有無巴絲打鐘意玩P社喲戰略game？(2)

上回提要：意大利先後吞併阿爾巴尼亞同南斯拉夫，得到唔錯既工廠地域同資源，兼有捷克義氣相助，訓練出數個空戰王牌，又令意大利得到世界最強戰機

意大利喺37年打贏南斯拉夫之後，剩低要做既野係準備同元首一齊做世界
national focus先揀鋼鐵條約同後面果兩個國策，加下科技研究速度

正如我一直以黎所講，意大利喺39年係玩唔起一隊有足夠實力既裝甲師，第一係因為你工廠相比德國太少，同時你亦冇民工去整一堆煉油廠或者買油，咁既情況之下我情願用40寬既步兵師去打，反正打AI只要係用40寬基本上贏撚硬

行完依條線之後又可以補下內政

我自己就認為意大利海軍喺39年黎講有等於冇，所以直接放棄成條海軍線，等將來先再補，更可以留科技加成用黎研究44年既科技，即係大約43年已經可以用44年既海軍去屈人機
之前提到意大利喺39年已經用緊40年戰機，就係透過national focus拎左個+100%戰機研究速度既buff，喺38年開始用幾百日去研究，然後盡量喺依個階段去生產大量飛機出黎，因為軸心國喺同英國開戰之後唔能夠從東南亞買入無限橡膠整飛機，必須喺開戰前囤積足夠既數量，開戰之後只能夠由泰國、巴西等地買入少得可憐既數量黎補充被擊落既飛機

順便講下39年開戰前既陸軍編成同佈陣

1. 防守專用師，5步
純5步既優點係用最少既資源堆出10寬既師，佢完全唔能夠拎黎進攻，除非你認為你既人力係無限
由於戰場寬度預設係80，每加一個進攻方向寬度就會+40，因此師團編成只有10、20、40依3個選項，如果唔係會食戰場寬度懲罰令你進攻乏力
HOI既世界入面對於防守方有非常大量既加成，例如地型修正、壕溝最大+20%防之類，所以5步即使睇落非常脆弱，但意外地喺39年能夠頂到非常長既時間

另一方面，5步要守得住係靠空優同CAS支援，空優最重要既地方係會影響師團既戰力，而CAS作用係直接炸敵人既組織度，當你陸軍頂得愈長時間，CAS就有更長時間輸出，好快就會將敵人炸到0組織度而撤退


2.高階防守+初階主力師，7步2砲 + 工兵營&支援砲
有時候有D國家實在太窮，冇能力喺早期就整到40寬師，或者exp唔夠改唔出40寬既編成，就會用7步2砲 20寬玩住先
用黎防守的話打強國AI勉強頂得住，用黎進攻亦有一定既能力，加上後勤補給需求比較細，喺某部分地域作戰時你有可能用得著
但去到後期打主力國家的話，得20寬做主力師好明顯就唔夠力，就要擴張去到40寬，最簡單既方法就係將佢放大一倍去到14步4砲

非常簡單解釋點解主力師要40寬的話，係因為HOI4有破防4倍傷同指揮上限依兩樣野
一個將軍最多可以用24個師就大家都知啦
而破防4倍傷係指當你攻擊力大於敵人防禦力，就能夠造成4倍既傷害，就算你用2個7步2砲同14步4砲師打，雖然睇落步砲數量係相同，但40寬可以破兩個20寬既防，而兩個20寬破唔到一個40寬既防，所以要進攻的話一定係交比40寬師去打，可以死少好多人

咁你話點解填線唔搵40寬去填，咁...如果你有蘇聯既人力，美帝既工業力，再加上全世界都10級煙花塞牆的話，咪可以咁玩囉


3. 主力師，12步5砲1重防空坦克，支援營可以揀工兵、砲，夠exp可以加埋後勤營減補給需求
最原汁原味、尊貴不凡既40寬主力師，最強既地方除左佢係40寬，重有一個成本平到不得了既重AA坦克，只需要8架就可以整一個師出黎屠殺AI

之後講過金盾減傷50%，而重防空坦克係成本最平，而裝甲值又有返咁上下既裝甲單位，只需要放1個就可以喺39~40年遇神殺神，因為普通AI既陸軍唔會大量起用戰防砲黎破你防，就可以用最低既成本呃個金盾返黎


