[開心速遞]熊若水龔燁 供水線集中討論區（10）

我覺得就唔會嘅，工水受歡迎係事實，唔會因為一集嘅反應而隨便拋棄
學傻強話齋，編劇要對自己嘅劇本有堅持
如果咁輕易fans話點就點嘅劇，多數質素都唔會好得去邊
我相信佢哋自有之後嘅安排

比啲信心啦！呢條線咁受歡迎 我諗好難搵另一個對手同水咁有火花 而且蟹ig回覆都睇唔出佢話水好易心軟 都仲有機會都信番龔 不過就需要好多時間舖墊。。

唔會啦，之後應該拍落好多存貨，應該已經拆左彈掛 (聖誕節D2唔知咩料，好驚)……
今集寫到雙方都鍾意大家，如果咁都棄，除非寫佢兩個成世單身咋喎

傻強傻唔嗮不特止仲比你quote
自有安排啦真係
反正依家都拍到2019年播嗰啲集數
邊有咁易拋棄

唔會嘅
其實編劇們一定有能力寫到好嘅龔水神作 之前有唔少
今集都算係一個開端 龔燁復仇記
宜家大家咁大反應咪俾佢哋了解到以後咩地雷唔踩
一定唔會就咁摺埋條線
我都諗唔到仲有咩人可以同阿水(阿蟹)拍檔咁有火花 唔通真係大志哥咩
一定唔會搵其他人嘅
如果搵咗 佢哋未棄寫 我都應該會先棄劇

大家講就咁講啫，絕大部分點會真係捨得棄
可能呢兩三集主線太峰迴路轉，我未適應到，我會慢慢習慣龔水對立嘅新關係


stanley同阿蟹你哋今集真係做得好好呀，同多謝你哋嘅售後服務，解答大家嘅疑難查詢，辛苦你哋
會繼續支持你哋同龔水線

情路咁坎坷 仲配新角色
真係嘅話阿水做個女強人算把啦
份工可靠過男人

如果我個女咁樣被人hurt法，我見到佢唔打鳩佢已經好好

講真既，一開始睇完今集真係好嬲講脢氣說話唔想再追乜乜乜
但龔水黨同水水一樣口硬心軟 其實無論點樣都會追落去
雖然有鬧編劇 但心裡面都對你地有信心 加油
希望大家互相扶持 捱過呢關

如果stanley有mon post既，想同你講聲，我地會繼續留守
你同蟹都做得好好

從未試過咁想大家姐 vs 龔燁
來吧，大家姐

諗番之前主線嘅內容
阿龔為阿水做咗好多嘢 但由於我哋係上帝視覺 阿水本人係唔知嘅
再加上接龍自殺王經常性花式作死
阿水對阿龔真正開始有信任係三太艷照事件 佢幫阿水諗方法拆掂佢嘅時候
再跟住落到選戰(雖然三太講完係阿龔搵佢做競選助理嘅時候有誤會咗佢一陣)佢2個一齊去拆彈

就咁睇落好似好小事 對於平常人嚟講呢份信任太薄弱
但偏偏 阿水有義氣 又中意幫人 講到底就係一個好單純好易信任人嘅人
所以即使由上集454大小姐撞到Jenny同阿龔一齊喺餐廳出嚟 大小姐已經開始提阿水唔好信阿龔/阿龔唔係好人
但大小姐講咩佢其實冇認真去聽 而選擇去相信會送Channel頸巾俾佢嘅阿龔

然而阿龔嘅花式作死第唔知幾多式又破壞咗呢份薄弱嘅信任
喺好浪漫嘅初雪底下 一個女仔期待緊你嘅出現 但你失約 仲要唔解釋你嘅失約
呢個時候 本身唔Care大小姐講咩嘅阿水諗番起大小姐嘅叮囑: 唔好畀男人知道你諗緊乜
阿水選擇去隱瞞自己去咗睇雪嘅事實 但點知 阿龔都選擇隱瞞自己去咗搵阿水嘅事實
講到底 呢一刻大家都唔太信任大家 唔想show自己條底線畀對方睇 唔想做比較在乎呢段關係嘅嗰一位

