經過一晚消化都未嬲完編劇
不過我都係自虐咁去翻睇咗一次
首先要再講阿淳同阿蟹做得都好好, 真係牽動到觀眾嘅情緒
阿龔係房Yes嗰吓我真係會跟佢同步Yes,阿水出Lift花痴跳又真係有種好"鄧"佢開心嘅感覺。甜呢part確實係甜到漏
苦嗰part阿龔街頭喪搵嗰種擔心,之後對住阿爸嗰種無奈加眼淚(雖然唔知點解剪到聽Jenny電話就一秒乾晒
),最尾係飛機上嘅表情都
阿水係屋企成隻雞拎起咬嗰幕都做得好(
初頭都擔心佢會忍唔住笑),真係做到嗰種唔開心要發洩喪食feel
劇情講到最尾阿龔要幫Jenny我當佢係有留後著伏線都叫可以接受,但阿龔既然都打得俾水話嚟唔到點解唔講埋係阿爸唔見咗?編劇唔記咗燁來越愛你呢集?嗰時阿龔都同阿水一齊搵阿爸之後仲打邊爐,而家講緊係阿龔要上熊家表白呢種關係啦!阿爸唔見咗呢樣都唔對阿水坦誠,真係傻的嗎?阿水又一直知道龔友病情,只要阿龔電話同阿水講阿爸走失咗唔嚟啦,阿水會馬上撲出去一齊搵,之後劇情可以照一樣去,講阿水喺對面馬路睇到阿龔聽緊Jenny個電話渣實拳頭,擔心緊佢唔知做乜上前問佢,然後阿龔只回一句:我要送阿爸返老人院先今日陪唔到你,你自己返屋企先啦Sorry! 咁拍一樣可以做到表白不成、阿水唔係龔燁的No.1、阿龔會幫Jenny呢幾個point,而阿水又唔會因為咁而太過傷心,佢甚至會估阿龔埋Jenny身係有苦衷從而想暗中幫忙添。所以無喺電話解釋龔友失蹤呢點個人認為真係琴晚劇情嘅最大敗筆!
而家寫到咁樣,阿龔就算之後講返有計劃去對付Jenny再解釋佢同水之間都已經有條裂痕,如果之後劇情真係就咁講阿龔投靠Jenny唔係假意投誠搵機會反撲就真係嬲上嬲
FF一下:阿龔手上usb其實未夠爆,最多Jenny咪唔做龍家新抱但佢依然係地雷太子女,爆出嚟Jenny未必賣帳添,但係如果攞到一啲佢出賣接龍商業機密証據,一啲會令雷珍妮再次坐監織藤籃嘅料咁又唔同講法。Jenny係一個飲咗屎水同小強水都唔知嘅蠢女人,阿龔就算唔揀大房都無可能跟二房,希望之後會有阿龔反將Jenny一軍嘅戲。唔想見到阿龔俾Jenny玩
至於阿水真係好慘呀
剛沉船無幾耐就被阿龔咁hurt,但今集講到水唔理大小姐點講照俾多次機會阿龔表白,想帶出阿水心入面係傾向相信阿龔,只係阿龔滿肚秘密的確睇唔透,由於阿龔無解釋放飛機原因,就算點信阿龔另有原因甩底啖氣都無咁快落到。對阿龔嘅態度又會變返今集初嗰種無視,如果之後唔交代返然後又有喺初戀café阿龔攝埋去阿水隔離嘅劇情就真係
或者要講水都會好奇,點解買晒長島酒店到會連埋箱98年罅隙紅酒都唔嚟?如果佢在意阿龔都會想去搵答案,未必一定只係咁等…
龔水線我仍然會追,希望編劇真係有睇呢度,唔好再寫啲唔合理劇情,浪費咗之前嘅舖排同埋演員嘅演技呀!