有無巴絲打鐘意玩P社喲戰略game？(2)

阿劉邦就是以為封比屋企人沒事 ，隔個一代就等於陌生人

ck2出新劇本，仲要免費

冇關係
佢繼承順位高自然會叛亂, 得一塊地都會叛亂
以前嘅做法係搵個有Trusting嘅人封晒啲多餘嘅duke同下面啲count俾佢
你同個duke關係好, 個duke又同啲count關係好就唔會反
最好係獨身主義或者基佬, 咁佢死左啲claim會去返你度
我用喱個做法管晒英法都冇打過仗
唔知而家有冇改到

咁係因為漢朝封地大啫
歐洲啲小國封你係眼皮底下，最大咪一兩座城，應該難啲搞出花樣掛

Yes

幾時

呢隻game既親人先唔可靠,有claim既幾親都要打你
我仲記得玩緊既角色幫老母打左個王國之後被佢宣戰要法理領土
就算係總督,一有幾會就要反你,換第個一樣想反

呢個都高章 我初初唔識轉dvassal 比duke 佢嬲九我

Imperator都係
只要唔係第一順位繼承人
第二第三第四全部都會反你
唔知咩邏輯

如果係咁嘅話，哈利同威廉應該一早搞政變

未買等評價好d先,p社一向鐘意第一round放beta
不過好似eu4咁複雜既真係不了

要搞清楚
人地反你係因為人地有claim, 唔單單係繼承權
套返哈利同威廉個例子
如果佢地偽造到份野出嚟宣稱佢地已經係英王
佢地一樣可以反事頭婆

所以我之前咁講
由佢地plot
只要佢軍力唔大過我 就唔敢反

我之玩過幾次每過一陣就內戰一次
成日佢地faction係我200%軍力

打仗我都唔叻
我玩賺錢路線有事請雇傭兵嚟打
靠城堡啲兵好撚少

歐洲重死多兩前。第一根據你個講法，你自己小國塊地一樣大唔到幾多 又係好似劉邦甘得1/3-1/2 係自己。
最麻煩係 中國就是得甘多諸侯勢力，你肯定知情況 ，歐洲幾千幾萬家族個個又聯婚又秘密結盟 分分鐘開戰先知GG

如果唔係直接要獨立 可以放個spymaster搞佢

唔太肯定其實要放係邊到？ 如果plot leader 有幾塊地，放佢首都？

我估照計應該是demesne 就ok 不過沒咩特別就放首都啦 反正最明顯

大明唔自爆真係好難攻得入佢
打極都係打個和就冇左

話說歐洲情勢複雜怪奇，古羅馬人辛辛苦苦建立左歐洲唯一既帝國，擁有領土威到包含歐、亞、非三大陸

及後羅馬帝國比蠻族入侵重比人滅國，從此羅馬帝國分裂為東、西兩部分，又過左一大段時間後死剩既東羅馬帝國比鄂圖曼帝國滅埋，從此歐洲只得返兩個「羅馬人既皇帝」，一個係既不神聖，也不羅馬，更非帝國既神聖羅馬帝國，另一個就係俄羅斯自稱既沙皇

喺拎住個爛轆既拿破崙打爆晒歐洲諸國而自稱皇帝之後，神聖羅馬帝國已經成為歷史記憶，不過拿破崙為意大利地區帶黎既，係將一個又一個城邦整合為一體，喺歐洲近代既民族主義思潮影響下，去到19世紀末期意大利獨立成國，開始左佢喺近代史充當小丑既黑暗時期
一次又一次既對外擴張絕是失敗收場，第一次世界大戰做埋二五仔幫協約國打贏戰爭，雖然得到部分領土，但始終解決「未收復的意大利」依個問題

而喺美國經濟大蕭條影響下，歐洲極權主義興起，時代既造英雄，英雄亦造時勢，德國有個伍長做到元首，意大利亦都有一個光頭美男子日日集會大叫羅馬發大財既Duce del Fascismo, 墨索里尼橫空出世

https://www.youtube.com/watch?v=CfS8AulsYRk
(墨索里尼演講片段)

為左令羅馬重奪昔日榮光、為左令意大利不再淪為笑柄，墨索里尼將目光放左喺非洲既一個弱小國家身上...

開局可以揀用新手教學模式或者直接開，冇分別既
基本上科技都係揀果D啦，差在一開game就要打埃塞俄比亞，之後又有西班牙內戰要打，所以一定要研究機槍

national focus必定係先行開第5個研究槽既果條線

拎完研究槽之後基本上會先將阿爾巴尼亞吞併同打柒南斯拉夫，之後再講具體點打
再之後就再補下德義同盟呀，科技加成呀之類既national focus

而政治點要點用先係最好配搭我自己都唔識，正路有15%政治點加成既顧問一定係揀左佢先，但意粉得個5%加成既垃圾，雞肋到不得了
所以今次我先儲100點政治點先揀決策「改善工廠工作環境」加穩定度，雖然-10%工廠產出，但36年既意大利本身生產力低，依家唔揀將來蝕水好多

穩定度重要之處係會提高政治點同工廠產出

依張圖係行完決策再加national focus +10%之後既樣，接近100%既穩定度會提高約20%產出，都咪話唔少

而正常情況之下第二個又會揀有陸軍doctrine加成又加陸軍exp既顧問，但問題係我揀開優勢火力而意粉得機動同決戰顧問，而意粉又幾乎由36年打仗打到38年，唔太缺exp，所以留返黎轉做戰時經濟、出飛機廠公司之類

標準起手式36年起一年民工，之後全力整軍工，咁玩的話顧問揀-10%軍工成本果個，如果你鐘意整民工整到37年，就揀-10民工成本果個，臨整軍工前再加埋另一個顧問

基本上意大利唔會玩裝甲師，你喜歡的話可以cut晒佢，不過我冇所謂同想留黎打南斯拉夫用，所以各自用1個軍工整下野就算

返返正題，一開局就要打埃塞俄比亞，因為將來要介入西班牙內戰的話要本國冇同其他國家打仗，所以都係盡快打殘佢就算，求求其其拎空優又搵飛機炸下野，第一個national focus都未完成已經打贏左

而喺戰爭結束既前兩日，好好彩地西班牙已經開戰，吞併完成就即刻派兩個師去幫拖賺陸軍exp


欲知後事如何，且聽下回分解

見到而家香港既情況一日比一日差落去
我覺得就好似喺hoi4入面慢慢由colony變puppet
再變integrated puppet
最後就係annexed

其實而家大陸好似三十年代大日本帝國
又係新興列強, 蠢蠢欲動想向周邊國家郁手, 經濟上開始俾美國圍堵

唯有祈禱大陸痴起上黎偷襲美國
等聯合國軍解放香港