《小松奇妙物語！》（５）

墨巴筆下既日本妹係唔會有壞人

被馴服嘅野貓唔記咗本性了

杞媽唔係「妹」啦

遲啲惡魔貓上咗芳身

芳消失個時 附近唔係有白虎定玄武出現咩？芳唔通係四聖獸？？？

三十路算係妹妹

推

推

在小松讚美假道學名字時，我發生了突然的變化。

一息間，我重心下垂。

之後，變回隻貓。

「佢變番隻貓啊⋯」生芥草不忘替我拍攝幾張，這傢伙有職業病？！

「咁你可以坐番我大脾啦。」小松將我抱到腿上，續說：「講番啱啱先，假道學，頭先係你襲擊嗰隻黑貓？」

「嗯，因為佢係惡魔。」他怕我們不明白，多補充幾句：「佢係無辦法親自完成，搵真實之鏡碎片嘅事情，只可以依靠好似葵咁嘅「代理人」，去代佢完成。」

「我都奇怪，點解佢都似係識魔法，都要我宜個普通貓，去幫佢手。」我發表自己感言。

「因為惡魔貓一旦現真身，就會惹嚟諸多驅魔者追蹤，所以佢只可以一直靠「代理人」，好似你宜種跌入佢交易陷阱嘅無知生物，去代佢完成想喺人間做嘅事情。」假道學補充完畢。

「我宜個凡人，淨係想知一件事⋯⋯！」生芥草舉手、提問。

「請講，芥草先生。」小松揚手請示。

「出面俾小松綁住哂嘅村民，一陣點處理？無理由賴低佢哋喺到吧？」沒想到生芥草的心，仍然牽掛外面的村民。

「宜部份，唔關我哋事。」假道學冷冷回答。

「咁都真係要處理下嘅⋯話哂大家都係人，只不過佢哋啱啱想殺我咁解啫⋯⋯」經過死劫的小松，仍有心情說笑。

「一時間注入太多訊息喺你個腦，你應該接受唔嚟。」假道學對小松，認真訴說：「宜塊鏡碎片，暫時交由我保管，你去應付完嚟緊嘅考試，我自然會嚟搵你。」

「呃⋯你又知我就快有DSE？」

「咳⋯⋯」假道學聲線有些生硬：「好似你宜種年紀，都差唔多有宜種考試。」

「咁今日嘅事⋯⋯」小松和我，都望向了生芥草。

「交俾我，我會報導出嚟，叫紫魅怪物啊嘛？」生芥草點點頭，翻看今天拍攝的照片。

我們聽從假道學所言，沒理會到村民，就徑自離開。那裡發生的事情，都不再關乎我們了。

小松把今天的經歷，告訴了爺爺。

爺爺只當作聽故事，一邊點頭一邊和笑。

生芥草將新聞報導給超自然的各界人士後，他說都如既和，得不到太大回響或回應，只有一名超自然界的女作家，特別地讚揚他報導的內容。

時間轉眼到三、四月，小松作為一名十七歲少女，仍然以溫書為主要。

每每躺在床，眼望天花板時。

都深信，未來只要往著這方向走⋯⋯

總有日，會重遇母親。

「即使相見唔番，都感受過佢行嘅路，佢留低過嘅智慧。」小松合上眼皮，準備明天DSE的考試。

我也相信，總有天會重遇芳。

小松好幾個月前，已替我在網上製作尋貓啟示，只是一直都沒有得到過回應。


又是一個富有小松特色的早上，咬住方包出門的她，連鞋帶也忘了綁，頭髮的馬尾，也是我臨急臨忙跳到她頭上，幫她扎好的。

「你可唔可以搵一日舒舒服服咁出門口⋯⋯」居然要我這隻貓為她紮髮，我也是瘋了。

「嘻嘻哈哈，咁先刺激嫁嘛小葵！每日朝早都有挑戰性！」小松正跑往小巴站。

吵鬧、朝氣、活潑，陽光滲進客廳會感覺到一陣溫暖，跟晚上的客廳完全不一樣。爺爺如常，喜歡吃漢堡做早餐，不時就跟遠在日本的老外公通訊，這段時間成為照顧小松的一人。

考場內，不得攜貓進入。

因此，小松逼不得已的，要將我放下，叮囑我在外面好好等她，要像忠犬八公，做一隻忠貓小葵。

但誰不知，野貓不舒展筋骨，等於家貓不撒嬌那樣困難，所以我還是順住以前的本性，很自然地走入後巷裡，尋找些吃的、喝的。雖然現在的我，已無需尋找冷菜飯汁，但本性依然，無法抑壓我遊走這處的欲念。

