馬後炮講句,當阿工決定要傑叔阿水二揀一,條線注定要爛
為報仇犧牲愛情完全唔合理,如果阿水係傑叔個妹個女個孫女甚至係契女,工水係現代版羅密歐與朱麗葉,鍾意世仇個親人會對唔住阿爸,fine
但阿水同傑叔係完.全.無.關.係
阿水唔會阻你報仇,阿水又唔會因為你報仇而傷心,阿水嘅屋企人又唔會因為你報仇而唔接受你
阿水同事業同報仇根本就唔係有你無我嘅二元對立
如果阿工一心不能二用,報仇之前唔可以分心愛情,咁阿工一直以來嘅行為都係比無恥更無恥,明知自己唔會選擇愛情,憑咩要阿水等你?如果個女仔明知得唔到愛情都甘願等,fine
但一直以來都係阿工親自破壞阿水嘅感情路,甚至不惜造謠,累到阿水一身蟻,阿水無得選擇被迫留喺原地等一個唔會選擇佢嘅男人,對阿水公平咩?
依家嘅阿工根本係一個佔有慾強嘅偏執狂,如果阿水仲主動接近阿工,係糟蹋自己又犯賤
沉澱咗一晚瞓醒都係好嬲,今集嘅感想係阿水值得更好的