有無巴絲打鐘意玩P社喲戰略game？(2)

想請教下呢個正體中文mod 叫乜名?

thx

https://steamcommunity.com/sharedfiles/filedetails/?id=700259283
Chinese traditional

thx!

上回提要：數百萬德意聯軍葬身於阿爾卑斯山，41年7月美國參戰，眼見時機終於來臨既法國決定實行秘密計劃

當法國人成功破解德國既Enima密碼機同建設雷達站探測邊境形勢之後，法國陸軍參謀部得悉德國同意粉軍隊已經全數聚集於阿爾卑斯山山區尋求突破要塞，而因為軸心國既戰場已經延伸到北非、希臘、西西里島，本土缺少軍隊駐守港口之餘重早就冇左制海權，因此決定喺熱那亞一帶登陸，從後切斷駐守山區上面既敵人既大後方

軍隊上岸之後一定要擴大佔領區，尤其係取得有港口既province，因為冇陸路連接的話係靠港口傳送補給，非常容易出現補給樽頸而令軍隊缺少補給，就非常容易比敵人推返落海

登左陸之後將預備軍調往熱那亞增援(要right click港口，如果就咁揀province會變左行陸路)，再用大概2個星期時間就成功向北推進到瑞士邊境，將大概80個師團前後包抄

HOI4永遠要記住一樣野，你要預備好填線師同攻擊師，前者係用黎防守，一般用5步加多個支援炮就可以有非常高既防禦力，所以填線師係重量不重質
而攻擊師的話主要分步兵師、裝甲師兩種，前期用作戰寬度20既師團編成就夠，去到4x年就要全面轉做40寬
具體而言最平民既方法係7步2炮 (蔣公玩唔起炮就加支援炮算啦)，40寬版就係14步4炮，或者有個玩法係12步5炮1重防空戰車，單純利用遊戲機制，用最低成本既坦克蝦對面破唔到防，令自己減50%統制度消耗，但4x年打元首的話，對面唔係裝左戰防炮就係坦克師，再加上42年有陸軍科技可以加步兵師既硬攻一定會比人破防，要用就39年用黎平推
裝甲師唔洗玩自走炮，依樣野得美國玩得起，簡簡單單摩步+中坦師就得，永遠記住中坦師要佔師團比例最少50%，如果唔係就用唔到裝甲師既戰術
打AI唔太難，上面既編成算係比較通用既組合

成功包餃子之後山區上面既敵人全部斷晒補給無力突破包圍圈，上完岸既陸軍企穩左前線之後就向西推返法國邊境，就好似用鐵鎚打落鐵砧咁樣，將80個師團全部推落阿爾卑斯山山谷

全殲80個師團後，成場戰爭法國只付出約20萬人做代價，就殺左元首同意粉軍隊約800~900萬人

再之後既戰略係向南推進到意大利南部擊潰意粉，再向北殺到柏林
不過依個時候出現左件突發事件令局勢更重一步向法國傾斜
42年6月，意粉正式投降，而意大利北部同德國接壤既province依個時候竟然變左顏色成為英國領土，切斷威尼斯一帶軸心國軍隊既補給
所以馬上將意大利中部既軍隊全數經海路衝上威尼斯，務求德國重新打通補給線之前法國軍隊能夠企晒上山，重演一次熱那亞登陸戰既大戰果

今次成功將德國最精銳既陸軍約40師包圍，殲滅之後元首不得不從各地抽出軍隊重新佈防於舊德國意大利邊境，以對抗聲勢如日中天既法國軍隊，亦因為咁德國北部海岸線至馬其諾防線既防禦力變得薄弱，令英國、瑞典、美國得以從多個方向登陸推進，本土防線正式崩潰


而令正式宣告德國死亡既消息，來自於42年9月中蘇聯撕毀互不侵犯協定，向德國宣戰

就係咁，元首被四面圍攻，每日只能夠喺柏林既地下室幻想自己cut唔到有線，等待佢既死期到臨

12月中柏林被攻陷，過多半個月既1月上旬，當第二首都維也納亦都比法軍攻佔之後，德國正式投降，歐洲戰場既戰事正式終結

去到43年1月1日埋單計數，獨自面對德國同意大利兩國既猛烈攻擊長達4年既法國，傷亡人口僅得40萬人，同時德國、意大利兩國傷亡人口係1100萬人，高法國約30倍

再之後得返日本仔要打，但依件事同法國人無關，就算冇左越南都唔緊要，法國人從此可以將德國人當成三級公民就冇問題

其實同德國打仗，陸軍唔洗太勁都冇問題(例如全步兵都得)，只要搵到方法不斷包餃子，直接減少軍隊數量就可以越包越輕鬆，而法國唯一問題係39年前軍工數量實在太低，冇得大批量產飛機，打到去4x年元首已經可以玩7千架戰機，法國好難搶到制空權
如果你係39年開戰之後主動出擊，或者36年就同元首死過的話，打一場要用既時間一定會比我短，不過點玩係個人選擇，你鍾意就得啦

