美漫撚
2018-12-22 03:36:05
A.幫
[第三人稱 視角]
「放心啦柏霖,我會幫佢地。」
『真架?』
「係呀。」
瞬點頭答應,柏霖馬上破涕為笑。
「我個名係司徒瞬,係呢到既幾個人都係我既同伴,我地既目標就係幫助有危險既變異者。但係我可唔可以知道你地既變異能力係咩?」
Hylke和Nina對看了一眼,Nina向他點了點頭。
「我既能力係專心既時候可以聽到好遠既聲音。」Hylke解釋,「而妹妹既可以望到好遠既野。」
「感官強化系能力,唔錯丫。」
「我地仲可以做到其他野,但係我唔知點同你解釋。」
「佢地兩兄妹分別可以『念寫』同『念聽』。」
雖然蘆薈插嘴為兩兄妹解釋,但瞬和雅瑩都有聽沒有懂。
「等我地直接show比你睇啦。」
Nina和Hylke走到窗前,Nina指著唐樓附近的一檔生果攤販,Hylke向她點點頭,之後他閉上了眼睛。
數秒後,診所裹的電視突然自動打開了。果攤販的畫面!
「陳太,今日啲橙靚喎!」
「咁比三個我啦老闆!」
屏幕上播放著的,正是那個生果攤販的畫面,而且老闆和客人的對話還聽得一清二楚!
幾秒後Hylke和Nina一眨眼,電視屏幕上的畫面和聲音也隨即消失。
「佢地可以將自己聽到同睇到既野投射係其他媒體上。」
蘆薈解釋過後,雅瑩和瞬終於恍然大悟。
「原來係咁,係幾方便既能力。」
「瞬,咁而家點算?」
瞬看著那兄妹,思索了一會兒,拿出電話打給某人。
「喂堅叔,我而家係蘆薈到。係呀,想你接我同另外兩個人返基地。Ok,10分鐘後見。」
電話掛斷後,瞬回頭對Hylke說:「一陣我同你地去我基地到避下風頭先。放心啦Hylke、Nina,我地會保護你兩兄妹。」
聽到瞬所說的話,Hylke突然激動地抓住瞬的雙手。
「多謝你呀司徒先生!Nina快啲同司徒先生講多謝啦!」Hylke把Nina也拉到瞬面前,連忙向他點頭道謝,還夾雜了幾句瞬聽不懂的尼泊爾語。
「唔緊要,你地坐下先。」
瞬安撫了尼泊爾兄妹後,轉頭叮囑雅瑩和柏霖。
「你地乖乖地留係到,我會再聯絡你地。」
雅瑩看著瞬的雙眼,似乎有話要說。
A. 「我都跟埋去。」
B. 「你地小心啲。」