《小松奇妙物語！》（５）

懷疑假道學係一開始葵入屋個陣另一隻貓，可能係小松老豆叫佢幫手睇住小松？

推

個隻俾小松話好蠢個隻？

一日追晒五個post

文啊

「你搵一隻貓去做代理人，係錯誤嘅決定。」

「你點反對都好。」惡魔貓如煙消影：「你仲有一筆欠債要還，我會隨時返嚟搵你。」

不一會，

另一個人影，出現在小巷之前，差點把我嚇住。

「小葵，搵到你！」經過沉長考試的消磨，小松目光依然精神。

「又用紅線能力。」見是她，我鬆一口氣。

「我宜家啊，就好似蜘蛛俠咁啊！不過超能力唔係蜘蛛絲咁解！」小松將我抱上膊頭。

「你數學考成點，你好似都通宵咗幾晚。」

「唔好提～好差啊～～」小松一瞬間變得失落。

這個四、五月，結束所有考試的小松，只待成績派發的一刻。她說，中學生這段時期最開心的，因為就像剛滿刑的犯人。

誰不知，等待她的是一座更大的監獄。

這，只是個小小的中轉站，要把你運過去。

但假如有人劫獄的話⋯⋯

又不同說法。


「叮噹～」門鈴響起。

在家裡正跟寵物玩得不可開交的小松，在門鈴響起後依然哈哈大笑，毫不理會。她一個人，大字形的躺於客廳地板上，而她心愛的小動物，就在她周圍繞來繞去、轉個轉去，看得我也老眼暈花，索性合上了眼小休。

「小松，開門～」我說。

「哈哈哈哈⋯！！」小松被那隻金毛尋回犬，踩到腰部的癢位：「你開啦哈哈小葵！我好忙呀呀呀哈哈哈哈！」

「⋯⋯」

無奈之外，我還是無奈。

於是在無奈之下，我無奈地開門。

木柄被小松刻意設計過，套了個小扣，是用來給寵物幫助自己開門。例如金毛一咬，向後拉，門就會開啟。

對我而言，我則需伸手進去拉住⋯⋯

因為我的口，沒那麼大。

門一開，意想不到的人，站在我們面前。

「咦⋯你係⋯」原本笑過不停的小松，亦暫時愣住。

「我承諾過，會嚟搵番你。」假道學仙人，登場。

轉眼間，以地為坐的小松，已與假道學一同坐在沙發上。

「上次農場嗰件事，都好一段時間⋯⋯」小松主動提起。

「你原本應該⋯⋯已經忘記咗吧。」

「嗯⋯？」小松就像被他說穿一樣，流露出訝異的眼神。

「人係咁，面對過於恐怖、唔真實嘅事情，會逐漸忘記。」假道學淡淡地問：「相信你都唔係第一次。」

「咁⋯係⋯係有幾次，不過記憶都好模糊，好似隔咗好耐咁。」小松雙手乖乖地放於腿上。

「相反，你隻貓時刻保持警戒，同你好唔一樣。」假道學掠過我一眼。

「只係佢比較樂天，易無煩惱。」我說。

「記憶宜回事，唔可以太過易相信。」假道學微淡一笑，說下去：「連我都有遺忘咗嘅事情，但宜段日子總算整合番。」

「假道學先生⋯⋯」小松一直凝視住他，說：「雖然我同你只係有過幾次面緣，不過你同一樣，講嘢都係咁令人奇妙啊！」

「我直問你一句，小松。」假道學沒半點說笑的意思，只有清清楚楚的一句：「你想唔想⋯⋯搵到你母親。」

「我⋯我媽咪⋯？」小松又是一愣。

假道學在說什麼鬼話，突然勾起別人失母之痛⋯⋯

「我諗，我知佢喺邊。」

「你點會知道？！」小松眼睛都不敢眨。

「但宜一刻，同你講完都無用，因為你完全無能力入去。」假道學直言。

「咩地方⋯⋯會需要到能力入去。」

「你跟隨我步伐，或者可以搵到。」

「點解⋯」

「因為我係杞島博子⋯⋯」假道學說出，令人難以置信的事實：「唯一徒弟。」

小松完全愣然，彷彿陷入一片不停運轉的思考。

是晚。

「小松～爺爺今晚買咗大火雞，不過係素肉版！哈哈哈，要特登喺荷蘭訂，我係托老朋友去⋯⋯」抽住一袋二袋，說不停的爺爺在入門後，嘴停了。

他靜靜觀望客廳中，那個男人──

假道學仙人。


實際上，我們是刻意等待爺爺回來。

「宜位客人係⋯⋯」

「爺爺⋯佢叫假道學。」小松向他介紹。

「小松新男朋友？」平日爺爺肯定會開玩笑般問，但現在卻認真無比，嘴角完全勾不起笑容。

「佢話，佢係媽咪嘅徒弟⋯⋯」小松難以解釋地說：「你有冇印象⋯⋯？」

此番話一出，爺爺才慢慢接近沙發，那一動不動的假道學仙人。而假道學，亦慢慢抬起頭，望向爺爺。

「你⋯」

「⋯」假道學不發一言。

「小八⋯？」平日像見慣風雨的爺爺，也有呆住的一刻：「你⋯你仲未死⋯⋯」

看來，爺爺確實認識他。

但為何⋯

小松總對眼前的假道學⋯⋯

沒半點印象？假如身為母親的徒弟，爺爺也認識的人，理應關係很親，不親都至少曾經見過一眼。

繼續

「透過佢哋上次搵到一塊「鏡碎片」，我重拾番小部份記憶⋯⋯」假道學將包裹好的碎片，拿出來。

上次我們農場找到那塊，應該是屬於「扭」的鏡碎片，如今仍然在假道學手中。

「宜塊⋯係「真實之鏡」嘅鏡片？」爺爺拿起這塊看似普通的鏡碎片，凝望一番。

「嗯。」假道學續說：「我透過佢，終於回憶番，自己返嚟嘅原因。」

「之前你都去咗邊？」爺爺問起。

「大部分時間⋯⋯」假道學將視線放到我身上，說：「入咗紫魅世界搵線索，直至最近半年先開始接近宜隻貓同小松，總言之遊蕩咗好一段時間。」

「直至搵到其中一塊碎片？」爺爺將鏡碎片交還。

「嗯。」

「回憶？點回憶啊？」小松走過去，拿起鏡子深入地凝視。

「有特別方法⋯」假道學把鏡子碎片收回。

「自從你同博子六、七年前，喺一次外出行動失蹤，我仲以為宜世見唔番你哋。」爺爺彷彿回憶起當時，說：「我諗住你哋死咗，都應該可以喺地獄召喚你哋上嚟，估唔到⋯⋯原來你哋真係仲未離開。」

「⋯」小松就像不知事的小女孩，完全沒插嘴的空間。

爺爺見小松什麼都不懂，就去拿出一本老舊的相冊，入面是一幅幅小男孩與小女孩的玩樂合照。

根據那顆痣的位置，不難看出相中的男孩，正是假道學本人。而那清澈精靈的眼睛，自然是如今亭亭玉立的小松。

「小松，你知道宜個男仔係邊個未？」

「係⋯假道學？」小松以前就看過這些合照，只是不知道相中男生是誰。

沒想到⋯⋯

居然就是假道學。

原來成件事先半年

莫非係小松嘅阿哥細佬

咁葵係邊個？
唔通係假道學嘅分靈體？

小八 八爺

好熟，但係唔記得邊個八爺

墨B個分身

墨巴幾時擺上紙言