有冇巴打研究緊30mins of hell

40萬v1100萬

Btw腦魔表情實在太可愛啦

其實20寬同40寬相差係邊

https://www.youtube.com/watch?v=4vzhQeHa7ns&feature=youtu.be
首先一般戰場寬度係40，為左避免浪費軍力所以只有10、20、40寬3種選擇
20寬成本低、靈活性高
40寬高攻，破防可以有4倍傷 (100+100攻既20寬師破唔到150防，而200攻既40寬師破到150防有4倍傷)

原來係咁 我仲一直用20寬咁傻仔

另外想問4坦定2坦2自走配摩步比較好
有2自走對人攻擊高好多 進攻黎講應該比較好D 但點解有4坦配法

需求唔同問題


假設同等條件下20寬裝甲師，可以見到中坦愈多，突破力(攻擊時防禦力)、裝甲值、穿甲值高過3中坦2自走炮，如果推線果時遇到裝甲師的話會好打D
當然用自走炮的話軟攻會高好多，切開戰線時會打得更順
但係要留意因為自走炮既裝甲比例較低，5坦5摩步係50%，只會食50%軟攻傷害，而2坦5摩2自走炮係40%，食60%軟攻

以生產黎講用自走炮等於要開多條生產線，但上面張圖你都見到用自走炮的話成本係平過5坦5摩接近20%
結論係打AI的話用乜都得，同玩家或者高難度AI打的話你可能需要轉做高裝甲度既裝甲師，甚至考慮用晒重坦

btw 上面篇文話唔洗玩自走炮其實寫錯左唔啱
用法國玩完全冇用過裝甲師所以記錯成本，其實玩大國用裝甲師的話，反而應該用多D自走炮成本低軟攻又高

巴打可唔可以講吓防空坦同防空設施

真係未見過有人用 係咪打德軍先有用

兩樣都冇用，結案

制空權係要靠主動搶返黎，AA係被動式完全冇意義
當係有空優時用唔著AA，冇空優果時AA亦都冇用/效果太少，有軍工/民工整AA你不如整多D戰機出黎
防空坦克頂多去到39年果時用來呃下金盾，41年開始已經冇存在價值

重防空打ai好有用

下一場諗唔到玩咩好，開意大利定蘇聯定玩一局stellaris好

呢類game全部衰AI

Stellaris 啦，第一局玩新手教程連點探索星系都唔識

探星系依類基本操作都唔識好難搞wo
擺科學家上科研船，出大地圖之後right click鄰近星系掃瞄咪得，撳實shift可以揀多幾個system探路

mtg 改版加船塢分配上限好on9, 搞到無得再玩艦隊決戰decisive battle

開局之後第一件當係揀要研究咩科技、勘探星系、改政策依三樣野
科技因為太複雜唔講了，自己玩一次就知先後次序，或者自己睇下tech tree睇下重要科技既前置條件
https://lab.cother.org/stellaris/
勘探星系係用有scientist 既science ship探星系，通常方法係出左銀河系地圖之後right click有hyperlink 既system向外探索

早期探路最重要既目的係搵最近既鄰居喺邊，再決定優先要去邊到claim system，用最少既影響力取得最多既system，正常而言AI係唔會跳system黎claim(即係唔會整飛地)，如果你喺choke point claim左你既主權的話，成個pocket既system就可以慢慢食，唔洗同人爭

依到假設西面係鄰國，紅色圈係choke point，只要你塞住左依到就實質領有藍圈入面既控制權，可以等影響力同資源許可之下先至claim
要佔choke point既另一個原因係方便防守，日後可以喺必經之路起要塞擋住敵人，拖到艦隊趕到支援

另一樣最重要既野係改政策，其實都只係改兩樣野

現行版本之下人口就係一切，食物唔係用黎儲而係用黎提高人口增長速度，所以糧食政策係由開game直到end game都係揀「營養充足」加10%增長速率

另一個係改貿易政策

依家有一樣野叫貿易值，預設係1貿易值=1電，透過改貿易政策可以減少電力收入，而增加消費品/凝聚力收入
凝聚力係儲黎點tradition，即係civ既文化值
而消費品係2.2新加既資源，你就當係另一種糧食，差在糧食係透過耕田就拎到，而消費品係靠工廠生產出黎，生產成本高過糧食好多
我自己習慣揀「消費者利益」拎0.5電同0.25消費品，即係等於用0.5電買消費品，參考市場價格的話平好多

買消費品每1單位要2.6電，0.25即係要0.65電，平左0.15電

通常而言你絕對唔會唔夠電力同礦石，而係缺少合金同消費品，所以有方法可以加進階資源既收入的話係非常有用
合金同消費品點樣用自己上youtube睇片，唔詳細講
https://www.youtube.com/watch?v=w9GVyaKHNhY
https://www.youtube.com/watch?v=hu089STzDEw
https://www.youtube.com/watch?v=jAfPED-Q-Ps


