有無巴絲打鐘意玩P社喲戰略game？(2)

d任務好難達成

上回提要：人類透過L gate到達寸草不生既新天地，蝕大本

自人類進化為高等生物後，經過一場對外戰爭後不經不覺已經過左十數年，喺一個風和日麗既早上，聯合國安理會緊急召開秘密會議，人類參謀部正式向聯合國提出新作戰計劃，為左人類既未來、為左銀河系既未來，人類不得不進行可能會賠上人類未來既作戰——「諸神的黃昏計劃」

作戰報告內詳細列出人類目前擁有既軍力、各式艦艇裝備、後勤補給路線等資料，亦對比經過觀測、分析敵人既實力同裝備議定出多種戰術，務求將戰敗風險降至最低

秘密會議最終只花一個月就完成，會議期間冇人反對，只係對作戰計劃提出多個修正案之後，人類宇宙海軍再一次向邊境星系Trappist集結，並且採用各種干擾探測電波、利用小行星帶航行既方法，花費大半年時間到達目標星系後，喺地球曆2338年11月7日人類最高領袖向銀河系及敵人公開宣佈：人類聯合國正式向墮落帝國Ess' Jaggon Shard宣戰!



喺根據當時既演說內容指出，人類身為銀河系最高等、最優秀既物種，有必要亦有義務為銀河系既將來而盡力，是為「人類的義務」，一切妨礙人類統治銀河系決心既國家終將被歷史既巨輪輾斃。擁有超高科技實力既Ess' Jaggon Shard身為銀河系內首屈一指既國家，不但從未為銀河系事務有所承擔，反之其軍事排外傾向令人類非常憂心將來成為銀河系內最大既威脅。為左銀河系將來，人類必須由此刻既將Ess' Jaggon Shard所有人口根除，斬草除根!

喺演說結束既同時，集結喺Ess' Jaggon Shard邊境既人類艦隊進入前往敵人本國既超光速航路，正式打響一場新生國家對抗舊宇宙霸權國既下剋上戰爭

墮落帝國所擁有既武力非常強大，一般太空要塞戰力高達50k，更有兩個超過100k戰力既艦隊

而根據探測結果，墮落帝國艦隊所使用既技術係人類自行研發300年都冇可以研究到既科技———利用dark matter製成護盾同反應爐，使艦艇能展開超越一般物理極限既護盾



不過早喺十幾年前，人類早就開始測試破解方法，向Hesukar Emipre宣戰既目的並非搶奪其資產，而係為左實測人類艦隊所使用既電流武器同魚雷既威力

即使敵人護盾防護強大，但魚雷能夠無視護盾，直接傷害艦船裝甲同船體；
即使敵人裝甲極厚，電流武器能夠無視一切，將敵人直接擊沉
喺戰爭入面各場戰鬥，已經充分表現依個戰術的確有效，剩返既只需要集結足夠數量既艦隊，以局部數量優勢戰術即可壓制墮落帝國
畢竟墮落帝國最大弱點係每個艦隊只有26隻艦艇，每一隻都提供極大戰力，反過黎諗，每一輪輸出只需要集中火力擊沉一隻敵艦，敵人艦隊既戰力即會大大削減

同年12月，人類遠征軍喺擊破Ess' Jaggon Shard喺Ophang星系既宇宙要塞後，首次迎擊前來救援既墮落帝國艦隊

翌年(2339年)1月18日，兩軍艦隊正式喺星系邊緣交戰，單艦隊擁有測定戰鬥力110k既Ess' Jaggon Shard艦隊傲慢地衝入由三個各自擁有60k戰力既人類艦隊，作勢以其極強護盾及裝甲為靠山，打算上演一場單方面屠殺人類既戰鬥，但係當人類將所有武器鎖定一架護衛艦之後，一迅間該護衛艦就被強勁既電流貫穿，直接成為宇宙垃圾

