《小松奇妙物語！》（５）

「喵～」巫茲啦啦只對住外面，發出悵然的聲音。

可能係吠緊羅琳

睇個樣都似係 無啦啦出嚟

又或者羅琳根本係佢老母，只不過係失憶咗。

「我唔識分別，你哋人類何謂美。不過你母親，明顯稍勝一籌。」我盯住電視機裡的畫面：「佢有種高貴同寡言嘅氣質。」

「羅琳小姐就係好神秘，但外表又好明亮嘅人。」小松說。

高貴同寡言，又中意入老母間房，老母仲唔係巫茲啦啦?

墨巴食咗12個鐘頭野

yummy

推

媽咪麵

有無咁ge可能

隻貓聞到佢陣味所以行出房

我都覺得係 因為小松外祖母同祖母都失憶

食女梗係要食耐啲

女！？

Push

無咁易估嘅，但肯定係奸嘅

神秘啲姐 未必係奸既

「小松～～」爺爺在樓下呼叫。

「咩事啊爺爺？」樓上的小松，只需打開窗回應。

「今晚燒烤啊～」

「兩個人都燒烤！？」

「仲有一位人兄會嚟，可以話係你未來師傅！」

「吓？未來師傅？咩意思呀？」

「你今晚就明。」爺爺意味深長地說。

當晚，小花園陣陣的燒烤香氣，傳上至房間內，將午睡的我們弄醒。自從非上學時期後，我跟小松就彷彿徹底當了個廢人。

以前至少會去松記糖水鋪上班，現在索性飯來張吃。但由於小松素食者的特性，使她身形依然纖瘦且手腳細幼。

小松將我抱落去小花園，走向正在忙著烤爐事情的爺爺。

「說好的師傅呢？」小松將我放到爺爺的禿頭上。

「應該差唔多嚟！」原來爺爺正忙著把洋蔥、青椒等烤熟。

「呵欠～」小松坐在一旁的露營椅上，說：「又會咁突然。」

「因為，身為杞家嘅子孫，果然都係逃避唔到命運，係要學習驅魔技能。」爺爺無奈搖頭，一邊精選最美的肉扒等會放上烤爐：「而人脈都好重要。」

「叮噹～」說時遲，那時快，門聲已響。

「小松，幫我去開門。」

「知道～」

見小松離開，我亦從禿頭上面跳落地，跟在她身後。

「你好，搵邊位？」小松打開閘。

「哈哈哈哈，真係好可愛嘅細路女。」門外，一位長著鬚子、衣著打扮像流浪漢的大叔哈哈笑道。

「啊！變態佬呀！」小松立即關閘。

「等陣。」大叔伸手入閘，防止小松關上：「我約咗你爺爺‧‧‧‧‧‧聽講有免費肉食！」

「我哋係有肉食‧‧‧‧‧‧不過‧‧‧爺爺真係約咗你？」小松細盯對方。

「我似流浪漢啫！實際上我係個驅魔者。」大叔自我介紹，說：「我叫吳爹，同你爺爺杞木係舊相識。」

「喔‧‧‧吳爹先生。」小松慢慢將門打開。

「嗄～杞木叔！你孫女真係多嘢講啊，我想入個門口都咁多交流。」吳爹行入去之前，摸一摸屋子的小閘：「嘿，宜道防魔閘做得幾好嘛！用地獄第九層嘅黑曜石造成。」

「吓‧‧‧」小松呆然，說：「爺爺，你朋友好中二病呀。」

爺爺上前迎接：「佢叫吳爹！爺爺老朋友，雖然後生我二、三十年左右，但好可靠。」

「要拜宜位大叔做師傅‧‧‧‧‧‧？」正當小松疑惑之際，門鈴又響起。

「邊位？」小松再問。

「受杞木先生邀請，前來府上。」外面的來者，似乎是位恭恭敬敬的客人。

「爺爺，你有叫多一個人咩？」

「係啊，照樣開門就得。」爺爺說。

於是，小松又開門迎接。

進來的，是位身穿一件簡約日式道袍的男人。其容貌平平，唯一的特點是肩上坐著一隻貓，跟小松平日會迫我做的事情無異。

「請問杞木先生喺‧‧‧‧‧‧？」對方禮貌地問。

「右手邊請～」小松亦配合他的溫柔，說。

「你嚟咗啦？阿扇柔先生。」爺爺招呼他。

「仲以為爺爺叫得一個人‧‧‧‧‧‧」小松望向小花園那邊，已坐著兩人。

「屋企好似頭一次咁熱鬧。」

「嗯嗯。」小松托鄂，說：「真係除咗爸爸爺爺公公之外，都無乜人踏入過宜到一步。」

「叮噹～」門鈴再三響。

「哎吔‧‧‧‧‧‧爺爺，索性打開道閘算啦。」小松又要查看來人是誰。

「今次真係最後一個！」爺爺喊。

於是，小松又盡本份迎接最後一位客人。


「假道學‧‧‧！？仙人？」小松怔住。

門外的假道學沒有回應，只是默默地等她開門一樣。小松把閘拉開後，他點頭示意謝謝，就行去人們聚集那邊。