《小松奇妙物語！》（５）

墨巴我愛你啊

皮已正

咁遲先劉明

新post留名

歡迎黎到小松妙妙屋

Lm

要相信一個不曾憶記的真相，到底有多困難。人們寧願活在虛假的美夢，還是殘酷的真相，都有待探究。

翌日，「小松奇妙社」正式成立。

沒想到⋯⋯

是真的。

「你喺面臨大考嘅時期，先搞啲咁嘅嘢。」我帶半訓話的語調，說。

「過下癮啫～」小松擺出別那麼小家的手勢，說：「而且我呢啲Nobody！邊有人識喎。」

「叮叮──」手機傳來震動。

生芥草：「小松⋯⋯你開咗個專頁叫「小松奇妙社」，感覺好有趣，可以入去參觀下？」

杞小松：「傻的嗎芥草，睇睇簡介先。專幫人解決靈異現象同事件，提供不專業意見，唯一優點係不收費。」

生芥草：「哈哈，都肯定好有趣，如果由你嚟查案。喺食人魔事件之後，我都冇點同你聯絡。」

杞小松：「我迷茫咗一段時間啊，分唔清真真假假。後嚟我知道唯一可以確信嘅事實！」

「係咩？」偷瞧小松手機的我，於現實問。

小松在手機繼續回覆芥草：「就係接近宜啲事情，就可以有機會搵番媽咪！」

生芥草：「有個目標係好事，一個前進嘅動力。」

杞小松：「係吖，所以你想唔想成為我其中一名成員？」

生芥草：「義務幫下你忙就得⋯⋯正式員工就，等你真係成立到間公司先！」

杞小松：「兵貴神速！宜家我傳送一個地址過你，即刻去會合。」

如是者，小松就更衣出門。

直至去到會合處，我才得知小松是想返回江小姐的單位，因為地點就在她的大樓下。

「突然叫我出嚟⋯⋯有啲急趕。」生芥草喘噓噓地過來：「小松⋯叫我嚟係？」

「想同你去調查。」小松指住大樓，某一個單位。

根據她所指的單位，應該就是江小姐那一層。

墨巴又爆肝

徒步前去時，小松給他說起事件因由。

「就係咁嘅，前幾日有個人委託我幫佢驅邪，最後好似成功咗，但同時揭露咗佢係個殺人犯⋯⋯」小松雙手合十，訕笑：「我有啲驚，想有個男仔陪我。」

「居然揀中我⋯！？」生芥草喜出望外。

「因為你同我一齊經歷過食人魔事件嘛，你又好似係做乜嘢靈異報社？所以你好似可靠啲啲。」

「咁就啱，我宜部「金山」單反，可以拍攝到好多靈異現象。」

「咁勁⋯⋯？！你之前無同我講過嘅？！」小松很激動地拉住他手臂，彷彿嚷著看相機。

「之前我驚嚇親你，哈哈哈⋯⋯」

「叮」已到達樓層。

「其實我想搵番江小姐，係仲想了解件事，包括我媽媽嘅事，琴日心情太亂太驚⋯走得太快。」小松踏出升降機門。

「放心，我之外仲有葵陪你。」生芥草癢弄我的肚腹。

「嘶～」我對他發出警告的聲音。

「哇⋯對唔住。」生芥草立即縮手。

「垃圾。」我說。

「咦？佢喵我？」生芥草問。

「佢話你好靚仔喎。」小松作出虛假翻譯。

「哈～」他竟然真的尷尬地抓頭，說：「一般啦，但中學都叫做收過情信。」

有時候，活在虛假的美夢，果然好一點。

一轉眼，我們已到達江小姐單位。

可是⋯

單位被封鎖了。

一條黃色的警告膠帶，禁止任何人進入，而警告膠帶是屬於政府的物品。

「封咗？」生芥草問。

「果然⋯又係咁。」小松卻像料到般。

「又係咁？」

「上次羅蘭事件嗰陣，同類嘅事已經發生過一次⋯⋯睇嚟同爺爺所講嘅專業人士有關。」

「你係指，佢講嘅專人處理？」我說。

「係，無錯。」小松托鄂深思，說：「社會⋯似乎有班政府人員，係專門掩飾超自然現象嘅真相。」

「呢啲睇電影先有⋯⋯」

「咁江小姐會被帶佢邊？佢仲係個活人，同羅蘭嗰次一樣，隻食人魔羅蘭又俾人捉咗去邊呢？」小松點點頭：「好值得思考！」

「要唔要⋯⋯入去？」生芥草忽然鬼祟地問。

「咩料啊芥草先生，唔通你有方法入到去？」小松也配合他，悄悄細問。

「對我呢啲下流記者嚟講，小問題。」說畢，他從口袋取出一些開鎖工具：「爆門再快照宜種事，我哋經常做。」

「你唔係淨係需要影靈異現象嘅相渣咩？」

「都要影啲八掛新聞嚟搵吓飯食，始終呢啲事唔係成日發生，我都唔想成日見到⋯⋯」生芥草無奈地說。

「咔」

一番轉折後，門鎖終於被扭開了。

生芥草踢門進入的第一步，就是拿起相機無差別拍攝。

入面看來，跟昨日無異。

只是早已人去樓空，包括江小姐和床上那具乾屍，都早已消失不見。餘下一大堆曾經生活過的證明，如書籍、罐子、被褥等⋯⋯

「影唔影到啲咩？」小松拍拍他的膊。

「暫時影唔到⋯⋯」生芥草打量周圍：「應該俾人清空咗，感覺好乾淨。」

推呀

我想問有冇墨巴啲故嘅timeline