[開心速遞]熊若水龔燁 供水線集中討論區（10）

而家唯有FF佢係一個咩都攬哂上身既人啦~
一遇到有關情既事就會個智商下降 腦回路變得極怪
咁保護自己既行為同細個造成既傷害有關既
唔係一時三刻可以改變到
一定要發生D事令佢糾正思想先得

盲撐下stanley同阿蟹
演員係好有火花
但劇情唔撚得

我都睇到

其實係咪真係溝都唔知

好傷心💔

有無人可以教教我到底仲可以點兜

好有同感啊絲打。
我前段時間都發生左啲對我好大打擊嘅事，都係因為咁先開始由第一集睇返開心速遞，所以可以話係呢套劇陪我過緊低潮，係每日令自己開心嘅動力~雖然平時好少留言但係其實我日日有追post睇住大家討論
不知不覺好投入呢套劇嘅世界，現實生活已經好唔開心，唔想電視劇入面都咁令人難過。希望編劇唔好令我地失望，將條線寫返好好睇睇啦！

唔講劇情，因編劇個腦凍到傻左

阿工同水水嘅演技好好啊

呢樣嘢真係要贊揚兩位演員嘅努力

衰嘅都係寫劇本嘅衰

其實工水條線係咪要完...?

睇完之後真心喊左

明白龔燁背負太多包袱，佢亦都講過要係阿爸仍有記憶前東山再起，但龔燁呀，有樣野叫做患難見真情，阿水知道你咁做未必會嬲你一世，你宜家咁自殺法，你認為可以挽回水水對你的信任嗎？

龔水線唔會棄，更唔捨得棄
無論我點畀呢幾集玩殘都好，我都唔會忘記初心
當初280嘅深厚又隱忍嘅感情，386嗰種朦朧嘅愛情，同埋貫穿整條線嗰種打鬧中若隱若現嘅愛情依然能打動到我
我會繼續守候，等佢哋慢慢拆解問題，修成正果㗎

個post加左2個hashtag
#真愛還是不捨棄
#你也會留定著不離不棄嗎

岩岩先落左去做運動冷靜左一個鐘，之後就諗通左
本身都好嬲，覺得阿龔點解要俾一個假希望人，仲要約哂全家先黎甩底。
但後來就諗返起之前454之後討論既結果，阿龔終有一日要知道自己到底應該選擇過去，定係面對將來。一日未解決到呢一個結，就算佢地真係拍拖，但遲早都會收檔。

以下係我努力兜既版本：

首先，阿龔個人設係由少年時期開始，一直為左復仇而存在。（點解過去感情史得阿may?可能就因為呢一個原因）任何人佢都睇唔上眼，心裡面只有復仇。因為對佢黎講，愛情同復仇兩者都係最單純既存在，係不能夠有任何雜質。所以佢心裡面好偏執地認為，兩者不能並存，一直都對任何人保持距離，從來無對一個女仔動過心。

但係直到遇見水水。
見到好似天使一樣善良既佢，阿龔居然沉淪左。
佢開始漸漸忘記復仇，身處係美夢裡面，甚至開始以為自己可以忘記過去，將阿水視作人生第一位，或者開始欺騙自己，覺得其實復仇同戀愛，都係可以並存？
佢開始一直做ｄ傻仔野，為一個女仔做左好多損人不利己，有違佢初心既事。次次見到佢既笑容，佢都好似個傻仔一樣開心到彈起。
......原本以為美夢一直可以發落去。
但係直到呀爸病情惡化既時候，佢呢一個美夢好明顯打碎左。
原來佢自己一直都放唔低復仇兩個字，佢對天使既愛情，佢自己一直以黎復仇既心，原來都滲透左雜質。

原來傑叔係佢心目中，一直都係一條大大既刺，一日唔抆返出黎，佢一世都唔可以真正接納到水水。

再加上細龍太既電話，佢不禁停低左腳步。

佢諗左好耐好耐，望住阿爸哀傷既背影，再諗起以前傑叔對佢地做既所有野，感受到自己心底裡面埋藏住、又開始冒芽既仇恨，佢開始動搖。
佢知道如果佢要係阿爸有意識既時候報仇，就只能夠行捷徑。而呢一條捷徑，一定要做好多呢個天使唔願意既事情，例如要做返一個好似以前咁既死賤精－－一個衰人。

所以佢深吸一口氣，決定做一個好艱難既決定。

因為佢希望同水水共赴一生既人，係一個全心全意愛佢，心裡面只有佢一個既男人。

雙下爬天使應該配既，係一個全心全意既騎士，而唔係一個心裡面放唔低仇恨既復仇王子。

佢開始覺得，自己根本唔配。
所以佢寧願自己承擔所有，因為阿爸病情惡化，已經再無時間。

於是乎，佢選擇離開。
佢寧願天使恨佢。
寧願自己一個痛苦，佢知道咩叫做長痛不如短痛。

佢心裡只希望天使下一個愛上既，係一個完美既騎士，而唔係好似佢一樣，表面光鮮，但其實渾身傷痕既王子。

＊　＊　＊　＊

雖然我係最近先開AC，但其實已經追左龔水好耐，所以無論如何，我都唔想放棄呢一對ｃｐ，就算過程係幾咁痛苦都好。(因為我係d偏唔信邪既人，愈困難愈要克服）。
我相信上天一定會安排一個好既結局佢地。
阿龔今次甩底，的確令水水好痛。
但係可能佢知道而家既自己真係好無資格成為水水既愛人。好似當初離開香港一樣，佢需要成為一個更好既人，先配得上呢一個咁美好既女仔。
我相信只要阿龔佢可以真真正正搞得掂自己問題，堂堂正正，永遠個心裡面只得返水水既話。佢仍然會係阿水既Mr.right。
＝＝＝＝＝＝＝＝＝＝＝＝＝＝
唔覺意打下打下，兜下兜下，就打左咁多字 因為只有咁樣ff下，我先可以堅持自己追落去！！
我係唔會放棄龔水架！！！我對佢地仍然抱有好大期望！

睇完之後淨係想龔燁知道其實一段關係唔係淨係可以共富貴，仲可以共患難
btw呢段嘢好催淚

我覺得同阿龔身世有關，佢阿媽喺家道中落嘅時候走咗佬畀太大陰影佢，所以令佢將所有委屈收收埋埋，怕畀阿水知道之後會離棄佢
同理，佢推開阿水某程度上係自我保護，喺對方離棄自己之前推開對方

阿龔你好傻好蠢

呢段令我諗起十萬噸情緣一句對白：你最自私係唔想hurt到自己所以選擇hurt我

再次強調兩位主演做得真好

我都唔會放棄架
我追到咁辛苦，日日含辛茹苦（？），次次睇佢地錯過左既時候，個心都痛到都好似我自己失戀一樣（可能失戀都無咁慘）。
就算有幾多波折都好，我都會留守係到
我要睇到佢地開花結果

就係演技好先睇到我地咁心傷
先咁投入
到依家仲未追緊post未做野

DLLM 痴撚線 玩到咁就以後唔好再flirt阿水啦 咁大個人乜鬼no1 no2 唔講以為溝緊2條女分大細 唔相信阿水會介意擺老豆做no1囉

仲有隻USB係咪跌左？要俾jenny咁樣撚

演員我係支持嘅，

但如果劇情一直比玻璃碎我食嘅話，

我唔太接受到囉

都係個句希望編劇手下留情