《小松奇妙物語！》（５）

Scp173

推

愈睇愈緊張

文呢

阿文

一陣出 岩岩返屋企

記得轉ac

等緊主角大戰高達

有文啦有文啦

「咩⋯咩事⋯」生芥草不敢踏前。

村民們反而步步進逼，將我們迫回到農舍裡。

「大家⋯！」小松想叫醒各位，但無人呼應：「嗰個都好似中哂降頭咁嘅⋯⋯」

「返入去先！不過唔好轉身，因為「扭」可能就喺我哋後面⋯⋯」我一步一步後退。

然後，退到工作室裡面。

「低級記者，去搵嘢頂住對門。」入到去，我馬上搜索可用物品：「然後小松，睇住小德，同埋企喺角位望實全間二作室，用視覺限制「扭」入嚟。」

手持農具的村民們，都小心前進，並聽聲移動，慢慢來到我們門前。此時，生芥草已將桌子、櫃子等重物，都推到門後，作為短暫的抵抗。

「呯呯呯！！！」村民們猛地拍門。

「啊⋯！！」小德怕得抱緊小松。

小松撫撫小德：「乖啊⋯」視線不敢移開。

「呢啲木板應該頂到一陣。」我在棄置的建築廢料堆中，搬出一些割餘的木板。

在農舍的工作室裡，輕易找來了釘子、木鎚等物，我就趁村民想推開矮櫃期間，快速將木板打橫釘上在門後封死。

由於整間工作室，都是由木搭造。

所以上釘等事情，都可短時內完成。


「噠⋯噠⋯噠！」最後一塊木板，都封好了。

一邊情故一邊獵奇，墨巴會唔會精神分裂

「開門呀！」、「你哋觸犯咗神明！」、「你哋要停止宜家嘅行為⋯！」、「我哋唔想再捱餓⋯⋯！！」

雖然只有十數名村民，但每個都手持武器，都不是不駭人。而且，每個都擺出一張喪心病狂的樣子，咬牙切齒的狠不得將我撕碎一樣。

「到底班村民點解會咁⋯」生芥草焦慮地，盯著被木板封死的門口：「一陣要點離開宜到！？」

「打極電話都無訊號⋯⋯」小松則不斷撥打電話。

而我，則不發一言地尋找可防身的武器：「⋯」

「小葵⋯⋯你咁冷靜嘅⋯講下嘢⋯諗吓辦法⋯」小松那可憐的聲線，像向我求援。

我用餘的鐵釘，都敲入一根木棍上，拋給小松傍身：「等陣如果有人襲擊你⋯⋯就用佢嚟毆死對方。」

「吓！！？殺人！？」小松驚訝。

「宜家係佢哋想殺你。」接著，我將一根從木櫃找到的鐵鏟，交給生芥草：「你就用宜枝，你應該夠力用。」

「咁你呢？」他見我兩手空空。

「我用拳頭。」


不得不說，這副身體充滿力量⋯⋯


包括拳頭。

「啪！呯呯！！」村民持續的破壞下，木門開始有破裂的感覺。

「點解佢哋要咁做⋯完全唔知侵犯咗佢哋咩嘢⋯」生芥草雙手緊握鐵鏟，姿勢十分菜鳥。

「我諗⋯佢哋蒙住眼睛，會唔會係因為⋯⋯」小松說出那隻怪物的名字：「「扭」。」

「你意思係⋯⋯」生芥草表情看來，已經明白她的意思。

「佢哋咁多人一齊蒙住對眼，咁就唔會有視線範圍，咁「扭」就自然可以無拘束咁行路。」小松的推理，近乎正確。

「但點解，呢班人要任佢行動，明明佢係隻⋯⋯怪物。」生芥草亦存疑問。

「Be careful what you pray for⋯⋯」小松臉側帶些少陰沉，學著母親電視上的口吻：「宜個世上，會有愚昧嘅人會視「怪物」為「神明」，而宜種行為，將會招致嚴重嘅惡果。」

「小心你拜嘅係神⋯⋯定係鬼？」生芥草恍然，說：「可能出面班農民⋯⋯根本一早知道隻怪物嘅存在，否則唔會發生到咁多次目擊意外，令受害人變痴呆，佢哋有心隱瞞，呢隻怪物。」

「但點解要咁做？」生芥草又疑問起來。


「你哋睇，宜個田園「開心農場」嘅每年業績⋯⋯」我突然，想起一件事。

於是，把那份看似平平無奇的報告，指給他們看。

小松細心凝視，審視當中的問題：「喺幾年前⋯⋯佢哋收成量突然變好⋯⋯近乎係幾何級數咁上升⋯」

「我覺得⋯隻怪物話唔定，同農田嘅收成量有關連。」我大膽估計。

「呯！！！」木門破掉了。

村民裡狼狠的模樣，從木板的空隙透露出⋯⋯

「佢哋就快攻到入嚟！」一直背對門身的生芥草，嚇了一跳。

「準備做好⋯覺悟。」我擺好戰鬥的架式。

「小葵原來你打架姿勢咁似人⋯⋯」到這種情況，小松還是不禁一問。

「盡可能我都唔想殺人⋯⋯」生芥草最為緊張。

我們三人，一同盯住快將破裂的木板。

「呯呯！！！」木板破裂！

村民一湧而至，一進來將我們重重包圍。


「小松，企我後面。」

我低語。

高潮