A.升級
[司徒瞬 視角]
早餐時間完結後,柏霖主動請纓要為大家洗碗。「我係屋企都會幫爸爸媽咪洗碗架!」這樣說著的他,一跑一跳地把碗碟收進廚房。
我和蘆薈把早餐送去房間裹的麥娜,蘆薈狠狠地威脅了她一番。我覺得她沒在開玩笑。離開房間後,亦忠把我叫到客廳。蘆薈不置可否地走進廚房,跟柏霖一起洗碗。
我走到沙發那邊,看到亦忠跟雅瑩坐在沙發上,地面上擺了一堆機器零件,想必是亦忠的傑作。
「我琴晚除左查變監局既事,仲有惗過關於你地能力既事。」
亦忠睜著疲倦的雙眼在背包中倒出一堆道具,從中拿起一個護目鏡遞給我。
「首先係阿瞬。對於你黎講,視野係發動『瞬間移動』最必要既條件,而變監局既人亦知道呢樣野,所以一定會瞄準你既眼睛攻擊。所以保護你既眼睛係最重要。」
那是一副全覆蓋式的工業用護目鏡,鏡片是透明的但框身基調則是黑色。我戴上它,它把我眼睛周圍連同眉心都包覆住,而且並不會過鬆或過緊。
「另外,我拆左你個盾,因為實在太唔方便又引人注目。所以我幫你個護臂加左一層碳纖維外殻,咁就輕得黎又可以保護到你既前臂,更方便你移動。」
真不愧是亦忠,竟然設想得這麼周到。「叻仔呀忠!」我一手摟住他的頸,一手用力搓他的頭髮,但他似乎已沒有和我嬉戲的力氣。
「跟住到你……」亦忠又拿出兩隻手鐲似的金屬物,遞向雅瑩。「戴住佢。」
雅瑩乖乖地把手鐲戴上,手鐲上的一個圓環亮了黃燈。
「咩黎架?」
「我琴晚睇返瞬既電話同耳機,發現佢地其實係冇壞到。」亦忠從地面的那堆積如山的道具之中撿起瞬的電話,把一條充電線插進電話的充電乙中,電話瑩幕竟然亮起來了。「佢地只係冇電。」
「你意思係?」
「我地一直以為你既能力係單純體內製造電力再發電。但其實你既能力並唔係『製造電力』,而係『吸收電力』再『放電』。姐係話你係將附近既電吸收左入體內,再發射出去。」
「嘩,我自己都唔知!」雅瑩驚訝地說。「咁呢兩舊野係有咩用?」
「因為你控制唔到體內電力,如果次次都開行turbo咁電人,好快就會『冇電』,而且啲電仲有可能電到身邊既同伴。呢兩隻手鐲既功能係將你全身既電力引導去你雙手到,咁你每次用電既時候就唔洗浪費,又唔怕電到隊友。」
「好犀利呀!你一晚就整好左咁多野?」
「忠以前夢想係做電子工程師架。」
忠在中學時便已經很擅長科學,而且跟我說過想做電子工程師。如果不是跟隨著我,他現在可能已經是一個前途一片光明的工程師。想到這,實在覺得有點對不起他。
「我頂唔順,要瞓啦……」
忠說完,戴上耳機向後一攤,倒在沙發之上。
「我地唔好嘈住佢瞓啦。」我壓低聲線對雅瑩說。她點點頭,站了起身。
這時,突然聽到診所外面有人大力拍門的聲音,聽到一個男人的聲音在門外大叫。
「蘆薈醫生,救命呀!」
A. 開門
B. 唔開
呢篇好似打得有啲1999
會唔會唔明