［互動故］你是一個超能力者

我以為係第一個po 原來已經寫左兩年
要返工要出街，懶了

唔係 係我無作到

B.求情
[雷雅瑩 視角]
「咪住！」我慌張地踏前一步，站在蘆薈的面前。「司徒瞬咁做係有原因！」
「你又係乜水？」
蘆薈的眼神轉過來，一臉疑惑地看著我。
「我係司徒瞬今日救左既變異者。而嗰個特工本身想捉我，之後比我地打低左。係我要求司徒瞬救佢！」

「咳…」
瞬仍然在掙扎，蘆薈看了一眼地上的瞬，又看了一看我，最後手一揮，瞬頸上的藤蔓和花兒便在數秒間枯萎剝落。
「嗄…呼…」
瞬漲紅著臉，大口大口地吸氣，一時間還未能說話。蘆薈的能力太恐怖了，只要動一下手指便可隨便絞死一個人人。

這時亦忠似乎聽到了房間的動靜，跑過來一看到跪坐在地上的瞬，驚慌地去把他扶起。

蘆薈無視了我，走到亦忠和瞬面前，掛上一個歉意的微笑。
「瞬，唔好怪我，你都知道我呢到係幾注重安全同隱密性。」
「蘆薈姐對唔住…事出突然我地都唔知可以去邊。」
亦忠代替瞬向蘆薈解釋，蘆薈突然伸出雙手捏亦忠的臉，把亦忠的臉搓圓按扁，看起來親如姊弟。亦忠邊退開邊叫著「唔好……」，但蘆薈卻沒有輕易放過他。

「忠，你要好好地睇住瞬架嘛。瞬佢成日衝動亂黎，係因為你次次都代佢道歉我先放過佢。但今次帶埋個變監局既特工黎太over喇，如果比其他病人知道左仲邊希人敢黎？」
「嗯……」
「唔好意思呀蘆薈姐。」
瞬搓著自己的頸，皮膚上還留有紅色的勒痕。蘆薈以指尖托起瞬的頭，仔細地檢查一番。
「冇事啦，條痕好快冇。」
瞬別過頭去不去看蘆薈，難道他害羞了嗎？不過我看亦忠也有點害羞地不敢看向她，難道這就是大姐姐的魅力嗎？！

「喺我幫助下呢個特工應該休養返一兩星期就冇事，但係呢段期間佢唔可以離開呢間房。」

瞬和亦忠點點頭，一臉不好意思。

「睇你地都惗住今晚係到過夜架啦。我得兩間房有床，一間比左個特工一間我自己瞓。你地四個自己搞掂啦。」

「我今日用得太多次瞬間移動，我要瞓下先。」

我突然想起我還未洗澡，一身臭汗味，而且身上的衣服沾滿了葵涌公園的泥污。
「唔好意思，我想問可唔可以比我沖個涼…？」

「你有冇衫褲換？」

我在離家前帶了毛巾和替換衣物，我向蘆薈點了點頭。她向我指了一下浴室的位置，我便帶著背包走進浴室。

我一度擔心唐樓的浴室會很殘舊不方便，但原來我的擔心是多餘的。蘆薈家的浴室用了明亮的暖色黃燈，牆身和地板鋪滿瓷磚，還放著幾棵我說不出名字的盆栽，感覺非常舒適。

我脫去身上沾著泥巴的衣服，站到浴缸之中拉上浴簾。扭開花灑後，溫度剛好的熱水灑在我身上，我任由熱水把沾在肌膚上的泥巴和污跡沖走。原來洗熱水澡感覺是這麼舒服的嗎？我開始思考這幾天發生的事。從我忍不住出手教訓非禮我朋友的那個男人、被捕、在警局番了一整晚、司徒瞬出現、他對我說的一番話、跟變監局特工戰鬥、跟母親分開……一切一切，竟然在短短兩晚內發生。

大約三十分鐘後，我終於想起自己在洗澡，才關上花灑，開始抹身更衣。

我走出浴室後，看到瞬已經累倒在沙發上，靠著亦忠的大腿呼呼大睡了。不知為何柏霖也抱著亦忠的右手手臂，睡得正酣。亦忠雖然一臉無奈的表情，但乖乖地讓熟睡的兩人佔用自己的身體，用空置的左手在把玩一部電話。

蘆薈則坐在沙發後的飯桌旁，專注地看著Ipad上的韓劇。讓人在意的是飯桌之下，蘆薈擺出一雙白嫩的長腿，連我看到都覺得害羞起來。

時候尚早，我該做什麼呢？

A. 跟亦忠說話
B. 跟蘆薈說話
C. 睡覺

用手機打千幾字

b

B

B！

b 辛苦樓豬

一日一千字文已經滿足
多謝樓主

一日千字保證唔到

有人支持辛苦啲都覺得好滿足

咪搞les戲碼呀

本身冇惗過 但你講一講我又覺得磨豆腐幾正

b

B

B

個個都係到洽鳩毒撚 忠仔好慘

蘆薈示意圖：



加朵花比佢 同埋再白啲

有冇司徒瞬示意圖

惗唔到 你地可以幫手惗下