[第三人稱 視角]
明花聽到背後的樹叢傳來的沙沙聲,心中害怕起來了。葵涌公園沓無人煙,經常傳出鬧鬼傳聞;即使不是鬼魂作祟,若遇上劫匪她可吃不消。
明花站起身,鼓起勇氣大叫:「邊個?!」
只見一男一女從樹叢後走出來,那男人戴眼鏡,穿著西裝,女的卻穿著一身明花熟悉的便服。
「媽!」
「雅瑩!!」
雅瑩越過鐵絲網與母親相擁,兩人母女重逢,不禁喜極而泣,畫面教人感動。
「阿女你去左邊?擔心死我啦!」
明花一邊哭,一邊用扶著雅瑩的後腦勺,不願再放開女兒。
「係佢帶我出黎。」雅瑩回頭望向司徒瞬,瞬有點尷尬地向明花揮手。「佢同我一樣都係……變異者。」
明花臉色一沉,稍一皺眉。
「媽,你會唔會接受唔到我既身份?」
雅瑩憂心仲仲地看著明花,心裹祈求著母親的原諒。
「我早就知道你係變異者啦。」明花擺出一個苦笑。「屋企有一排明明交足電費但成日無啦啦停電,我都知道有古怪。傻女,無論你變成點都好都係我個女黎架!阿媽點會接受唔到呢?!」
雅瑩早已哭成淚人,像小孩般趺進母親的懷裹。
「唔想打擾呢個moment,不過雅瑩我地係時候要走喇……」
聽到瞬的提醒,雅瑩才在明花的懷中抬起頭來。
「走?去邊?」
「媽,阿瞬係一個變異者庇護組織既成員,佢有一個地方比好似我呢啲『變異者』去避開變監部既成員。媽,跟埋我地一齊走啦!」
明花霎時間無法接受,她竟然相信這個陌生男子所說的話嗎?
「我…」
A. 走
B. 唔走
C. 考慮
比多次機會你地揀 以頭三個留言投票作實
如果頭三個留言分別係A、B、C既話就睇埋第4個