講完陸軍師講下佈陣

本土防線，用囤駐命令將24個5步師企喺所有有港口既歐洲領土，因為喺Royal Navy同法國海軍既淫威下根本冇可能搶到制海權，所以最穩陣既方法係守住每一個港口，以免比AI登陸本土
海軍方面就全部龜縮喺港入面唔好派出去，等法國收左皮先再出黎巡海炸SS，所以要海運軍隊的話開戰前就要搞惦晒佢

要留意既係拿破崙出生地科西嘉有條路可以行入薩丁尼亞島，用1個5步師一定守唔住，所以我自己額外放多4個師入去，加埋空優就冇問題
另外同法國接壌果邊就放24個5步師罰企就得，唔好諗住突破果條防線，人力多都唔係咁用的，留比元首打法國，意粉專心喺北非戰場先係致勝關鍵


西部戰線以推到阿爾及爾為目標，由於多山所以喺依度順手用山地師(6步2砲)
另外再加8個40寬師，咁就萬無一失，唯一需要既係偶爾用人手操作加快佔領速度，因為AI實在太弱智


東部戰線以推進到蘇彝士運河為目標，依邊用8個40寬師已經耗盡補給，千萬唔好再加，如果唔係組織度會降到好低，就算你塞100個師都打唔贏對面10個師


不過，單係得8個師好明顯係唔夠，所以喺後方另一個後勤區域放左D裝甲師同7步2砲師，前者用黎守住班加西港口，以免比AI登陸後方同快速補位，後者係將來用黎守住埃及，等主力師可以繼續向東推進

意大利要贏，第一要務係打贏成個北非戰場，西搶直布羅陀，東佔蘇彝士運河，否則意大利海軍出唔到地中海登陸英國之餘，重將所有海外航線斷絕，完全買唔到海外資源(例如橡膠)

萬事準備妥當，依家既意大利只等一個時機，就可以令意大利一躍成為世界強國
欲知後事如何，且聽下回分解

最近愛上ck2
今日隻Total war 玩左兩個鐘就退左款..

三國?
見到幾個鐘就千幾好評
唔掂?

上回提要：意大利準備好同英國全面一戰

上一篇講少左一樣野，喺38年中至39年初可以將埃塞俄比亞變成傀儡國

咁做雖然會令自己少左橡膠可以用，但係因為AI係弱智，佢會將部分軍隊放喺你既傀儡國邊境準備入侵，咁只要你一直都唔比佢參戰，果堆軍隊就係一直企喺果邊唔做野，自然減少左各地戰線既戰力
更何況埃塞俄比亞只有3個橡膠產出，實際只能用2個膠黎生產軍備，將來當我們打贏英國，拎到錫蘭島同東南亞之後，乜都抵返晒


準備好晒所有野之後，記得喺39年4月左右向法國造宣稱

你可能會問點解要自己造宣稱，唔係入左陣營可以直接參加德國既戰爭?
原因都係果句，AI係弱智的

等到9月你想參戰果時AI，就算係同陣營都唔會比你參加，依個時候再造宣稱的話又要等多一排，直接4月造宣稱9月開戰唔洗煩


同法國開戰之後英國過一陣間就會參戰，喺北非既意大利軍隊就喺宣戰後既同一時間立即進攻
要留意既係因為你拎唔到制海權，運輸艦被大量攔截，令到北非地區補給容量變到非常低

