［互動故］你是一個超能力者

B

多謝你支持

我都想知 一開始真係好打擊

唔好諗啲負皮，只係望住啲正皮數字
寫比啲欣賞你嘅人睇

我望住啲正皮慢慢追上負皮好滿足
Btw今晚飲左酒唔出文了 聽日補數

好睇喎 十卜十卜

考完一科又上黎推

打緊啦

多謝支持

B一同行動
[第三人稱 視角]
早上十時，雷雅瑩和蘆薈終於從房間中走出來，只見司徒瞬和李柏霖安坐於飯桌旁，而林亦忠在廚房端出了兩碟早餐。

「你地坐下先……我而家整埋你地個份。」

只見亦忠剛把兩碟早餐分別放到瞬和柏霖面前，又連忙跑回廚房去為蘆薈和雅瑩做早餐。瞬的碟上放著一份嫩滑的炒蛋、火腰、腸仔，更加上一塊塗了果醬的烤多士；而柏霖的碟上除了火腿腸仔外，蛋卻是煎雙蛋，蛋白的外圍煎成漂亮的金黃色，蛋黃卻仍保持誘人的半生不熟，更多了一碗牛奶麥皮。

「忠仔我要荷包蛋！」蘆薈向廚房大喊。她推了一下雅瑩，雅瑩有點不好意思地說了一句「一樣就得喇唔該。」。

五分鐘過後，亦忠端著兩份冒出淡淡熱煙的早餐走出廚房，放到雅瑩和蘆薈面前的飯桌上，自己則坐到柏霖旁的位置，疲倦地趴在桌上。

「忠你自己唔食？」瞬咬著果醬多向亦忠發問。
亦忠搖了搖頭。「我唔餓，一陣我瞓多陣先。」
只見亦忠的眼周有一層明顯的黑眼圈，明顯是睡眠不足的狀態。
「你琴晚瞓得好少呀？」
「我冇瞓過……」
眾人驚訝地看著他。
「點解呀？！」
『忠哥哥，係咪因為我瞓落你隻手搞到你瞓得咁差呀？』
蘆薈和雅瑩不約而同地瞄了一眼柏霖，她們第一次被柏霖以「精神感應」的方式在她們腦中直接對話。

「唔係呀，因為我琴晚有啲野做，做做下就成晚冇瞓。」

亦忠打開手提電腦，營幕上顯示了一份個人檔案，右上角的是變監局特工麥娜的照片。
「我琴晚查左個特工既資料。麥娜，２８歲，本來係香港體操代表隊既成員。三年前加入左變監局，由嚴非權親自訓練成而家既特工。」

亦忠又從枱下拿出昨晚麥娜手上那把強大的武器。

「呢一件武器既正式名稱係『空氣壓縮炮』。佢可以係一秒之間吸收並壓縮空氣，再向前方發出。有兩種模式，一種係對人用既，威力較弱但射程遠啲；另一種則係破牆用既『爆破模式』，雖然只可以距離短但最大威力可以係一瞬間令鋼材都穿開一大個窿。」
『空氣炮？』
雖然柏霖雙眼發光地看著亦忠手上的「空氣壓縮炮」，但亦忠一手按著他的頭，把那危險的武器推向一邊。

「你地唔覺得奇怪咩？嚴非權既機械手，仲有麥娜既『空氣壓縮炮』，點解變監局會有咁高科技既裝備？」
「邊個係嚴非權？」雅瑩問。
「嚴非權係一個變監局既高級特工，姐係你琴晚用電話談判既嗰個男人，佢係麥娜既直屬上司。」
「同埋有一對好撚高科技既機械手。」瞬插嘴道。「我冇記錯既話，你上次查過佢對機械手應該係由葉氏財團送比佢。」
「我有聽過葉氏財團既事。聽講佢地表面上係一間研發科技產品既跨國企業，但暗地裹研發緊高科技兵器賣比唔同國家政府。」蘆薈咬著腸仔說。亦忠點點頭，繼續解釋。
「冇錯。然後我一查之下，發現唔止嚴非權既機械手，麥娜既『空氣壓縮炮』都係由葉氏財團製造。」
「你係指『變監局』既武器係向葉氐買返黎？」
「你聽我講埋。」亦忠搖頭。「變監局既行動特工，每個都有一件呢啲高科技裝備，而佢地全部係由葉氏資助比變監局。唔係賣，而係『資助』。而且我再好奇一查，發現原來連變監局大樓唔係政府資產，而係屬於葉氏擁有！」
三人以震驚的表情看著亦忠，只有柏霖一人似乎不明白現在發生的事。
「變監局係執法機關，如果葉氏財團係佢地背後既資金來源……」
「呢單野，可以成為我地既『秘密武器』!」

分支劇情：
A. 雷雅瑩
B. 麥娜
C. 李柏霖

人呢

B!!!

攻略娜娜

B

B

完全唔明點解會想攻略佢

係化敵為友嘅好機會

c

幾好睇，strong post 留名

歡迎加入

我自己好憎後宮向作品 所以唔會比瞬陷入個個都中意佢既情況

B