有無巴絲打鐘意玩P社喲戰略game？(2)

玩到就寫定一早已經玩完?

邊玩邊寫

上回提要：人類打勝仗，成為銀河系第一強國

就喺人類打贏左人類史上第一場對外戰爭既一年後，科學家既基因修改技術亦進一步發展，透過新技術能夠將任何有機生產既基因重組，並且搵出組合基因排列既方法，令人類可以更長壽、更強壯、更有智慧等等


同30年前既環境唔同，隨住基因改造食品、物種開始普及化，加上喺戰爭中證明左人類喺科技上既優越性，人類已經唔係銀河系既其中一種有機生物，而係全銀河系入面最優秀既物種，為左更加突顯自己同一般生物有層次上既區別，自然就要接受基因重組手術，令自己身、心都符合高等物種既定義


喺解鎖完二段飛升之後再研究新科技「基因重組」，就可以加入一D高階既人口特質，例如+30%所有行星宜居度、工人產出+5%、壽命+50年既「身體健碩」；科研產出+20%既「博聞強識」、人口增長進度+30%既「超力繁殖」等等
今次我自己將重點放喺養高lv leader，所以就整成咁

除左揀身體健碩同博聞強識，另外再揀+1等級上限同+25%exp

套用修改模組時，每次都有最基礎既研科成本，然後再以行星為修改單位，根據你修改幾多個人口要有所加減
正常去到依個時候你需要改幾百個人口，一次過改的話大概需要3~5年時間，有個方法係先修改小部分人口先(例如先修改科研星上面既人口，拎20%科研加成)，然後先再普及到全國人口，就可以早小小拎到buff


就喺人類聯合國國境內接受基因重組既人口比例不斷上升之際，人類迎來進入宇宙世紀後既首個100年，好多人都估唔到喺踏出太陽系後，人類用兩代人既時間已經由弱小既存在變成銀河系既第一大強國

喺地球曆2300年，人類既總人口比一百年前足足增加左30倍，成為銀河系入面人口最多、經濟實力最強既國家

單計行星間既貿易，人類聯合國一共有1650個單位既貿易值，以每貿易值係0.5電同0.25消費品，每個月單靠貿易就產出825電同412.5消費品
換言之，人類根本唔需要自行生產大量消費品，或者千辛萬苦咁開採珍貴既能源，只需要同其他國家做生意就可以滿足國家運作所需

而當年財閥所建成既科研星球，到左2300年已經成為全銀河系科研產出最高既星球

科研星集結左全人類最優秀既人材，亦係資本投入最為密集既地方，全個行星聚集左唔同領袖既科學家，集中研究各種以往認為只存在於科幻小說既科技，包括蟲洞技術、基因改造、縮退爐，甚至係躍遷引擎都係出依佢地手中

堪稱軍事技術中最重要既科技，喺以前stellaris有三種航行科技，但之後改左得返逐個逐個星系行既超空間航行法，非常浪費時間
但有得jump之後可以一次跨越N個星系，或者去到D hyper-link比人斷左路行唔到既地方，無論調動工程船去唔同地方起野，或是係將艦隊跳去敵人防禦薄弱既地方都係一流
但要留意，每次跳完次後都要等200日re-charge，而且re-charge既時候會減慢50%移動速度同戰鬥力，所以千祈唔好將艦隊直接跳入戰場

人類無事渡過左頭一個100年，到底黎緊果100年又有咩野等住人類呢? 欲知後事如何，且看下回分解

仲有人玩緊？

上回提要：人類喺進入宇宙後既100年已經成為銀河系最強國家

人類補完計劃，係財閥透過基因改造科技，令真正掌控聯合國權力既人同整體人類一齊進化既計劃，最先接受手術既當然係依班掌權者
手術完成之後，一部分財閥進入左賢者模式，或者應該話佢地既心靈隨著佢地變得更聰明而覺醒，佢地認為人類以往為左追求利潤而不擇手段既行事方針實在太幼稚，人類身為銀河系入面最高等既物種,應該為銀河系承擔更義務——要保護銀河系，消除一切會導致銀河系變得唔穩定既因素
然後，財閥既目光就放喺同人類接壤既宗教國家Hesukar Empire...


