駭見一名小孩坐在地上，像是摔倒。

「有冇事啊？小朋友。」小松過去慰問。

那小朋友戴住黑眼罩的：「無⋯無⋯只係撞到樹。」聲音聽起來，只有六、七歲。

「做咩戴住眼罩行路啊你？」小松試圖伸手，脫他眼罩。

可是一觸碰到罩邊，小孩就立即轉頭，不讓小松摘下眼罩，十分淘氣。

「你帶住眼罩行路，緊係易撞到嘢啦。」小松沒好氣地插腰。

「我唔可以見其他嘢⋯嫁⋯」小朋友低聲說。

「點解呢？你眼睛有問題？」小松深入地問。

「因為⋯⋯會見到郁嚟郁去。」

「郁嚟郁去？」小松不明。

「佢好⋯奸嫁，會不斷引你注意，令你望住佢。」

「你係指⋯⋯「郁嚟郁去」，係佢個名？」

「係啊！佢成日都喺田上面郁嚟郁去，想吸引我去望嘅⋯⋯」小朋友嘻皮笑臉地說：「不過我先唔會！」

「咁你宜家去緊⋯⋯？」生芥草眼波泛起一絲疑惑。

「不斷走、不斷同佢玩捉迷藏咁，哈哈哈，佢會不斷引你注意嫁哥哥姐姐，你哋要小心呀！」說畢，小朋友摸摸路面，就繼續蒙眼奔跑。

其實個小朋友就係

「小朋友⋯！佢係點樣嫁？」小松追問。

「白色！」他只答了兩隻字。

「白色、捉迷藏⋯⋯」生芥草十分疑惑，說：「佢見到「面麻」啊？《那朵花》嗰個。」

另一邊，小松也是眉頭深皺，似乎是想起什麼：「唔通⋯⋯」

「小松？」生芥草望向她。

「怦」霍然，我的心強力跳動抖到一下。

隨之，我開始感受到小松當下的思想。

「係「扭」！」小松忽地確切地說。

「扭？」生芥草以為小松都發生什麼事，上前看看她面色。

「杞島博子⋯⋯即係我媽媽，曾經喺電視節目上講過呢隻怪物。」小松開始解釋怪物的由來：「根據我媽媽講，「扭」係一隻全白嘅人形生物，佢特性就係吸引任何活人，將目光投放到佢身上。」

「扭⋯⋯嗰名咁得意。」生芥草續問：「咁佢有咩目的？」

「目的⋯？」

「每隻惡魔、鬼怪、邪靈，都有佢嘅目的，咁「扭」又有咩目的？」生芥草先不理真假，問了再說。

「就係⋯⋯無目的。」小松回答。

「無目的嘅生物？⋯係怪物先啱。」

「因為「紫魅世界」嘅怪物，完全係無目的咁存在，佢哋就好似人類心中嘅惡咁，永遠都存在，單純咁存在住。」小松說下去。

「即係無聊咁害人⋯⋯？」

「唔係因為無聊，係真係「無目的性」。」小松捏一捏下唇，使小嘴嘟起：「如果真係要俾個原因，咁就係佢要吸引人注意，再令到對方變痴呆。」

「痴呆⋯好似老太婆嗰仔咁？」生芥草回望那橦兩層大的農屋。

「係！」

「嚟自紫魅世界嘅怪物⋯⋯」生芥草抬頭、凝想：「真係第一次聽。」

「你宜家報導更加豐富未！？」小松高興一問。

「有埋圖就更加好。」作為不為理想，只為薪金的低級記者，生芥草也是有要求的。

「難啲⋯⋯」小松搭住芥草的膊，讓他放棄：「你可能要為藝術犧牲生命，因為清楚望見佢嘅人，都係得一個下場，就係變傻。」

「你啲嘢可唔可信？小松。」芥草用認真的目光，問：「因為篇報導我一落筆，寫少寫多都可能影響到會嚟進行驅魔嘅人。」

「信我！唔信你就翻睇我媽媽嘅靈異節目《奇妙物語》第一集。」小松讓他下十萬個放心，胸有成竹地說：「我可能救咗好多驅魔人嘅命。」

「咁我哋盡快收工返去囉？」生芥草拍拍手腳，厭惡地說：「其實宜到都幾多蚊⋯⋯」

「郊嘢係咁嫁啦，我住石澳都唔少，唔好打喇，人哋好痛嫁。」小松舉起玉腕，吸引到一隻蚊子飛近吸血：「只要唔係白紋伊蚊呢，我都由佢哋嫁，反正人體有咁多血。」

「小松你果然好痴線⋯⋯」我開始明白，那個叫阿妤的女生感受。

兩人由田野小徑返回到馬路期間，又再次聽到剛才小朋友的聲音。這次，他更在田野裡，在跟某個人對話。

「你點都引唔到我～點都引唔到我～」小朋友在農作物高高的田地裡，得瑟地說。

好多文

Bird box

Kune kune

https://youtu.be/oa74oIggrOs
今日睇到

諗起professor powpow

Bird box ?

咩係birdbox 求指教

矇上你的眼

Thxxx

14天嘅時間發生喺2107年 周瑜嗰故發生喺2007年 咁其他故事呢