《小松奇妙物語！》（５）

「好少見人出街帶貓呢？」小松左望右望，說：「咁係因為呢，小葵佢比同齡嘅醒好多！帶佢出街，就好似帶多個同年朋友出嚟咁，但望下佢個樣，又係隻貓喎，幾得意。」

說畢，小松不忘掃我的背一下。

「你仲有第二隻‧‧‧‧‧‧」羅琳問：「貓？」

「係啊，幫佢改咗個名叫「巫茲啦啦」，個名係媽咪以前改，唔知有咩意思，比起小葵，佢好靜。」小松搖一搖頭，無奈說：「佢以前係媽咪嘅愛貓，但宜家就成日困自己喺佢間房到，靠嗰部自動餵食機同自動換水機，日日宅喺入面～～」

「真係一隻長情嘅貓。」這是羅琳的評價。

「我無點理佢lu，啦啦佢都唔想同人接觸咁嘅。」小松手肘橫舉，搭在芥草膊頭：「有啲人，天生就注定孤獨。有啲貓，天生就注定寂寞～」

倏地，我們背後開始隱約傳來一些竊竊私語，就像蚊子，迫使你必須注意牠。

小松回頭一望，發現是幾名同是朋友的女生，往我們這桌觀看，神情有些興奮。

「咁似學校啲男仔‧‧‧‧‧‧」小松不顧一屑，轉向正面。

「唔好意思，打擾到你心神。」羅琳有少許歉意。

「咦‧‧‧？」小松不明所以。

「我就咁睇，嗰幾個女仔好似係我粉絲嚟‧‧‧‧‧‧」

「粉‧‧‧粉絲！？」意想不到的小松，將身子傾前。

「嗯，有追我小說嘅粉絲。」

突然，後面幾名女生站起來，似乎要有行動了。

「佢哋想搵我簽名‧‧‧‧‧‧」羅琳忽然站起，說：「好吧，小松，我諗應該要避一避佢哋。」

「簽個名‧‧‧‧‧‧好快啫？」小松說。

「非工作時間，我都想有自己私人時間。」五官不錯的羅琳，微微一笑：「係我原則。」

「咁‧‧‧‧‧‧」小松轉頭，望望身後蠢蠢郁動的粉絲們。

「跟住我？」羅琳一行出座位，才知她披了件頭連身的長披紗：「你有冇宜種經驗？」

「無啊‧‧‧」小松跟在其身後。

「你會發覺好有趣刺激。」羅琳又再展現不露齒的淺笑。

「請問係咪羅琳啊！？」、「我哋係你粉絲呀‧‧‧‧‧‧！」、「幫簽個名啊！！」、「想影張相啊！！！」

果然，那些粉絲露出真性情了。

「你平時都係咁！？」小松仍然跟在後面。

「嗯～」羅琳轉入樓梯，直落地下：「當你簽一個，第二個就會過嚟，最後你會發現沒完沒了。」

「我淨係喺學校女童軍賣獎卷嘅日子試過咁‧‧‧‧‧‧」小松回憶起美好，不禁甜甜一笑。

「羅琳小姐果然好出名啊，咁快俾人認得出！」生芥草不停回望後方的追兵。

「只不過每年推出某個系列，嗰年銷售量就一定會係第一。呵呵，無咩了不起。」沒想到，羅琳都有些少傲然。

轉眼間，透過街上密集的行人，我們終逃到一間樓上書局，看清楚門牌，才得知是「三聯書店」。

「嗄‧‧‧‧‧‧居然跑咗嚟宜到。」生芥草抹一抹汗：「羅琳小姐成日要逃走，肯定好唔得閒。」

「一開始被粉絲愛戴係幾開心，但久而久之就變得麻煩。」她說。

既然逃到書局，他們都沒特別要事趕著忙，便三人不自覺地，遊逛著這樓上書店。

書店雖小但環境光亮，書本亦放得整齊，所以不難見到有人會站在一邊看書，不分男女老幼。

「羅琳小姐，頭先你講到有個系列好受歡迎，係邊本？」生芥草走到靈異書架一櫃。

「叫「紫」系列，你睇完第一冊，會發現一件好特別嘅事。」羅琳又泛起微笑。

生芥草很快就找到羅琳小姐的書，手上的「紫」系列第一冊都不知翻印了多少次。

但讓人好奇的，是入面的內容，以下為其書底字。

「白色神秘的生物，出現於某農場郊區內。凡遇見者一日即瘋、兩日痴呆、三日喪命──自殺而喪命。它，代表人類的靈魂、代表人類的原罪、代表人類的內心的真相，其名為──「扭」。」

