有無巴絲打鐘意玩P社喲戰略game？(2)

其實係，依佢個base game同dlc嘅價格睇返，你齋買base game用翻版dlc其實同直接全老翻無乜分别

dlc地獄 真係搞唔掂 我都買左5個就收手

我都睇過個po 我除左呢四個再買多個天命

有咩唔對路就退撚左佢買hoi4算鳩數

最鍾意都係CK2，不過香港好似好冷門
不過我當佢係RPG咁玩

識玩緊係唔退錢又買HOI4

man the guns冇減價
我諗佢月尾夏季特價都唔會減

Mandate of Heaven
Cossack
Mare nostrum
都好重要

之前跟呢個 guide 順序買
https://www.strategygamer.com/articles/europa-universalis-iv-dlc-buying-guide/

原來有d咁正既網

意大利帝國發展如何？

今晚update

hoi4 買過 但唔知點解好唔慣個玩法

我覺得多野搞過EU4好多

結果退左

玩荷蘭同比利時盧森堡聯邦 點知德國唔宣波蘭直接打我

法國英國唔參戰 一堆堡壘比空軍炸到冇晒比人推爆 公平咩

有冇推到東印度重整旗鼓
定係直接end game

做緊成就 要一個核心土地都唔可以失守

試過玩聯邦制2次 第一次同盟國有參戰 但係法國阿爾卑斯度比人推到仆街就放棄

第二次諗住放D兵力幫法國 點知連參戰都唔肯

弱智法國AI比人直接打穿馬其諾防線都見過唔少次

base game咁平
留係度啦

上回提要：德國撕毀德蘇互不侵犯條約向蘇聯開戰，意大利脫離軸心國杯葛元首

1940年12月，德蘇戰爭開展，意大利同德國之間的縫隙亦喺依個時候擴大，畢竟意大利同德國冇仇冇怨，點解要重蹈拿破崙既覆轍，揮軍前往只有凍土既不毛之地?

相反，德國係竊取意大利戰果既頭號敵人，喺戰爭其間唯一建樹係打贏左垃圾法國，卻將羅馬帝國既領土據為己有，實在罪該萬死

因此，意大利喺脫離軸心國之後，隨即宣稱德國不法佔有既領土均應歸還意大利，並且要德國果班野蠻人為2000年前滅亡羅馬帝國既事道歉兼賠償

就係咁，喺1941年3月，意大利同德國正式進入戰爭狀態，後世史家亦稱之為「繼續戰爭」，乃因依場戰爭係因為1940年意德兩國分贓唔勻所導致


開戰之後，由於德國主力幾乎集中晒喺東線同蘇聯打仗，阿爾卑斯山一帶完全冇守軍駐守，因此意大利軍隊就非常順利咁翻越阿爾卑斯山，向舊捷克領土推進




另外開戰果時有一樣野係非常弱智，當初割地果時因為得分唔夠，所以割剩左羅馬尼亞一格地，就比德國搶先成立左傀儡國

不過弱智AI居然放左廿幾個師喺依個補給低到仆街既飛地入面，當然亳不猶疑地食晒佢地



雖然意大利軍隊喺開戰初期佔盡優勢，但當德國軍隊重新開始集結喺南線，抵擋意大利軍隊前進既時候，意大利既弱點開始浮現出黎

意大利雖然把握德國同蘇聯開戰把機會乘虛而入，但係準備實在太倉猝，導致軍備甚至係士兵數目都非常不足
由於德國喺36年起工業力長期優勝於意大利，直至1940年意大利獲得英國及東歐領土後先至反超前，距離1941年繼續戰爭開戰時間不足一年，短時間內根本冇辦法生產出大量飛機黎搶奪制空權
再者，意大利亦根本黎唔切由多個傀儡國徵召士兵助戰，只能沿用以前徵召出黎既軍隊，亦冇充足時間訓練成新軍隊編制