「噹⋯」

一個廚子，隨手將空掉的雜果罐掉到冷巷，就返回廚房。

換轉以前，我已經衝上前面，舔食汁液和果渣。

現在，即使有半隻吃餘的雞腿，被掉在垃圾桶內，都無法再勾起我的食慾。

唯一不變，是我喜歡這裡的寂靜、這裡的偏僻、這裡的狹窄，在爛紙皮旁邊睡一會好了。

反正小松能依靠紅線能力找到我⋯⋯

這種陰涼的小巷，最多的就是老鼠，其次就是我們野貓。

正當我躺好，準備小休前。

一抹黑霧雲影，從不知何處飛入小巷之中⋯⋯

原本有三隻正在尋食的野貓，都被那黑霧吸引住視線，正至慢慢靠近到牠們面前時，牠們才意識到要逃跑。

太遲。

「蓬！」其中一隻，皮毛偏黑的野貓，被黑霧籠罩住。其餘兩隻逃的逃，跑的跑，沒有救走自己同伴的想法。

那隻黑野貓亂衝亂撞、原地翻滾一會後，漸漸靜下來，並疑似把黑霧都收進體內，小巷回復一片安寧。

如今，牠正凝視住著我。


「嘿～好耐無見。」

這把聲，顯然是總共在我面前，死過兩次的惡魔貓。

第一次，是爺爺。

第二次，是假道學仙人。

對於惡魔貓，他們都是毫無疑問地殺掉。

「仲以為你已經死乾死淨。」

「惡魔，係好難殺。」惡魔貓微笑。

「所以，你今次出現喺我面前，又想被殺？」有我在的地方，他的結局都是給殺害。

「上次俾假道學擺咗一道，我唔應該睇小你哋～」惡魔貓跳上垃圾桶，以居高臨下姿態，說：「我當日假如唔係有限制，我會毫不猶豫咁殺咗佢。」

「你唔可以親手完成事情，我已經聽講過。」我抬高頭，望向他：「難怪你要借我去幫手。」

「你已經知道？嘿，咁因為你同我交易過，你宜家差我一次借予能力嘅欠債，亦然係我嘅「代理人」。」惡魔貓提醒。

「你想再搵嗰塊鏡嘅碎片？恕我幫你唔到。」我冷笑。

「我出現係想你記住，你暫時仲係我「代理人」～」惡魔貓續說：「我委託嘅事，如果死前都完成唔到，死後你靈魂會交予我掌管，到時會比宜家慘一千、一萬倍喔，嘿嘿嘿嘿。」

「難怪佢哋都叫我唔好同惡魔做交易⋯⋯」我盯他一眼。

「有好多情況，你係無得選擇。」惡魔貓的目光，移向巷外對面街的學校：「似乎已經考完～？」

「叮噹叮噹～叮噹叮噹～」下一秒，校園果然響起鈴鐘。

「唔阻止你哋，你哋嘅秘密依然係咁誘人。」

我不禁踏前一步，問：「上次，你講嘅佐藤葵到底係⋯⋯」

「嘿，只係嗰普通女優，但一提到「葵」字，你似乎好敏感？原來你都會在意自己真正身份？」惡魔貓無奈地說下去：「其實我有好多便利可以俾你⋯⋯不過，我好需要一個合作嘅代理人。」

係文啊

惡魔都要打丁

係咪要改名

墨巴應該好努力咁諗點去兜

成篇文嘅出現就係為左解釋佐藤葵係AV女優

連向來喜歡站於高處的惡魔貓，都要抬頭望我：「唔阻你工作，佐野葵。」

「！？」

牠剛才，說了什麼嗎。

佐野葵喎 幾時變咗佐藤葵

AV女優既名都記得咁清楚

辛苦哂墨巴