小松看完後，訝異一問：「又喺農場發生、又真係叫「扭」，會令人發癲。」

「宜個就係，我要約你嘅最主要原因。」羅琳緩緩地說出：「我發現，自己本小說寫嘅內容，同你哋報導嘅事情差唔多。」

「咁神奇‧‧‧？！」小松多掀幾頁看看。

「我唔知係咩情況，但我諗聯絡你，係最好嘅選擇。」羅琳交代：「雖然，最後出嚟嘅‧‧‧‧‧‧係小松你，而唔係你母親。」

墨巴

咁「早」仲未瞓

小心身體呀

啦啦係老母？

點會吖，如果係佢阿爺阿公一定知啦

佢都唔知小葵係人啦

墨巴d生理時鐘真係
早睡早起身體好啊

但係隻貓係佢阿媽以前改㗎喎，除非佢阿媽個靈魂入咗隻貓到...唔係都好難會係佢老母

啦啦係假道學
自從假道學出現就冇再見過啦啦

推

Push

「真係喎‧‧‧‧‧‧」小松感到神奇不已：「無論地點，定班村民崇拜「扭」嘅事情，都同本書一樣嘅！？」

「所以我一睇到篇報導嗰陣，就覺得同你總係有一啲機緣巧合。」羅琳說下去。

「莫非係預言者？」生芥草提出。

「預言者？」

「我以前做報導訪問過一位預言家，佢話「預言者」係一種天職。自出生以嚟，就被賦予預言嘅能力，但大多情況下，預言者本身都唔知自己有咁嘅能力，因為尚未覺醒。」生芥草托住下鄂，說：「而預言者本身，都會喺唔同渠道，接受到未來嘅資訊，羅琳小姐你係‧‧‧‧‧‧」

「我小說嘅情節，大部份都係睇完博子小姐嘅節目，再喺訓覺發夢嗰陣，無意諗出。」羅琳感嘆起來，望向自己在暢銷榜排第一位的作品：「估唔到會係預言‧‧‧‧‧‧」

「一定係喇！世界變有咁巧合‧‧‧‧‧‧」小松翻過小說內容，更為確信。

「而預言者天職，就係為咗預防危險發生，可以話係上帝嘅使者。」生芥草補充。

「既然係咁。」羅琳盯住小松，彷彿打了什麼主意。

「吓？」

數十分鐘後，小松雙手已經捧住一堆小說書籍，全為羅琳出版的著作。

「合共一千二六十蚊。」店員說。

「信用卡，唔該。」這些書的費用，交由羅琳付。

「你真係送俾我？」小松再三地問。

「嗯。」羅琳收回信用卡，轉身對她說：「對你嚟講，應該好有用。」

「第一次就收你咁大份禮物會唔會‧‧‧‧‧‧」

「既然你都可以遇上紫魅生物，我諗你都繼承咗母親嘅命運，宜啲小說‧‧‧‧‧‧或者，叫「預言書」？呵，可能對你有用。」羅琳說。

「如果要驗證你寫出嚟嘅，係乜真係預言，定真係巧合，我諗最好嘅方法係‧‧‧‧‧‧」正落樓梯，離開樓上書店的小松，從袋子拿出小說第二冊：「驗證下第二集！」

「嗯，第二冊叫《至死不渝的愛情》。」羅琳簡介：「講述一宗關於女高中生連續失蹤嘅事件‧‧‧‧‧‧」

「應該幾有趣。」小松點點頭。

「要送埋你返去？」羅琳走到附近泊車的位置，問：「我可能順路。」

「我住西貢！」小松答。

「嗯，順路。」

「呃‧‧‧我自己揸電單車返去就可以。」生芥草自徑離開：「再見。」

「再見！芥草。」小松揮手。

「上車嘍？」羅琳微笑。

羅琳駕駛的，是一輛銀色的平治房車。

「羅琳小姐，你識自己揸車真係好。」小松坐在後面。

「新時代女性應該獨立，唔想太依賴交通工具。」說罷，羅琳突然急速駛後，撞到後面的車。

「咦‧‧‧？」羅琳怔一怔。

「呃‧‧‧？啱啱係咪撞車‧‧‧‧‧‧？」小松尷尬地問。

羅琳小姐拉開車窗，往後面一望，發現後方的司機正怒氣沖沖地上前，想要責罵。

但沒想到的是，那名司機正是生芥草！

「喂！有冇搞錯呀！家下玩GTA呀！？」生芥草破口大罵之際，才發現前面的司機是羅琳：「咦！？羅‧‧‧琳小姐‧‧‧？」

「芥草先生‧‧‧原來你嫁電單車，泊咗喺我後面啊‧‧‧‧‧‧？唔好意思‧‧‧‧‧‧」羅琳聲線表現出內疚。

「呃‧‧‧哈‧‧‧呃哈哈哈，唔緊要。」生芥草亦生硬地歡笑。

「笑死，大家居然泊咗喺一前一後，羅琳小姐仲要唔小心撞到阿芥草。」小松掩嘴偷笑。

「咁你嫁車呢？」我突地揶揄一下小松。

「我嫁車咪你囉，小小葵。」小松輕輕捏住我的頭。

「好，剛才唔小心將油門當做向後，宜家搞清楚番。」羅琳小姐雙手握緊軚盤，說：「好，出發。」

然後，她準備慢慢駛出大馬路，卻又被直要通過的大貨車，無情地「嗶」了一聲！使小松嚇了一嚇。

「哇！」

心有不甘的羅琳盯住那輛貨車，隨後連續按了數聲響安還擊。

「嗶！嗶！嗶！嗶！嗶──！」

「哈哈‧‧‧‧‧‧羅琳小姐，我可唔可以睇下你車牌。」小松問。

「放心小松，你信我，我會將你安全送返屋企，大概位置喺邊停？」

「石澳村啊。」

會唔會羅琳其實唔係預言家而係幕後黑手

小葵有冇安全帶

疾疾，護法現身！

石澳唔係喺赤柱咩

作家走去書局買返自己D作品, 感覺好唏噓

墨巴有無自己買返本病港