依個時候，軍部參考左上一次戰爭既數據，制定出一個秘密計劃，有冇方法可以不造成任何人類人口既犧牲，而且相當高效率地將壓制敵方行星?
依項計劃，喺內部被稱為「巨像計劃」



揀左「巨像計劃」飛升之後，先喺情報日誌研究依個計劃，然後冇幾耐就會問你要搭載邊款末日武器，根據你執政道德標準(即係排外/唯物果D)而有變

其中一個係行星毀源炮，直接將成個行星轟成碎片，等於永遠少左個宜居星，另一個係中子清掃機，將行星上所有人口消滅，並且保留所有地區同建築，如果打算用人地既地黎擴張，就一定係揀中子清掃機

要生產巨像，首先要喺有船廠既太空基地，建築欄要起「巨像組裝廠」，整完巨像之後就唔需要再用，可以將佢拆走

每個巨像要用10年時間生產，而且每個國家只能夠生產1個，生產成本大概係1萬合金
用咁高成本整巨像出黎為乜? 當然係為左解鎖「全面戰爭」依項宣戰理由

遊戲機制上宣戰係需要理由，例如你同某個國家有領土爭議，或者某個國家係滅絕者，你為左消除威脅先至開戰
一般既領土爭議所導致既戰爭，成本其實非常高亦非常浪費時間，因為你要用影響力點數去宣稱某個星系係屬於你，喺戰爭時你就算將人地所有星系或者行星佔領，都只能處於戰時佔領狀態，一旦議和你只能夠獲得已被宣稱主權既星系，其他野要嘔返比人
而用巨像的話就方便得多，佔領左既星系或者行星直接歸你擁有，唔洗比影響力、唔洗等簽和平協議，一打就打到底，直到人地滅國都冇問題


由2310年開始制定計劃，直到2324年建成巨像，中間足足用左14年時間，人類正式擁有末日兵器"Sol Invictus"，invictus係拉丁文，佢既意思係unconquerable，象徵人類由今日起將君臨銀河系，一統天下

除左末日兵器之外，人類亦喺幾十年間將新研發出黎既主力艦全面投產，擁有無堅不摧既實力

人類最終決戰兵器Midway級戰列艦，配備最高級既護盾同中子裝甲，兵器方面使用超大型電孤產生器同被稱為「雷雲閃電」既電流產生器，可以100%穿透船艦既護盾同裝甲，直接對敵人艦隊造成傷害
(喺遊戲入面，船有shield, armor, hull三條血，只要hull扣到0就會沉，一般而言係先打完shield，再到armor，最後先係hull，但用依款武器就可以直接打hull，只要戰列艦夠多就可以極短時間內打爆大量軍艦，堪稱作弊兵器)

2324年，即係巨像完工既同一年，人類向銀向系全部國家發出「銀河布武」宣言，宣稱銀河系從今日起由人類掌理，所有國家無論任何政體、任何物種，均應服膺於人類聯合國既治理之下，隨即宣佈向由教皇掌權既唯心主義國家Hesukar Emipre全面開戰!

財閥之所以選擇向Hesukar Emipre開戰，而唔係向有牙齒印既Haddam Monopoly報復，除左因為唯物主義同唯心主義係完全對立既思維，更因為佢地國內擁有兩個人類境內冇既資產：廢棄巨型結構同L gate


巨型結構又被戲稱為宇宙奇觀，因為建造時間極長，成本高，但起得黎都差唔多贏左場game冇乜用
不過一般而言，如果你打算擁有高達2000艦隊規模既軍力，無可避免地電力消耗會極高，依個時候就要起「戴森球」，一個可以產出1000電力
另外如果你唔夠礦，可以喺黑洞整「物質解壓器」；想擴充艦隊容量就可以整「戰略指揮中心」；想加快研究速度就整「研究中樞」拎300科研點數同+10%研究速度；想有全地圖視野就整「監探陣列」，不過整出一個完全體既奇觀出來，起碼都要用幾十年時間，所以先話到你起完果時都唔差多end game了
( L gate之後再講)