開局之後你手頭上有小小資源，一係用黎建太空探礦站，一係起行星建築
記住一樣重要既野，行星上面既建築大部分都係提供「職業」比人口做野先有產出，而開局係冇多餘人口，起新建築/區劃係冇意義，所以一開始主要係用工程船用礦物起太空採礦站/科研站直接拎資源
一開始係維持一定電力收入之下，將礦物收入推高到工程船可以唔洗等資源都可以不斷工作，之後先至再補返科研站
而行星上面大概等第一個新人口出黎之前先起一個電力/礦物/糧食區，就咁揀完要起既區劃之後揀建造，等一段時間就得

職業係等差唔多有需求先整出黎，唔好一口氣整一堆出黎浪費資源

講埋最後一次內政機制，後面剩係講場game點發展


首先有機生物一般而言會有行星適性(機械人除外)，人類住大陸型星球有80%契合度，宜居度越高消耗既消費品就越低，所以初期殖民時唔好見星球就上，最起碼都揀50~60%以上，否則你係養唔起咁多人口
其次行星都有大細之分，以前行星大就乜都得，但依家行星大細只會影響你可以起幾多個「地區」
地區果一欄你會見到有4種區域：都市、電力、礦業、農業，後面3種唔難明，問題係都市區起黎做咩?
依樣野就要講埋住屋同職業，人要有屋住先生活到，又要有職業比佢做野先有產出，如果冇屋又冇野做，人口就會向外移民，就好似香港咁就算有野做但因為樓價貴，就選擇左移民去其他地方
而game入面人口移民出去係會導致人口增長速度減慢，所以一方面要比野班畜生做，另一方面又要比屋佢住
一般而言電力/礦業/農業會加2職業又加2住屋，唔洗特登起屋，但係起建築例如生產合金/消費品既工廠，或者起科研室之類就只會提供職業，唔會比住屋，依個時候就要起小小都市區，專門提供住屋 (當然你可以起「奢侈住宅」加3住屋，但就要用1個建築格)

你可以喺行星上面起幾多電力/礦業/農業區，係睇你粒行星既地貌，唔係無上限咁起

每一種行星地貌會加唔同數量既區域數，例如地球既「撤哈拉水利工程」係加4農業區，再加埋另外兩個地貌，所以先可以喺地球起8個農業區
(8個黎講算高)

至於都市區唔係睇行星地貌，行星重有幾多格可以用就可以起幾多個
例如一個16格既行星，8格用左黎發電、2格挖礦同種糧食，用左12格，即係得返4格可以用黎起都市區或者其他區域，而建築格單純係睇有幾多人口而加減，同行星size無關

有時候行星會有稀有地貌，例如可以挖水晶、炒塵、氣體之類，屬於高階資源，用黎整武器/作為高階建築既消耗品之用，有時候可以粒星垃圾到仆街都會照樣殖民，就係為左依D稀少資源，當中又以氣體最為重要
而行星亦都會有D障礙物，減少左你可以起幾多個區域之類，只要研究科技同付出電力就可以消除
以地球為例，其中一個障礙物係貧民窟，最屈機既係消除左佢之後就會多一個新人口，所以儲夠資源之後，先起一個新既區域+2職業，再清除貧民窟直接加一個人口做野，加速早期資源產出

所以返返去一開始既問題，揀一粒行星殖民好睇你當時既發展戰略係點，粒行星有咩用途，唔係見佢25格就上，亦都唔係9格就唔要

要睇人口增加速度同操控職業，喺人口果頁就睇到

人口基礎增長係3.0，加成係40%，所以每個月+4.2進度，進度去到100就會加1個新人口，即係需要24個月先有新人口，所以我先至強調要盡量搵方法提高人口增加速度
而將來如果想操控職業，例如想D人優先填滿礦業區，可以減少部分職業既分佈而令人口優先做某樣野，先至慢慢放返其他職業比新人口

講到職業，就要講多樣野叫階級

職業有分貴賤，game入面分為統治、專家、工人三種階層，等級越高消耗既糧食同消費品就越多，通常而言生產基礎資源(電/礦/糧)既係工人，生產進階資源(消費品、合金、科研值、凝聚力)既係專家，而統治者提高行星整體幸福度同穩定度，維護皇城之內既和氣
(道理等同於李加誠一個人拉高香港人既富裕程度，令外人睇落香港人人都係有錢人，同時只要統治者同商家佬傾惦數，冇人反對的話就算你班蟻民反對都無力影響局勢)

而人係犯賤既生物，你要佢做統治者/專家佢就狗衝上去做上流階層，但要佢向下流返落去做專家/工人，佢就情願失業有工都唔做，過左一年先肯接受現實做返野
所以規劃職業果時要盡量減少資源影響，例如你一起消費品工廠，多左兩個專家，就等於少左兩個工人，就會令基礎資源生產出現缺口，要一段時間先補得返

屌你想開場game，寫寫下變左做教學
後面重點放返去遊戲過程就算

>不過我自己有種族潔癖所以都係不了

健康過victoria 玩genocide

無入黎幾日就多左咁多野睇同學
你有無興趣玩一局滿洲國反勝日本

冇乜
東亞頂多想用蔣公剿匪或者用大日本帝國打柒美國

匪剿蔣公