有無巴絲打鐘意玩P社喲戰略game？(2)

新手玩Eu4 用法國，英國海軍上限過千，大船三百細船三百點樣打 自己一直發展陸軍 得個百幾隻船

想問下海軍要點建立？我見有大中小同運輸船
整一隻船又要一年，但一場仗就可以無咗
到底和平時期要點編配，做咩任務
打仗時又要點編配先可以打得贏？
同埋科技升級，舊船係咪無得更新做新啲嘅船？

冇得打，冇人打得贏英國皇家海軍，多成幾倍船都會輸。英國個科技組令大英海軍無敵，唯有玩偷渡係陸地打贏英軍

但佢又勁有錢，一個月搵五六百蚊，金庫成四五萬蚊，狂請僱傭軍既話，上島唔知打幾耐

重玩 一定要一開波收英國皮

上回提要：羅馬尼亞一夫當關擋下邪惡紅色軍團既千軍萬馬，哀哉蘇聯連一格地都搶唔到

喺長達一年既防守戰入面，蘇聯付出左沉重既代價，雖然蘇聯既人力可以話係接近無限，但軍備點都係要等時間生產出黎，無論AI喺開戰前囤左幾多裝備都好，消耗左2.5m人力既蘇聯必然將軍備庫入面既槍械用盡，羅馬尼亞只需要稍花心神就可以將蘇聯擊潰

依個時候德國秘密派員同羅馬尼亞接觸，德國已經準備好加入戰爭，協助兄弟國羅馬尼亞打敗侵略者

一般而言德國AI會喺40年底向蘇聯開戰，雖然喺正冬天打蘇聯預左食組織度同移動速度debuff食到嘔，不過都冇辦法

任何國家打蘇聯有非常多既問題需要克服
首先係原波蘭國土既東部係沼澤地帶，減攻40%
第二，蘇聯正面戰場太闊、太深，你要維持戰線推得到又守得住，必須要有百幾二百個師，最好有2個以上滿編主力師包餃子，必要時甚至係連填線師都要平推
第三，好多條大河要過
第四，全部地都係爛地，基建等級低會導致前線區域既補給值低，正正常常一個主力師大約都要食40幾50既補給值，補給超負荷的話會導致組織度回復慢，去到某個點甚至會倒扣組織度，令你越黎越難推
第五，要打到蘇聯投降，幾乎要打到烏拉爾山脈以東同巴庫油田先得，有撚排打

而以羅馬尼亞而言，要喺人力非常局限既條件下打贏蘇聯，必須同德國一齊打先至得，另外人力所限下只出到一隊滿編主力師，同埋4隊5傘兵填線師，如何大量包餃子就成為左必須面對既難題

咁具體要點反推蘇聯? 你重記得我地既填線師唔係單純既步兵，而係傘兵呀可?

咁就當然用HOI入面最OP既空降戰法，夾硬整個餃子皮包到佢實一實
依到我自己會將傘兵空降到河既對岸，因為傘兵空降落去之後幾乎可以話係冇退路，為免餃子入面既餡塞得太多整穿層皮，需要將塊皮加厚D，而條河就成為左整厚層皮既最佳方法
另外，將主力師集中喺袋口向前推，完成包圍
(重要記住黑海邊既港口要預先佔埋，以免敵人經海路逃走)

要空降傘兵，需要先生產運輸機若干，再將傘兵放到部署左運輸機既機場，好似畫登陸作戰咁揀出發機場同目標province，再實行作戰計劃就得
同登陸作戰一樣，你需要掌握出發空域、經過既空域，以及目標空域既制空權先至可以實行作戰，一打入蘇聯國土之後AI會調晒全部空軍去烏克蘭空域作戰，直至德國參戰前都唔會再拎到空優，所以只有一次機會

用左小小時間之後完成左個包圍圈，將三十幾個師重重包圍，剩返要做既野當然係將佢地繳械


打完包圍戰之後，蘇聯既陣亡人口已經上升到436萬人


前線大量軍隊被圍殲，加上蘇聯調兵應付德國既入侵，羅馬尼亞依邊既防線變得薄弱，剩返要做既好簡單，就係不計人力、裝備損失，將所有師團由羅馬尼亞邊境平推到莫斯科同其他有VP既province

40年12月德國向蘇聯宣戰時，羅馬尼亞已經推過左基輔

41年1月，深入蘇聯既核心地帶，準備攻佔巴庫油田、史太林格勒同莫斯科

咁當然你喜歡的話可以直接空降VP既，不過要非常小心被AI集中兵力圍攻，所以空降落去既時候切忌太深入敵陣，必須要有軍隊快速推到前線，確保退路
記住，攻佔任何地方都好，最緊要既野係確保退路，全身而退
要上一齊上，要走一齊走

41年2月，羅馬尼亞軍成功攻佔莫斯科

5月，隨住蘇聯既軍工廠一個接住一個落入羅馬尼亞同德國手中，蘇聯冇能力維持已有軍隊既軍備需要，更枉論徵召新兵，加上蘇聯國土實在太大，推過左莫斯科之後防線越推越薄，可以放手比軍隊平推，展開佢地既西伯利亞之旅