人類向Hesukar Emipre宣戰後僅以一個月時間，就突破左佢地位於最前線既軍事要塞，喺一年後巨像抵達最接近人類聯合國邊境，位於Afcheshan星系既"Darmug's Frontier"行星，並向全銀河系傳送巨像運作既直播畫面

巨像喺聚集足夠能量之後，向整粒行星發出一道超強中子光束，燒毀所有有機生物既大腦，就算係機械的話亦因為被中子高溫加熱而全數報銷
就係咁，一粒行星上十幾億人口就被無情既中子光束帶走生命，為人類留低既係一份心意，而唔係負擔

銀河系各國喺睇完依個轉播畫面後紛紛譴責人類既行為，但聯合國外交部通通都不予理會，因為人類已經明白，其他國家既低等生物又點能解理解人類既苦衷?

(用得巨像就要留意除左盟國或者附庸之外既國家會扣外交評價，每一粒星減80，基本上返唔到轉頭)

2330年，即係由開戰起計短短6年間Hesukar Emipre已經失去左半數領土，就算佢地想反抗，人類一個艦隊既戰力已經相等於幾個銀河大國相加起黎重要多，最終只能夠眼白白睇住曾經屬於自己既家園一個又一個比人類奪去

同年，由於開戰時希望得到既L gate同廢棄巨型結構已經拎到手，並且已經將人類擁有毀滅銀河系內所有國家既實力昭告天下，就單方面向Hesukar Emipre宣告戰爭結束，來日再戰

到底人類喺同Hesukar Emipre打完仗之後，財閥下一步會做D乜? 欲知後事如何，且聽下回分解

打得咁快

好睇
睇戰報同自己玩有唔同嘅樂趣

十幾個部隊企埋同一格都冇補給問題 仲要防守加成高到仆街 公平咩

山區係咁架啦
你睇佢兵力得返一半，再打多陣就OK

原來BUG黎 重開GAME唔洗2秒就全清

唔關事，對方已經無哂組織度，你求其搵對兵清就得

如果打完仗之後另一個fraction既兵企喺自己土地賴死唔走既話
除左擺兵直接同佢個fraction開戰之外仲有無解決方法

成堆法國佬同美國佬企曬喺度唔郁
而家咁樣搞到拎左一堆太平洋島嶼都好似無用咁

冇方法
要怪就怪AI垃圾

跟住巴打嘅方式玩真係好順利，只係影響力俾班傻鳩派系分哂，個個主張都對立，唔知有乜方法？

睇你自己國家係咩思潮做主流同埋你打算擴張定種田
我用排外都有親外主義既派系，唔洗理佢地由得佢自生自滅
主流人口幸福度高的話對整體而言影響唔大，吸引力細派系人口就會慢慢減少到0

最簡單既管理方法係由開局果時已經做，用狂熱XX主義等於管少個派系，另外思潮之間都要做配搭，例如親外唔會搭軍國

試下取消對方military access

就係一直無比過都咁

有無人黎緊會買Imperator: Rome

已買

上回提要：人類掌有銀河系最強軍力後宣告銀河布武，開展掌理銀河系政局既行動

單向方面宗教國家Hesukar Emipre停戰後，一艘科研船由人類所擁有既全數軍力保護下，開始重新啟動L gate既工作，當完成既時候，一條巨龍突然被傳送出黎

不過依條巨龍並無任何攻擊性，出現之後就向住某個星系前進，眼見咩事都冇發生既艦隊司令官鬆一口氣之後，就只派遣小數軍艦伴隨科研船進入L gate一探未知既星系


探測星系所在位置同hyper-link路徑之後，發現L gate背後既星系完全與銀河系隔絕，要進出依個星團必須經過黑洞星系既L gate先到達到，因此學者將星系命名為Terminal Egress，象徵依個星系係連接一般星系既出口


