《小松奇妙物語！》（５）

墨說

947 回覆

550 Like 7 Dislike

墨說 2019-02-05 04:54:17

「嗚～～」忽然，烤爐前的吳爹嘆出享受之音：「真係好正呀！！！係最靚嘅神戶牛肉上面，撒上一點點嘅玫瑰鹽！再食入口，即溶！！！」

「仲有牛肋骨、里脊肉，慢慢食啊吳爹～」爺爺安慰笑道。

「嗰位叫吳爹嘅，真係為咗驅一隻魔，已傾家蕩產？」小松細聲一問。

「宜層，我唔太清楚，始終我喺「陰陽界」打滾居多，「驅魔界」嘅江湖事聞，實在少聽。」儘管扇柔不知，還是給予答覆：「但同吳爹相同嘅人，都有好多，因為一旦走入宜條唔符合社會規範嘅路，好多事、好多人，就會有好大嘅轉變。」

「即係話，你哋行嘅‧‧‧‧‧‧」小松釋下嘻皮笑臉，認真一問：「都係一條不歸路？」

「當然。」扇柔說下去：「要脫離都實在太難。就好似要一個驅魔者，明明見到一隻魔鬼，都唔即刻唸驅魔咒咁難。」

墨說 2019-02-05 05:04:10

「喔！即係就我而言‧‧‧‧‧‧就好似見到隻貓，都唔去撚佢咁難啦喎？」小松打個比喻。

大家聊得正熱，樂也融融時，唯獨假道學對世間外物不理不采，自顧閉目養神。

「咁沉靜。」我走過去，叫一下他。

假道學是不理會我，還是真的睡著了？

「喂，有冇乜嘢想食。」我抬頭望他。

「檸檬。」他答。

「檸檬‧‧‧‧‧‧唔食肉？」

「檸檬就夠。」

「你口味真係神奇‧‧‧‧‧‧」

為此，我特意去廚房的雪櫃，看看入面有沒有檸檬，幸好入面尚餘切開的半個。

我便咬過去，拿給假道學：「開餐囉。」

假道學稍稍一笑，彎身撿起我帶來的檸檬：「唔該你。」然後，就放入口進食。

看到這幕，我不禁打個冷顫。

檸檬我咬過來時，嘴巴都已經酸到不行，他還直接整個吃，實在太恐怖了。

墨說 2019-02-05 05:12:20

烤肉聚會進行到一半，大家都吃飽喝夠。其中，吳爹吃得最多，他的碟子上滿是肉骨的屍骸。

而假道學幾乎沒吃到什麼，就跟小松一樣。但小松至少會吃蔬果，諸如青椒、洋蔥、茄子等物，也難怪假道學會瘦得「富有骨感」。

「各位，今次邀請你哋嚟，其實係有目的。」見大家吃得不想動，爺爺就趁機宣佈。

「估到你啦老木，哈哈哈！你成年無見人，又會咁好死突然請我哋食燒肉。」吳爹咬住羊架，說。

「我想你哋，好好訓練下我乖孫。」爺爺道出目的後，吳爹、扇柔和假道學三人，即往小松身上望去。

「哈哈‧‧‧就係我。」小松揮揮手。

「世上應該無一個人，會比你訓練得更好，老木。」靜了半晌，吳爹徐徐地說：「驅魔界入面，你曾經培育過嘅出色弟子，都好多。」

「問題就係，佢係我個孫。」爺爺雙手放腰後，嘆一口氣：「我永遠‧‧‧‧‧‧都唔敢俾佢嘗試危險。」

96年廢青 2019-02-05 05:23:44

正呀好多文呀

墨說 2019-02-05 05:34:10

「嘗試危險？」我怔住。

「我唔忍心俾佢獨自對抗惡魔，解決問題。」

「哈哈哈，原來係咁。」吳爹續說：「世上最勁嘅驅魔者之一，都會有佢嘅苦惱。」

「何解，選中我哋三人？」扇柔問。

「你哋三個都算係喺傳聞流出之後，都少有會關心慰問過我哋嘅老朋友，唔搵你哋，仲可以搵邊個？」爺爺向三人，投以信任的眼神：「你哋唔需要太急答我，食飽完，好好咁諗諗先，拒絕都無所謂。」

於是，爐收了，換大家的腦袋開動。

飯後環節，吳爹和扇柔都分別去參觀兩老屋子的展示品，只有假道學一人獨留椅上。

「爺爺拜托你做小松師傅，你點諗？」我問他。

「我冇資格。」假道學只說出一句。

今天他走冷酷路線嗎‧‧‧‧‧‧

不，他每天都是這樣。

小松她跟著人群，走入兩老的屋子，聽他們解說展示架上的物品。吳爹和扇柔，都分別對爺爺及外公的展示品，有所認識。

吳爹正精細地打量，一個羊形頭骨製成的頭盔：「宜件‧‧‧咪就係巴風特嘅頭骨‧‧‧‧‧‧價值連城。」

「巴風特頭骨？」小松神不知鬼不覺地，出現在吳爹身後。

「哇‧‧‧！」吳爹被突如其來的她嚇到：「呼，係你啊小松‧‧‧‧‧‧」

「咁驚做咩啊，做賊呀？」小松眼光銳利地，盯著衣衫破爛的吳爹。

「只係以為望一望，就俾巴風特搵上門啫‧‧‧‧‧‧」吳爹說。

「你咁勁件頭骨做咩啊？」小松戳戳那件展品。

「唔好手多多啊‧‧‧小松。」吳爹阻止小松調皮的行為，並解釋：「你外公同你爺爺成間屋放住嘅‧‧‧‧‧‧都係曾經驅魔嘅戰利品，件件貨真價實‧‧‧有啲尚存邪氣嘅，你唔小心一掂都可能中招！」

「有冇咁易啊？」小松的孩子性格，硬要多觸一下羊頭。

結果，這一下換來了‧‧‧‧‧‧

一聲，羊的撕叫。

傳自某個的方向，但吳爹和小松兩人都聽得很清楚。

小松身子立即僵住，不敢動了。

吳爹小心翼翼地，向小松點點頭：「無事‧‧‧‧‧‧我相信你爺爺間屋好安全。」

杜德撚 2019-02-05 05:52:24