然後去到41年9月

開始分割領土

埋單計數，羅馬尼亞有30萬人戰死，而蘇聯則有700萬人戰死，足足死左成個香港人口

要記住我地依家解緊兩個成就，一個係41年12月31日前控制莫斯科或者柏林，第二個係佔有開局時相鄰國家既一個核心領土

所以第一步你可以將東波蘭、莫斯科先割比自己，再慢慢咁吞蘇聯既領土

如果你打算好似荷蘭篇咁吞蘇聯接近8~10m既人力，你可以割部分民生工廠比較多既省比自己，之後不斷幫傀儡國整機場整路壓佢自治度，最後吞併左佢
而必須必須要做既野，係將蘇聯變成傀儡國，因為由傀儡國取得佢核心領土所用既分數會變低，和平會議入面可以吞多D關鍵領土

依個時候要教大家最後一個黑暗兵法——AI喺和平會議入面既割地機制
原則上，民主政體既AI傾向解放唔同國家，對住佢地冇咩可以做，一係你自己先成立傀儡國，一係早一步選擇吞左想要既土地
而法西斯國家比較傾向吞併領土，而吞併既前提係本國同依D新吞併領土有陸路或海路連接(冇港口都唔緊要，因為佢可以起港口而有海路聯繫，雖然AI唔會咁做)
亦即係話，只要你吞併土地時，選擇晒所有有海岸線既土地同圍堵AI既陸路發展，佢就會停止再分地，亦代表自己可以吞得最多地

第一輪分地之後德國拎左聖彼得堡，之後經由傀儡拎晒德國新領土既周圍省份，以及有海岸線既省份之後...

德國即刻嬲撚到退出和平會議
咁冇既，之後咪非常簡單地儲夠勝利點，由傀儡國吞晒所有舊蘇聯既土地就得


最後要做既野非常簡單，一個係等到42年1月1日拎到佔莫斯科既成就
第二個佔核心領土既成就，因為我地已經佔晒大半個巴爾幹半島，以及喺和平會議入面割左東波蘭同莫斯科，只要吞併埋保加利亞同捷克就得

done


羅馬尼亞玩落其實重簡單過民主荷蘭，因為蘇聯AI實在太廢
而且任何國家只要係36/37年早戰，都會將遊戲難度降低幾倍，實在冇咩咁特別
所以今次既重點放左喺黑暗兵法——如何利用遊戲機制既漏洞，例如點樣突破特種兵上限等等
本來依個save重打算將傀儡俄羅斯果8M人力吞埋之後一個單挑軸心國，可惜既係今場英國太廢比意大利登陸左不列顛島輸埋，要單挑全世界又冇成就解非常浪費時間，所以都係解完成就就end game

黑暗兵法羅馬尼亞大戰紅軍 完

btw依個post就黎爆，開(3)既時候有冇野要加入頭post?

上個 save 同到波蘭結盟，ottoman 就無打過我

西班牙都唔夠打？

留名
大家hoi4/eu4有冇用開咩mod

hoi 4 必備mod
https://steamcommunity.com/sharedfiles/filedetails/?id=699235856

呢個好

如果 Center of reformation 係喺一個國家嘅首都可以 Force Religion 整走佢

其實向東打要多d trade power好d,可以賺多d錢;另外奧地利法國西班牙如果都係強國冇可能永遠都互相之間保持和平,佢地互相一開戰就係你入侵既時機

eu4, ck2, hoi4, ir都有玩過，v2群星無玩

最初同玩最多都係eu4
由1.15玩到依家1.28
1.25後開始少玩
我諗我都算老手XD
(開心版加steam應該超過一千hrs)
不過好少玩到尾
又鐘意sl刷開局
通常5000發展度左右就唔想再打落去

其他少玩

幾時玩有海軍戰記既國家

我係youtube睇budgetmonk

神羅7改最穩陣係奧地利
大致方向一樣，流程少少唔同
帝國威望增加方式基本係每月自動加少少，加地，仲有連任皇帝

連任加10點帝國威望

加地，每加一塊地加一點(要痴住帝國且有核心)，非皇帝加都得

月度帝國威望方面，帝國成員越多，帝國境內沒有戰爭，帝國異端異教越少，非帝國成員控制的帝國領土越少，就會加得多d。

簡單d黎講，就係趕走外國勢力，加地，加成員，同所有人都係天主教。

主要事件影響：勃艮地大公爆頭，北意大利影子帝國，宗教改革。
其中北意影子帝國係必須完成的事，宗教改革最煩，勃艮地唔爆頭都要及早打散佢。
以上行動都非常需要AE空間，要控制擴張情況。

另外是否聯合統治匈牙利波希米亞西班牙睇個人喜好，其中匈牙利可以揀聯統佢或者打散加地加成員入神羅

初期：AE專注用在北意任務，打一次威尼斯同2次教宗(注意拉好感避免開除教藉)，中途打一次勃艮弟，一係出事件食到low land，一係放曬佢d神羅附庸，另一個空窗期處理匈牙利問題。
目標係1480左右完成北意任務，等降AE處理宗教改革問題，一般1500前會出宗教改革，果時應該最少有3改。

等閒就打散放出周邊小國加地，例如打丹麥法國波蘭(其中建議用轉讓附庸的時代能力附庸挪威)
宗教改革問題解決方法只有一個，打。(所以唔可以太早五改)
食左塊地改教再還，強迫改教，隨帶放一d國家出黎，過程非常繁複，持續成30年左右。

解決宗教問題後就可以點5改，之後應該通過加地應該好快就點到6改7改，一般都可以在1550前完成

至於法國就係另外一種流程，不過新版法國搶皇帝會變成公爵，勁膠。

比教宗絕罰點搞

咩 game 先

Eu4

Make ruler into general -> 送死

玩eu4次次都係差中國/印度先征服到世界
玩到灰咗