《小松奇妙物語！》（５）

聽畢，我們趕到農田外面，尋找村長所說的泥廟位置。

「呼呼呼──」外面掀起狂風暴雨。

「你信嗰阿伯講嘢？」生芥草都跟在身後。

「鏡係反映真相之物，應該無錯嫁喇──」由於風聲太大，小松說話得吃力點。

最終，我們一顆大榕樹下，找到村長所說的那座泥廟。是由泥土堆砌而成，像鄉下窮地方用來供奉神明的地方。

「隻「扭」又會唔見咗一段時間，又唔阻止我哋咁奇怪⋯⋯」小松疑惑。

我翻挖出泥土，果見入面藏住塊鏡⋯⋯

鏡的碎片。

「就係宜塊？」

此時，惡魔貓出現，站在小泥廟上。

「做得好。」惡魔貓凝視我們三人：「我會幫你帶走隻嚟自紫魅怪物，只要交俾我。」

「你⋯」

「交俾我。」惡魔貓，說。

「隻黑貓係⋯⋯？」小松愣住。

「邊到嚟嘅貓⋯⋯？」生芥草也呆住。

在我將鏡子碎片交出的一刻，

惡魔貓觸碰到的一刻⋯

「契約解除。」一把不知哪來的聲音冒出，一股快疾的閃影將鏡子碎片從我倆之間奪去。

「假道學！？」我望過去，奪鏡之人正是他。

繼而，他伸出一隻手向惡魔貓：「返去屬於你嘅地方。」拳頭一捏，惡魔貓被不明力量壓擠，全身分崩離解。

所有事情，都在五秒內發生。

「你點解突然出現⋯⋯」我問。

假道學拿上鏡子碎片查看，才向我們交代：「你仲差隻惡魔一次交易契約，我特登等到你完成契約，先出嚟搶⋯⋯」

「你一直喺我哋身邊！？」

搞不清楚情況的生芥草，問：「等陣⋯⋯即係宜到，基本上等我一個係正常人！？一個就由貓變人、小松就用無形空氣線綁住人、之後宜條友就突然憑空飛出嚟講莫名其妙嘅說話⋯⋯」

推

生芥草真係好撚癈

「我覺得，我哋有必要好好咁坐低落嚟傾下，各位奇能異士。」生芥草收拾心情，說。

我們眾人，先回到農舍那邊避雨，順便討論剛才所發生的事情。至於剛才所有暴怒的村民，則通通被小松的紅線所束縛住，包括村長。

「交掂哂，咁就唔洗驚佢哋突然起身襲擊。」小松拍拍手，問：「芥草，小德呢？！」

「叫咗佢跑返屋企先，宜到太危險。」

「我對你有啲印象⋯⋯」小松對假道學，說：「嗰次深夜小巴上面，見過你？」

假道學只是輕略點頭，當作回答。

「頭先點解你會突然出嚟⋯⋯」這裡，應該就我一個跟假道學最熟。

「因為你即將要交「真實之鏡」嘅碎片俾佢，而佢，係一隻惡魔。」假道學反問：「咁你明白事情嚴重性？」

我未問是何物，小松已經搶住出來答：「「真實之鏡」！？我媽咪本書《好奇欲》入面，講過宜件聖物，一塊好似盾牌咁嘅鏡⋯⋯」

「聖物⋯？咁即係啱啱塊鏡碎片，係聖物之一？！」生芥草說。

「未完整，佢已經分裂成好多塊碎片，喺唔同地方。」假道學繼續回答：「頭先嗰塊，只係組成完整「真實之鏡」嘅其中一塊。」

「組成到全塊鏡又點？」

「佢係唯一用嚟收伏紫魅生物嘅聖物。」

「你都知紫魅世界⋯⋯？」小松對於投緣者，感到好奇。

「我知道宜種學說，概念仲係好模糊，好少人認知。」假道學回應：「世上都無幾個人，識得對付跑嚟現實世界嘅佢哋。」

「你話佢係用嚟收伏紫魅生物嘅聖物，即係嗰隻「扭」到宜家都未消失！？」生芥草指住鏡片，大驚。

「無錯。」

「咁⋯咁咪有排煩⋯⋯」

「驅魔人同惡魔嘅鬥爭，都維持咗幾千年。」假道學把鏡的碎片收下，說：「相對嚟講，只不過九牛一毛。」

「你可以點稱呼啊？」小松向假道學，問。

「假道學⋯」

「個名好得意。」小松抿笑。

Push

推

假道學終於蒲頭

我愛假道學

個女人唔通係小松阿媽

有冇講過假道學係小松老母徒弟？

似杞子教授係佢恩人之類？

之前有講過話小松老母有一個徒弟，但無開名

咁有機會係小葵啫

假道學可能係芳添

已經被遺忘既芳

神隱咗嘅伏線

主線變伏線

似係啦

好想做墨b隻貓

總係覺得小松阿媽係奸嘅，最尾可能會係兩母女決一死戰

LM