［互動故］你是一個超能力者

五十路

樓主有冇打算完故之後講翻咩選擇會有咩結果
支持

有可能涉及劇透既野我唔講得
不過睇你想問邊題

冇特別邊題
我指最尾可以畫返個分支表出嚟

好難 每個選擇都有無限個可能性 可以有無限個結果
好老實講我而家都好努力咁維持緊個故事方向 都係邊惗邊寫

支持

其實大家點睇我啲視角飛黎飛去?雖然我覺得咁寫幾得意 但你地會唔會覺得好撚煩

ok啊
加速

等得切既話我預計三點半前會再出一篇

咪帶啦

咩叫帶

A. 要走梗係帶埋老母走！

［雷雅瑩　視角］
「你話我可以帶埋呀媽一齊走？」我有點動搖了，「你講真？」
瞬點點頭。
「不過你要惗清楚，係咪真係要帶埋你呀媽跟住我地。始終我地做既野都係好大風險，我都唔想伯母出事。」

我想起剛才新聞上報導的事件。沒錯，「變監部」的人是惡魔，只要擋他們的路，普通市民也可能被拘捕甚至小命不保。

即使如此，我還是很想有媽媽陪著我，很想用我的雙手去保護自己的母親。而且即使母親不跟著我走，也難保警方或變監局不會找她麻煩。
「點都好，我想見左呀媽一面先。唔知佢而家係邊呢？」


［第三人稱　視角］

變監局的行動基地位於荃灣，是一幢七層樓高的建築物，整幢建築就稱為「變異者拘留及監察局大樓」。和警察不同，由於變監局沒有分部，因此基本上所有員工，包括外勤特工或文職職員都在這幢大廈上班。

一至三樓是包含情部處理部門及秘書等文職員工的樓層，四樓是員工餐廳。五樓和六樓則由五個行動部隊以及變監局副局長一同分享。而七樓全層，則是由變監局局長一人獨享。依照香港的行政架構，變監局是獨立的執法部門，雖然是「局」但無法影響警察的執法，同樣也不受保安局的干擾，只有行政長官可對變監局局長下達直接命令。

五個行動部隊皆是由菁英份子組成，每支部隊皆享有一間獨立辦公室及一間拘留及盤問變異者專用的覊留室，但樓層則與其他部隊共用。由一名高級特工及四至五名特工或實習特工組成。也就是說，這二十多人基本上負責了全港的所有「變異者」拘捕工作。

早前在南昌出動的，是由高級特工嚴非權帶領的Ｂ隊。他們所位處的樓層是六樓。現在，Ｂ隊的覊留室內有一名潛在證人正在接受盤問。

「我再問你一次，你真係完全唔知道雷雅瑩既下落？」
一名臉上一塊瘀青的特工，陳日天(Sunny)一掌拍在桌上，發出很大一聲噪音。
「我講過，如果我知道既話，我就同左你地講。」
「你唔好玩野呀--」

另一名坐在證人對面，身型高大，年若三十七八的男人輕輕舉起戴著黑色手套的手，Sunny馬上噤聲。他是B隊的隊長，高級特工嚴非權，也稱為Patrick。

「Sunny，有禮貌啲，佢冇犯任何事，我地對普通人唔需要咁粗暴。」
嚴非權的聲音低沉而平穩。

坐在他對面的是一個四十多歲，名為楊明花的中年女人。雖然已年近五十年華，明花仍然保養得宜，風韻猶存，沒有讓自己變成隨處可見的肥胖主婦。

「雷太太，你確定你冇其他野要同我地講？」

她搖頭，露出一股疲倦且厭惡的樣子。

「講到尾咪就係因為你地疏忽，我個女先會唔見左！而且雅瑩根本冇做錯事，佢只係教訓左個變態佬姐！」
「好遺憾，係香港雖然身為『變異者』本身唔犯法，但只要未經許可係公眾地方使用能力，無論理由係咩或者對像係咩人，都已經係犯罪。」
「......我冇野同你講，我可以走未？」

嚴非權看著她，眉毛向上一戚。

A. 放佢走
B. 唔走得

(由而家開始變監部正名為變監局，唔好意思)

上面呢篇係稍微補充返個世界觀設定，所以說明既篇幅多少少

A

Btw 兩邊勢力我地都有得揀
個故事感覺好似怪怪地咁
太順風順水好似無咩挑戰性咁

嚴非權(Patrick)示意圖:



(我個故事入面係著裇衫)

我可以話比你知 呢一題你揀邊個option都會引發衝突 爭在係how/where/who

不過你講得啱 我都冇留意到會有呢個問題
我之後會注意返 唔該你

你意思係咪 咪帶老母

帶左老母好難呃蝦條