L gate係要買DLC先有既content，佢同一般既stargate唔同，stargate只會向友方開啟，亦只能傳送到友方領土內既stargate星系，但係L gate只存在喺黑洞星系，單獨連接去一般hyper-link去唔到既星團入面，而且只要L gate被打開，任何勢力都可以用L gate傳送到另一個有L gate既星系，即係類似蟲洞咁
(而好好笑既係，如果L gate星團出現位置同銀河系夠近，探索完星系之後係可以用jump-drive跳出跳入)

亦即係話，如果你既銀河系有5個黑洞星系有L gate，只要打通左其中一個，你就可以經L gate晒全部5個黑洞星系
站左軍事立場，控制L gate等於大幅增加入侵敵國既路徑，反過黎講亦代表L gate唔可以比人控制，否則會好麻煩
而另一點好重要既係，L gate後面有咩係根據開局時抽到既event而有唔同獎勵
Event一共有四個，全部都係開局就決定左，冇得用save load大法去改變
最大機率係入面乜都冇，得一D稀少資源，例如+10%食物產出之類既戰略資源，重有探索時搵到一個"人"叫gray，可以變成做10級總督/泰坦級戰艦/陸上部隊
(通常都會用黎做總督，資源產出加成非常OP)
另一個係出現一個國家，係納米機械人roleplay出現既野，佢會照樣送你L gate星系入面既戰略資源比你，你唔一定要同佢開戰，但如果你想搶佢地既星系再殖民的話就請預備好足夠軍力去打
(依個event我認為係最正既一個，因為要依個event先可以確保成個星團有大量行星可以做星球改造再殖民，其他都比較少)
第三個係直接彈出納米艦隊，變成銀河危機
大量有3x k戰力既艦隊經由L gate入侵所有有連接既星系，一般AI就算係最高難度，喺100年左近既實力係冇辦法處理到佢地，因此一定要非常小心
第四個係機率最低(大概10%)，但亦都係最廢既一個
彈左條龍出黎比你收服，但以戰力黎計大概得十幾廿k，我玩到100年一個艦隊大概3x~4x k啦
最重要既係L gate入面既星系會乜柒都冇，得幾個星可以改造，特殊戰略資源有等於冇，除左軍事用途之外根本冇著數


儘管人類既科研船喺星系入面完全搵唔到有機生物，但就搵到一種奈米機械人，佢既組成同以前搵到既第一聯盟行星改造器既奈米機械人居然非常相似
科學界因此猜測，到底L gate背後既星系，到底會唔會係經由第一聯盟去開發? 畢竟，L gate使用既星門技術非常獨特，係由人手建造出黎既傳送門，並且指定左傳送路徑，以人類目前考古所知，宇宙自古應該只有第一聯盟擁有咁高超既科技水平

無論如何，科學家開始研究新搵到出黎，數量無窮無盡既奈米機械人可以用黎做咩，最終研究到佢地居然可以用黎組成戰略資源

無論係生產戰略資源，抑或直接由市場購買，成本都非常貴，而一個奈米變形器就直接將3款戰略資源各自生產2個，成本都只係5電，更正既係佢屬於機築物效果，唔洗任何人口就直接拎到資源
正常去到依個時候，因為開始使用高級建築物，開始唔夠水晶同氣體，就可以選擇用奈米變形器幫補下國計
但要留意有一個法令係用奈米變形器+10%研究速度，而佢係唔能夠由市場買入，一直要靠自己儲，所以建議最低限度要保留1個奈米機械人唔好用


喺得知L gate星系價值不高後，財閥被迫放棄左原本既新世界殖民計劃，為左銀河系將來既安寧，決定兵行險著直接進入計劃既最終階段——諸神的黃昏作戰
到底銀河系既未來會變成點? 欲知後事如何，且聽下回分解

係 wo

第一次玩eu4
又真係幾好玩,尤其係出左任務樹之後
但玩之前要不斷溫習歷史先有代入感