美漫撚
2018-12-22 22:39:59
[司徒瞬 視角]
「我都跟埋去。」
雖然很感激雅瑩的義氣,但我心裹是不想她跟我去的。畢竟她本來也只是一個普通中學生,我可不想把人家的寶貝女兒牽扯進黑幫鬥爭之中。
「太危險啦,你留係到啦。」
「喂喂,琴晚係邊個打低個女特工呀。」雅瑩雙手叉腰,「而且你未走佬之前咪又係中學生一個!」
嗯,無從辯駁。
「唉好啦好啦⋯⋯」
雅瑩露出一個勝利的微笑,然後蹲下叮噣柏霖。
「你乖乖地同蘆薈姐姐同忠哥哥留係到呀。」
『嗯!』
「瞬,診所係中立地帶,所有診所外發生既事我都唔可以插手。」蘆薈把我拉到一邊,一臉抱歉。「如果我對『金甲蟲』既人郁手,診所既中立地位就會改變,到時啲病人可能就唔會再信任我,而且班黑幫可能都會攻擊呢到。所以我今次幫唔到你,唔好意思。」
「我明。」我把手放在蘆薈的肩上。「你幫我睇住佢地同個特工啦。」
蘆薈向我點頭。
「受傷既話即刻通知我。你地幾個要小心。」
「知道。」
跟蘆薈和柏霖道別後,電話響起,堅叔到了。
「Hylke,Nina! 要走啦!」
待兩兄妹跟蘆薈道謝後,我們便馬上離開。在走下樓梯時,我問了他們一個問題。
「你地屋企人呢?」
「我地爸爸媽媽唔知道我地係變異者既事。如果我地返屋企既話,佢地可能會有危險。」
原來如此。那就更加要儘快解決這件事,希望可以在與變監局約定那天來之前準備好所有事。
踏出唐樓,堅叔已在的士上等著我們了。
「喂,做乜又多左兩件南亞架?」
「屌你咩佢地都係變異者黎架,尊重啲啦。」我轉頭為堅叔向Hylke及Nina道歉。「唔好介意,堅叔雖然講野粗魯啲但都係個好人黎。」
「唔緊要,我地慣左。」
習慣了嗎?真悲哀。並不是真的「無所謂」,而是「習慣了」。
人類喜歡把他人分類。貧富、性別、膚色、種族、性傾向、身體構造、政治取向……明明人類自稱萬物之靈,卻必須想方設法去為人類分門別類,排除「異己」。
因為膚色不同就註定要被人不尊重地對待。因為是城市中的少數就理所當然地不被重視。因為與眾不同就擔當起受害者的命運。因為天賦異稟就要被被追捕、被監禁、被當成實驗品和貨物。
我不接受這種愚蠢的排他性。
我發誓要改變這種扭曲的社會。
————————————————-
敍事選項
A. 起源
B. 現在