依個問題係冇得搞的，唯一可以做既係將海軍DD同CL抽出黎巡海殺SS，set低風險交戰，勉強維持一定%既制海權


由於聯合國將軍力集中喺歐洲，北非只有少量駐軍既情況下，根本冇能力阻擋意大利既主力師，意大利人邊邊打仗邊食住意粉焗pizza，勢如破竹咁攻陷一個又一個重要據點

39年10月底，距離開戰僅一個月時間意大利軍隊已經攻破開羅，一星期後奪取蘇彝士運河控制權，重新打通軸心國陣營通向印度洋既航線

11月初， 巴黎被德國所佔領，同月向德國投降，依個時候既意大利軍隊已經推進到阿爾及爾以西既地域，準備實行下一個影響戰局深遠既作戰——登陸直布羅陀

直布羅陀重要之處係佢係通向大西洋既最短航線，意大利海軍如果要走出地中海，就必須經過直布羅陀，除非你花半年時間經蘇彝士運河，再繞過好望角返返歐洲，不過依條路線太唔現實，都係直接行直布羅陀出大西洋好D
同時最重要既係只要控制住兩個運河，喺地中海活動既英國海軍就從此被困喺馬爾他島英國海軍基地，隨你炸又好乜都好，唔會影響你將來登陸英國本土
要登陸的話直接用返喺阿爾及爾附近既40寬師，大概3~5個師已經夠砌
當然你亦可以改一隊海陸師出黎專門登陸，但係因為特種部隊有數量上限，要改到同40寬差唔多戰力的話又需要大量陸軍exp改編成，反正AI係弱智就唔洗咁煩
(有邪道方法可以突破上限，無限量招募特種部隊，但今次玩史實+正途玩，唔搞依D野)

最終喺1940年1月10日開始既直布羅陀登陸戰只持續7日就完結，意大利軍隊喺市政廳掛起意大利國旗，象徵依場戰爭既天秤已經完全傾向軸心國一方

要打直布羅陀你當然可以經西班牙由陸路入侵，但打得黎大概要等多個幾月時間等元首幫你打，所以都係直接由陸路入侵快靚正


短短3個月內同盟國陣營接連失去多個重要據點，德國直接將法國滅亡，而意大利亦解決左地中海被同盟國海軍控制既不利因素，到底依場戰爭喺之後會發展成點? 且聽下回分解

樓主你太睇得起ai
基本上意粉9爆ss已經可以收英國佬皮海獅

打完先知AI真係咁on9
下次要玩軸心國實會咁做

p社ai只可以用每況愈下黎形容
明明hoi2 ai陸軍唔會9撞牆 海軍唔會無掩雞籠咁
而家hoi4 ai陸軍瘋狂進攻撞牆 防守一被突破就
海軍真係唔識形容
你整8艘全炮cl再加幾艘新型bb恭喜你已經可以打橫行

依個真，當年我玩HOI2用德國打蘇聯，打左3次先打得贏

我痳痳地,覺得每回合可以做既野好少,入去戰場打幾場後就覺得好重覆
中間停頓又多 (每回合要loop一次所有玩家) 入戰場前又要load

但total war 成個系列都係咁架喎

唔記得左自己買左Surviving Mars Season Pass
有green planet玩
隻game唔係easy mode其實幾難
食物係最大問題

所以唔岩玩繼續ck2

40寬步兵師我明要配1重坦 但唔明點解係防空 我見重坦防空重坦都係要25COST 咁點解唔配重坦

重防空一個營用既工業值比重坦少

最大問題係冇得揀timeline 得一個劇本
同埋佢個個種族都例模咁 冇自己特色
起碼要等多一 二年先算係正式版

目標用最低成本換金盾，而唔係令個師變硬

上回提要：意大利軍成功破陷兩大戰略要地直布羅陀同蘇彝士運河

喺奪取左地中海既控制權之後，意大利已經唔再怕同盟國會登陸意大利，因此可以將本來守喺意大利本土港口既防守師抽出黎用
下一個目標當然係...希臘
你可以選擇用national focus等70日再開戰，但如果你係造宣稱的話時間會短好多，所以都係主動宣戰算數

將直布羅陀方面軍抽調返東歐之後，唔洗一個月已經打到希臘投降

而喺依個時候，有一個非常重要既科技一定一定一定要記得研究

1940年登陸艇科技係經常被遺忘但又非常重要既一個，原本既登陸作戰只能用10個師實行，重要每個師要等7日，而研究左之後+40部隊上納，準備時間又-50%，可以話研究完依個科技先有條件打登陸戰

之但係研究要等百幾日，如果唔記得提前喺39年研究的話就要等到40年年中先可以準備海獅作戰，冇理由on99咁等半年架?
咁所以希臘隔離既保加利亞同羅馬尼亞就成為意大利軍隊既下一個目標