此時此刻既Ess' Jaggon Shard艦隊司令先至醒覺，人類喺進入宇宙既短短一百三十年間，已經擁有可擊敗自己既實力，可惜一切已經太遲，全體艦隊已經衝進人類既包圍網，不可能調頭撤退出星系，其國內形勢亦不允許佢喺對「低等」生物人類既戰爭中落敗，只好硬著佢既企鵝頭皮繼續作戰，最終喺地球曆2月17日，當人類約20%既戰力被擊沉後，Ess' Jaggon Shard艦隊司令為免全軍覆沒，只好承認自己落敗，進入緊急跳躍空間撤退

依場戰鬥係人類史上損失最嚴重既一場，一共有35艘護衛艦、15艘戰列艦被擊沉，分別佔艦隊比例16%及32.6%，後者既損失幾乎等於失去一個艦隊

不過，儘管人類損失極大，但敵方既艦隊損失及對其國內政局既影響卻非常大，兩艘護衛艦被人類擊沉，導致艦上使用既黑物質科技被人類逆向研究，開啟左人類科技更進一步提升既大門；同時喺緊急跳躍中因部分船艦受損嚴重而無法回到正常空間；以及完全無法相信佢地居然輸比一個宇宙既反起之秀

而且，此時既人類擁有極強既國力支撐，根據計算國庫入面既合金儲存量，即使三個艦隊被敵人全滅，亦有足夠既數量重新建造同等規模既艦隊
因此，喺重整旗鼓之後，人類接連攻陷墮落帝國多個星系
並且喺2342年5月擊潰敵人最後既艦隊，進駐Ess' Jaggon Shard首都星系Molsir

根據探測所得，敵人喺行星上既戰力值大約為3600，大概需要數十個陸軍師團及極長期既軌道轟炸方可攻陷
不過參謀部考慮到強行進攻將會帶來極嚴重既損失，以及行星上有多個人類無法建造既建築，所以按照原定計劃使用巨像既中子光束殺晒所有企鵝






(墮落帝國首都星系既行星建築非常OP，無須人口工作，直接就產出750電、200食糧、150消費品、75合金，基本上一佔左上去，從此就再冇資源危機)

最終到左2345年1月，隨著最後一道中子光束向Ess' Jaggon Shard最後一粒行星發射，一個科技實力遠遠超越人類既古老國家正式滅亡，人類悉數接收墮落帝國喺行星上既資源，正式成為銀河系最強國家


天下情勢紛紛攘攘，到底銀河既結局將會係點? 且聽下回最終回自有分解

23XX年win 到覺醒帝國, 仲要高難度

有冇人玩vic2

唔識玩

聽日玩得羅馬

imperator:rome down得了

玩羅馬
識玩一定玩復興波斯帝國馬其頓帝國

https://www.youtube.com/watch?v=y7rLbP0_0dg

P社有史以來最靚嘅game，好靚

喺就打完呢場世界大戰之前留張圖紀念(我1968年先開始打)
單係美帝已經就黎死左二千萬人

個世界地圖終於係球面

玩左一陣羅馬UI音樂幾好

要期待DLC海補完了

我冇咩所謂
我份人唔熟歷史, 好多時唔知做咩好
多個任務樹當參考

隻羅馬係steam評價好兩極

例牌等返10個8個DLC先開波

擺明好多野留白左比dlc"改進"

P社既game同KOEI出三國志一樣，要等威力加強版先至係完全體

p社係forum刪post bam人
你地點睇，玩得p社game其實都預左係玩beta，要等dlc

羅馬比人屌到反皮

上回提要：人類戰勝墮落帝國，成為統治銀河系既新主人

話說喺同墮落帝國開戰前十年，人類透過研究L gate同Jump Drive技術，總算掌握左自己建設星門既科技

研究完之後就可以用工程船喺所有領地入面整星門，令自己艦隊可以立刻移動到有星門連接既星系，屈機小小重可以喺有L gate既星系(例如Terminal Egress)整星門，大大節省艦隊調防時所須時間
每整一個星門需要影響力同合金，起完之後又要比電力同合金去啟動星門，但正常而言玩到依步已經唔再缺資源，而星門亦唔需要任何維護費，可以直接喺每一個殖左民既星系起一個
起星門最大既原因係為左令星球既Trade Value直接送去首都，就唔洗再搵船去巡邏，解放艦隊容量全心打仗