但即使係咁 今集一開始 大小姐話係阿龔偷咗哈爾濱Project嘅Idea俾大陳
阿水都係選擇唔去爆阿龔出嚟 因為喺阿水心入面嗰份薄弱嘅信任都仲有小小喺度
我諗嗰一刻 阿水都仲係相信緊阿龔喺新加坡番嚟之後已經做番一個佢心目中嘅"好人"

但當解開哂454嘅誤會 阿水對阿龔重新建立起信任 而大家又將呢段關係嘅最後一步擺上枱面嘅時候 壓倒駱駝嘅稻草(未必係最後一根 但一定係最大嘅一根)就出現咗
阿水諗住著到最靚 化妝化到最靚 就連屋企人都要著到好好睇睇 目的就係要有完美嘅被表白場景
點知 阿龔一個電話打嚟 一句冇任何解釋嘅我嚟唔到
阿水心入面對阿龔嘅信任泡泡 就咁就穿咗
番到公司之後 仲要發現阿龔係為咗同Jenny一齊去哈爾濱而失約 我諗喺嗰一刻 阿水已經Hurt到個心亂到分析唔到阿龔係唔係真係二房嘅人 同埋自己有冇信錯阿龔

然而 賤精先生再加多一句 我唔係可以將你放喺Number 1嘅男人
沒有最Hurt 只有更Hurt...

其實 我覺得阿水真正要嘅只係好簡單 唔係一個要放佢喺Number 1嘅男人 更加都唔係一個為咗阿水可以放棄一切嘅男人
佢要嘅 只係一個阿水可以全心全意信任嘅男人

喺呢一刻 只有一句說話可以形容到阿水
"幸福 如履薄冰"

太長唔quote
但係大家諗下上一次綠帽為咗Jenny而拋棄水水
今次阿工同樣為咗同Jenny一齊去哈爾濱而失約

jenny同水水先係冤家

褫奪佢首席工水黨迷妹嘅稱號

工業表情包part 2

冇理由架明明我成日mon住佢ig!! (睇嚟總監大人要開noti )btw豪仔不愧係屠龍者嘅一份子


(不愧係亞太區市場部總監，一千蚊買張相 )


你咪又係人唔笑狗都吠


呼，總算鬆一口氣


我一定會氹番你

細龍太明顯係傳說中既黑粉
愈迷愈要破壞佢

係囉明明阿水信佢唔會幫Jenny出賣大小姐
結果佢大巴大巴咁車落阿水度
破壞哂阿水對佢嘅信任

一路睇大家嘅posts心情終於平伏番啲，為咗佢哋咁靚嘅開頭同一班咁好嘅演員，就算成口血我都一定會繼續睇繼續撐 (我認我自虐
如果大家有睇N年前嗰套gossip girl，唔知會唔會覺得工水同blair and chuck其實好鬼似呢，每次都係因為啲唔知咩嘅千奇百趣理由而臨門一腳撻Q，仲要越玩越大，chuck甚至試過將blair買比自己阿叔去換酒店 其實講嚟講去原因只得一個，就係要佢哋拖夠六季 拖戲真係好撚可怕，所以真係好驚工水線寫寫下都會狗血成咁，失去咗當初職場鬥智鬥力情場鬥氣鬥嘴嘅爽快新鮮。希望真係我諗多咗，編劇們其實一早度咗條大家都意想不到嘅絕世好橋嚟個絕地反cup啦。如果係咁唔駛同我客氣架，請用事實狠狠咁摑我幾巴
BTW，其實個秘密網金主同gossip girl個設定都好鬼死似，上帝視覺到一個點根本搵咩人做都唔能夠百份百自圓其說，拭目以待呢個位點樣兜出新意 (當然我宜家最關心都係工水線點樣兜，拜托編劇們好好地諗諗佢先