喺打緊保加利亞既時候匈牙利突然參戰，搶左羅馬尼亞既油田
搞到意大利要拎唔到自己生產既石油，要繼續同蘇聯買

咁當然，喺近東既作戰亦冇因為準備登陸英國而中斷，就喺意大利軍隊推過左西奈半島、佔領聖城耶路薩冷之後，意大利宣稱伊拉克既領土係羅馬帝國既領土，因此亦屬於當今意大利既合法領地，要求班中東回教佬交還土地

咁當然班中東佬就唔會同意，所以意大利軍隊繼續東進，佔領晒整個伊拉克地區，又搶左唔少石油資源

(平定歐洲及伊拉克後既世界地圖，中東既軍隊同時密謀攻打伊朗繼續搶軸心國缺少既石油資源)

就喺1940年6月，意大利海軍成功研發登陸艇，集結喺加萊、諾曼第一帶既意大利軍隊隨即準備從海路入侵英國本土，為依場戰爭打下終結符

意大利軍隊分多路登陸，一部分由倫敦、多佛一帶上陸，另一部分由普利茅斯登陸，左右夾攻

喺準備作戰既同時，意大利空軍不斷空襲英國本土、又有海軍封鎖英倫海峽，令英國本土既石油供應被中斷，冇石油等於海軍出唔到海，亦等於Royal Navy全部變成防空砲台，冇辦法阻止意大海利軍得到制海權

(之前講過意大利有魔改40年戰機，性能之高每日可擊毀十幾架英國空軍，日積月累之後皇家空軍已經被打至殘廢)

而我亦都講過好多次AI係弱智的，意大利登陸果時居然成條海岸線一個守軍都冇，就咁比意大利陸軍長驅直進英國腹地，到佢開始調軍回防一切已經太遲


登陸英國本土既軍隊閃電佔領倫敦，剩返既只有一路向北推到利物浦左右，英國就會投降.......之前意大利又向土耳其宣稱東羅馬帝國既領土係今日意大利王國既合法領土，10日後又向土耳其宣戰

依個方法叫陣營殺，戰爭入面只要全部主要國投降，跟喺陣營下既細國亦會被強制當做敗戰方，不過喺某次update之後改左，如果你冇同果個國家直接交過手，就唔可以直接割佢塊地，只能變做傀儡
所以喺打完東歐之後既部分軍隊就企喺土耳其邊境，攻陷左倫敦之後向土耳其宣戰，之後只需要打一下就可以極速割晒土耳其所有土地
同樣既道理套用喺伊朗身上，中東既軍隊靜待時機，等到英國登陸既戰況明朗之後就可以向伊朗宣戰，等戰後佔多一個石油重要產地


1940年8月，隨住英國冇能力阻止意大利既攻勢，正式向意大利同德國投降，軸心國以不足1年既時間就將英法聯軍打到不似人型，一雪第一次世界大戰時既恥辱

到底英國投降之後世界局勢會變成點? 欲知後事如何，且聽下回分解

貼錯圖

買咗隻遊戲好耐試玩咗幾個鐘都唔知點起步

先玩教學模式再揀一個國家黎玩，HOI4既教學模式係P社有史以黎最清楚既一個

前面我都提過意大利適合新手去玩，因為有挑戰性，而且目標明確，並且step by step一步一步學晒要識既野
不過如果你覺得做主戰方怕輸，咁你可以選擇玩美國或者英國
美帝唔怕比人打，新手可以完全放棄太平洋剩係打德國就當end game，資源、工廠接近無限任你玩，但問題係好易玩壞手勢
英國的話一樣本土唔怕比人打可以隨便玩，但問題係人力太少，你要學識點樣由附庸國抽取人力去守直布羅陀同北非戰場，再之後自己打登陸戰推平意大利同德國 (AI太弱智，美帝幫唔到你)

我係連教學模式都玩到一頭霧水反而Stellaris玩得唔錯

或者上youtube睇下教學都得
你玩過stellaris都明P社既game係好多野慢慢先會識

新手玩意大利會被人sm
新手玩德國啦

新手玩eu4揀英國想問野
點解有時一開始就比西班牙set做rival
搞到附近冇盟友比法國同蘇格蘭夾死
雖然可以再開新save，但想知有冇其他方法應對

葡萄牙係你盟友 應對方法就係一開波就打殘法國 咪等佢同其他國家結盟