《小松奇妙物語！》（５）

杞靚女

Lm

杞子

杞柒

留

墨b食完飯未？

未

慢慢食

lm

lm

之後的半天，小松先回去呼呼睡一頓。皆因爺爺籲她無需擔心，所有後事會有專人處理，她才能在驚歷完鬼怪之事後，安然入睡。

看起來弱不禁風，有點單薄的小松往往被祖先附身後，體力都會消耗殆盡，一躺上床就醒不到。


「啊⋯訓咗幾耐。」小松一起身，就打開電視。

因天色已暗，她想找些光源。

「成半日⋯⋯」小松又望望手機，並用食指戳一戳我：「小葵⋯」

「？」我尾巴動動。

「陪我落去。」

「你自己落⋯我好凍。」我睡在被窩裡，完全不想出來。

「嚟！」小松將我放頭頂上，然後開門出房。

「咁夜又有乜搞作⋯⋯」

「我想睇吓個留言信箱⋯」小松再次拿起，那部家庭式電話。

「你想睇江小姐有冇搵你⋯？」

「係⋯」小松陌生地按弄電話，一邊疑問：「咦⋯點睇嫁。」

「佢冇搵我喎⋯⋯」小松終於看到。

「咁就得，返去訓。」我拍拍她的頭。

「唔知爺爺講嘅處理，係點呢？報警拉佢？件事都過咗咁多年，都冇證據，點拉人⋯⋯」小松上樓梯時，自問自答著。

返回昏黑的房間，小松盤腳坐於睡床上。電視機的畫面，成為唯一的光源。

「又好似羅蘭件事咁⋯⋯」小松唸唸自說後，忽然道。

「羅蘭⋯嗰個食人魔？都隔咗好耐。」

這張床就彷彿是外太空的一艘戰艦，只要墜入床邊的位置都好危險。

「嗰次，我哋又係冇追根究底，白白了事。」小松凝視著電視，說：「到頭嚟，我乜都唔知，淨係得老豆、阿爺同外公三個小圈子咁，討論我嘅人生路向。」

「葉謝鄧偵探社，全力為你效勞！任何案件。」

電視機正播放「宣傳易」的廣告內容，凌晨時份應該只有這些看。


突然，小松一言驚貓。

「我都要搞個⋯⋯」小松突然用力點頭，站立於床：「奇妙社！小松奇妙社！」

我愣住幾秒：「咳，都夜。」

「真嫁！我要破解所有真相。」小松抱住腰，一副專業模樣。

「但你仲有考試⋯⋯」

「係喎⋯不過唔緊要啦。」她淺齒而笑。

醒來歸醒來，既然是夜晚，就必須繼續睡。所以在小松下定決心，辦不知什麼鬼妙妙屋之後，就拉起被子打算再眠。

「聽朝先再諗詳情⋯⋯」

「呵欠～終於有得訓。」

「小葵啊，嗰個男仔係咪你嚟？」

「⋯」

「答我～」她撫一撫我喉嚨。

「係～」

「你點解變成人咁有趣嘅？定係當我俾祖先附身嗰陣，見親你都會係人形？我記得之前羅蘭演唱會，仲有學校俾人捉走嗰陣，你都以嗰個少年嘅樣出現⋯⋯」小松開始懷疑我，問：「你到底係咪真係貓嚟嫁？定係外星人，想欺騙我宜啲純真嘅地球少女？不過原來你默默保護咗我咁耐，好啦，我暫時唔追究你點解可以變做人，不過你要諗定解釋呀。」

「你對於俾祖先附身嗰陣嘅記憶⋯就係得咁多？」我問。


「仲有咩⋯」

「好似仲提過⋯⋯「空白的記憶」？」小松不明不解地問。

「你祖先，懷疑你俾屋企人呃緊。」既然小松得知，我就直接訴出。

「呃？一家人有咩好呃⋯」

「你可能⋯⋯」我凝重地說下去：「有過一段，連自己都忘記咗嘅過去。」

沉靜。

「我覺得機會係零囉，我秒秒都活在當下嫁喎！」小松反駁。

「你點知自己秒秒活在當下⋯⋯」

真假難分。

「點會啊⋯」小松搖搖頭，否認：「無可能嘅。」

「如果我唔係入咗紫魅，我都唔知自己曾經係人類，即使我到宜一刻都未接受到、相信到。」我合上眼睛。

至少，有個概念。

留名

推

墨巴生理時鐘應該係正常人+8

英國時間

羅蘭事件真係過咗好耐

小松奇妙社係咪米奇妙妙屋啲同類

墨b