[開心速遞]熊若水龔燁 供水線集中討論區（10）

今日哩到個個都失戀

絲 希望你this moment唔會再覆到我
我會盡量嘗試下加油㗎啦 你都要加油呀

睇左咁多年處境劇 今次最hurt 仲入戲過以前睇啲韓劇

唉

我呢兩個禮拜逢禮拜一都要sad一次
想開開心心過埋12月啊大佬 放過我啦

如果今集係第一次，都算，但依家係一次又一次，我諗唔到阿水有咩理由選擇再相信佢

屌 我宜家除咗粗口之外真係諗唔到仲可以講乜
明明呢排已經勁撚多嘢煩 我想睇劇開心下啫
真心已經係抬到一個嬲到唔知可以講乜嘅地步

呢集無錯係虐水之餘更加係虐龔，我地觀眾角度都知佢有幾鐘意水。知道龔聽到水肯俾機會，佢有幾開心(而且前提係龔一直以為自己無行，打定哂輸數)
所以今集尾嗰句，係hurt到水，但龔嘅傷心亦不少。要親手將得來不易嘅機會推走，佢嘅難受未必會少過水
所以好同意ig呢位所講，佢唔係唔想要水，只係自覺做唔到水要求，唔敢要
不過始終諒解唔到佢下下咩都唔解釋，大小姐啪龔毒針又啪得無錯架，收收埋埋太多，阿水份人咁簡單摸唔透
今集真心嬲呀

我想喊啊

心情完全被今集破壞左 冇心機做野 我地呢班fans唔知等幾多個月先有糖水

我知道龔燁都會好hurt
但我完全唔撚諒解佢咁做
之後個集睇龔水敵對
大家話我知
我應該用咩心態睇落去

就算之後再有糖水
根本都彌補唔返今集嘅傷痛

岩岩先落左去做運動冷靜左一個鐘，之後就諗通左
本身都好嬲，覺得阿龔點解要俾一個假希望人，仲要約哂全家先黎甩底。
但後來就諗返起之前454之後討論既結果，阿龔終有一日要知道自己到底應該選擇過去，定係面對將來。一日未解決到呢一個結，就算佢地真係拍拖，但遲早都會收檔。

以下係我努力兜既版本：

首先，阿龔個人設係由少年時期開始，一直為左復仇而存在。（點解過去感情史得阿may?可能就因為呢一個原因）任何人佢都睇唔上眼，心裡面只有復仇。因為對佢黎講，愛情同復仇兩者都係最單純既存在，係不能夠有任何雜質。所以佢心裡面好偏執地認為，兩者不能並存，一直都對任何人保持距離，從來無對一個女仔動過心。

但係直到遇見水水。
見到好似天使一樣善良既佢，阿龔居然沉淪左。
佢開始漸漸忘記復仇，身處係美夢裡面，甚至開始以為自己可以忘記過去，將阿水視作人生第一位，或者開始欺騙自己，覺得其實復仇同戀愛，都係可以並存？
佢開始一直做ｄ傻仔野，為一個女仔做左好多損人不利己，有違佢初心既事。次次見到佢既笑容，佢都好似個傻仔一樣開心到彈起。
......原本以為美夢一直可以發落去。
但係直到呀爸病情惡化既時候，佢呢一個美夢好明顯打碎左。
原來佢自己一直都放唔低復仇兩個字，佢對天使既愛情，佢自己一直以黎復仇既心，原來都滲透左雜質。

原來傑叔係佢心目中，一直都係一條大大既刺，一日唔抆返出黎，佢一世都唔可以真正接納到水水。

再加上細龍太既電話，佢不禁停低左腳步。

佢諗左好耐好耐，望住阿爸哀傷既背影，再諗起以前傑叔對佢地做既所有野，感受到自己心底裡面埋藏住、又開始冒芽既仇恨，佢開始動搖。
佢知道如果佢要係阿爸有意識既時候報仇，就只能夠行捷徑。而呢一條捷徑，一定要做好多呢個天使唔願意既事情，例如要做返一個好似以前咁既死賤精－－一個衰人。

所以佢深吸一口氣，決定做一個好艱難既決定。

因為佢希望同水水共赴一生既人，係一個全心全意愛佢，心裡面只有佢一個既男人。

雙下爬天使應該配既，係一個全心全意既騎士，而唔係一個心裡面放唔低仇恨既復仇王子。

佢開始覺得，自己根本唔配。
所以佢寧願自己承擔所有，因為阿爸病情惡化，已經再無時間。

於是乎，佢選擇離開。
佢寧願天使恨佢。
寧願自己一個痛苦，佢知道咩叫做長痛不如短痛。

佢心裡只希望天使下一個愛上既，係一個完美既騎士，而唔係好似佢一樣，表面光鮮，但其實渾身傷痕既王子。

＊　＊　＊　＊

雖然我係最近先開AC，但其實已經追左龔水好耐，所以無論如何，我都唔想放棄呢一對ｃｐ，就算過程係幾咁痛苦都好。(因為我係d偏唔信邪既人，愈困難愈要克服）。
我相信上天一定會安排一個好既結局佢地。
阿龔今次甩底，的確令水水好痛。
但係可能佢知道而家既自己真係好無資格成為水水既愛人。好似當初離開香港一樣，佢需要成為一個更好既人，先配得上呢一個咁美好既女仔。
我相信只要阿龔佢可以真真正正搞得掂自己問題，堂堂正正，永遠個心裡面只得返水水既話。佢仍然會係阿水既Mr.right。
＝＝＝＝＝＝＝＝＝＝＝＝＝＝
唔覺意打下打下，兜下兜下，就打左咁多字 因為只有咁樣ff下，我先可以堅持自己追落去！！
我係唔會放棄龔水架！！！我對佢地仍然抱有好大期望！

聽日開始返工又會忙, 唔好話睇LIVE, 連睇重播我都未必有時間睇
本來好開心, 係忙之前有得睇龔水

呀龔知道有多一次機會時我又一齊yeah, 仲笑佢傻仔撞到桌
呀水出lift之後發癲我又一齊yeah
全集睇到我最心動既係佢地係lift入面幾乎表露心跡
最後會反cup我都估到
我係咁同屋企人講, 雖然應該都bad end, 但真係好驚唔敢睇
虐心, 都有心理準備
但今集睇完更加覺得既係嬲, 嬲點解唔直接講得係呀爸有事??
我唔知編劇有咩考量, 但我開始覺得太多了, 好攰

黎緊有一段時間消失, 悲觀黎講要下年先有時間, 樂觀地講可能聖誕節都有少少時間睇, 到時一次過追晒之後既龔水, 希望到時一齊到啦

睇完今集我就嚟變free rider
宜家真係zero productivity 個腦又function唔到

我都諒解唔到 佢真係要好好補償返水，超級唔想呢件事之後又hehehaha咁當拆咗集體失憶
希望俾返2集氹水啦，大家條氣真係順唔返架

羽毛筆珍妮

依家傷心完，嬲完，頭好痛