由於師團總數不足，當主力師切開戰場缺口推進既時候，前線既長度就會不斷被拉長，導致每一個province既守軍數目越黎越少
結果喺1941年5月，就喺意大利軍隊成功奪取舊捷克設置既要塞線之際，聚集喺匈牙利既德國、匈牙利軍隊轉守為攻，無論係質抑或量都輸蝕既意大利軍隊開始節節敗退

(由於戰場已經遍佈整個東歐，意大利雖有黑科技戰鬥機，但數量上不及德國所擁有既數千部戰鬥機咁多，只能投入到關鍵戰場上，導致多個地區衰失制空權)


不過，正如意大利軍隊苦於前線過長，攤薄各地守軍人數而令防線變得薄弱，德國方面何妨唔係一樣? 再者德國最大既問題係多面作戰，既要應付南線既意大利，亦要對抗東線既蘇聯，又顧得邊一邊?

1941年6月，由於德國喺開戰初期喪失奧地利地區既工業力，加上意大利既多個海外傀儡國兵力陸續完成訓練並抵達歐洲，國力差漸漸拉開，最終意大利軍隊成功撕破德國步署喺舊捷克地區既防線，分成三股勢力前進：西邊推進至柏林，並以漢堡為目標；中路以佔領但澤一帶為目標，以將德國一分為二；東邊向華沙推進，同蘇聯軍隊會合之後，再反過黎向匈牙利反攻，完成巨形包圍網

6月中，本身步署喺英國本土既意大利軍隊見時機已到，反過黎登陸德國本土，直取其第二首都漢堡並與本土軍隊會合

時至6月底，東線亦成功喺華沙附近同蘇聯接壤

身處包圍網入面既德國雖然喺質同量都勝過意大利，但失去制空權又斷補既情況下，試問邊有可能贏到意大利軍隊

(斷補之後戰力低下，越打越廢)

去到8月，即開戰後5個月，包圍網內既德軍已經被切開一塊塊，冇能力反攻亦冇可能返家鄉，超過50萬人向意大利軍隊繳械投降




8月31日，隨住德國本土完全淪陷，終於向意大利宣佈投降

就係咁，意大利既敵人就只係得返果班垃圾法國人，軍部決定完全按照當年德國既做法，由低地向法國發動進攻，再一次羞辱法國人

兩個月後，即1941年10月，法國宣佈投降，意大利成為真正既大贏家

喺和平會議入面，由於好明顯地德國係由意大利人擊潰，意大利取得足夠既牙力(得分)去支持佢去吞併整個舊英國本土、全個法國同大半個德國領土，只留返些小領土比蘇聯當做死200萬軍民既補償

經過兩場戰爭之後，意大利已經成為歐洲既霸者，既然意大利已經恢復左大半個羅馬帝國既領土，咁點解唔直接重建羅馬帝國?
就係咁，意大利就先後向西型牙、瑞士、意大利宣戰，依D小國同德國比根本就比唔上，唔洗幾耐就全數投降，領土盡歸意大利所有



1942年1月，意大利已經獲得全數昔日羅馬帝國全盛期既領土(甚至有突)，正式向各國發出正式宣告，羅馬帝國歷經多重苦難之後，今日重新復國

(墨索尼里亦戴上桂冠)


建立羅馬帝國最撚OP既地方係將絕大部分歐洲地區轉晒做core，從此唔再缺人力打仗，又有千幾間工廠可以用

15m人力，夠打多十次世界大戰

再之後雖然可以東殲蘇聯西滅美國，不過打黎得個爽字，留比大家自己拎黎屈AI體驗下

羅馬帝國復國記 完

成日覺得HOI4計錯數 加成到千幾防


德國又係痴線 無限人口咁

解呢個成就最易係變共產政權
然後早過德國對比利時宣戰
元首就會請你入軸 之後就等1945年啦

訓醒先發現打錯國家名，做乜自己向自己宣戰
應該係意大利向西班牙、瑞士、葡萄牙宣戰，重建羅馬帝國

下一隻會玩咩game , 本週p社係steam 大特價

原來咁容易

我仲加入同盟國打到1945

各位同好機會嚟啦