(匯聚全人類聯合國所有貿易路線既太陽系，經由星門直接連接所有有人星系，完全解決海盜喺無人星系搶劫商船既問題)

就喺人類專心研究墮落帝國既遺產同恢復佢地喺舊首都星球上既建築運作之際，不知不覺已經過左60年時間，黎到人類進入宇宙既第二個100年

人口同100年前既2300年比，只增加左大約3倍，原因為各個星球都開始人滿為患，令聯合國必須開始限制生育同生產機械人，因此一個又一個既情慾星球不得不轉行做正當生意，變成普通既遊樂園

而經濟方面，人類繼續成為全銀河系商貿最頻繁同繁榮既國家，總貿易值突破5000大關
以每1貿易值=0.5電, 0.25消費品黎計，每月就生產出2500電同1250消費品
亦因為單靠貿易已經滿足全國既消費品需求，第一聯盟既首都星已經將生產消費品既區域全部改晒做生產合金，亦因為咁人類先有非常大量既合金支撐三個艦隊群既生產費用同維護費

(每一個艦隊群由一個純護衛艦同兩個戰列艦、護衛艦混編艦隊組成，每個艦隊各自有約120k戰力
依家有個Bug係艦隊根據最快果隻船既速度前進，所以混小小護衛艦入去就可以解決戰列艦移動速度慢既問題)


就喺人類打算安安穩穩渡過黎緊既100年之際，人類聯合國探測到另一個屬於親外派系既墮落帝國Cynn Progenitors有不尋常既舉動

財閥根據探測返黎既情報，分析出屬於親外體系既Cynn Mediators得知另一個墮落帝國被滅國時，全數人口被中子光束滅族而產生危機感，最終喺依個時候決定恢復佢地喺數千或數萬年前既技術同活力，成為「覺醒帝國」

根據情報，Cynn Mediators喺一夜間突然增加左3隊戰力值突破110k既艦隊，而其中一個主力艦隊更配備泰坦級戰艦


不過，人類依個時候擁有既係9個120k戰力既艦隊，對比Cynn Mediators既5個110k艦隊足足多佢差唔多一倍軍力


結果就喺10年後既2410年，人類決定先發制人，先將三個艦隊群集結喺Cynn Mediators既邊境再向佢地宣戰，再用7年時間就將佢完全滅絕


就喺最後一個墮落帝國倒下之後，全銀河系已經冇任何一個國家擁有可以同人類匹敵既軍力，即使某國家成為一方霸者，作為銀河系守護者既人類聯合國亦不會坐視依D將會成為銀河系未來不穩定因素既國家不理，而會「懲罰」該等霸權國家
結果，人類喺迎接完第二個宇宙世紀，直至第三個宇宙世紀到臨之際並無大事發生，平平安安就到左地球曆2500年

遊戲結束，經濟、艦隊實力遠超第二名既AI，科研因為除左科研星之外冇擴張過，因此得分較少


其實Stellaris重有三個所謂既終局危機，一個係比蟲族入侵、一個係比高次元生物入侵，最後一個係出現肅正協議(The Contingency, 一個古老國家創造既AI，操控機械人並以消滅所有國家為目標，係三個危機中最難打既一個)
不過依家要觸發終局危機等到頸都長都觸發唔到就唔打，反正1000k戰力除非你打既係5倍天災強度先難打小小，Default setting的話一下就搞得惦，打黎冇意思

多謝大家睇完一個中途變左做故，最後又埋尾埋得咁急既Stellaris遊記
有興趣的話不如等多幾個月Summer Sales買一隻同裝晒所有DLC黎玩

今晚 download 玩下先

羅馬係eu4同ck2嘅合體