（廿七）
「我... 下個月... 咁啱就係你將會喺首爾番黎香港嘅第二日... 就會結婚喇...」Noopy 垂低頭，強忍住淚水，終於宣佈。
心如刀割。
原來，佢成日話「我地時間唔多」，其實係咁解。
原來，佢話滿足三個願望之後就會離開我，成日講到好似倒數緊咁，其實係咁解。
原來，佢話係離開之前，想我係佢身上留低印記，其實係咁解。
點解我咁蠢，一路都聽唔明。
點解...
係我苦苦哀求之下，Noopy 比左啲相我睇。呢個將會同 Noopy 結婚嘅人（我未接受到叫佢做未婚夫）叫阿Joe，同Noopy同年，大學畢業就考左督察，係個黑黑實實，單眼皮嘅男仔。我望住相入面呢條麻甩仔眉尖額窄，陰陰濕濕，妒意油然而生。但與此同時，我亦都意識到，Noopy 要結婚呢件事，係真嘅。呢個人，係真係存在嘅。
更重要嘅係，呢個阿 Joe 無論點差都好，起碼，佢冇老婆。而我無論覺得自己比佢好幾多，亦都無資格喺 Noopy 面前批評佢啲乜野，因為我係一個有家室嘅男人。Noopy 會揀佢，其實無可厚非。
我唔知講乜好。過左好耐，我終於講得出嘅，就只有三個字：「恭喜你。」
Noopy 雙眼睜大，驚訝咁望住我，彷彿係度講「恭喜我？就係咁咋？」但好快，佢嘅眼神就由驚訝變得哀愁，落寞。
我同自己講，咁樣，係對佢最好嘅。雖然，佢尋晚話「如果你想... 我願意以後都跟住你」，但係如果佢為左我而放棄阿 Joe，我又可以比到啲咩佢？佢嘅人生又會變成點？一世做人二奶？如果愛佢，就應該放人走，比佢結婚，等佢可以有一個正常嘅人生，結婚，生仔...
我地坐低食早餐，兩個都冇講野，甚至冇望對方。空氣彷彿凝結左一樣。
其實Noopy手勢唔錯，隻蛋炒得好滑，午餐肉又煎得啱啱好，但係食落好苦。我心諗，呢一個完美嘅早晨，甜蜜嘅早餐，可能真係最後一次，我一定要好好享受。但一諗起一個月後，瞓醒覺會見到呢個女人，會食呢個早餐嘅，就係果個叫阿Joe 嘅仆街仔，我個心就鬱住鬱住。
突然胸口一悶，我反胃想嘔，衝左入廁所。第一次食 Noopy 煮嘅早餐，居然食到嘔。柒到。
Noopy 係廁所外面敲門，問道「你點呀？」
「冇事冇事，嘔左出黎好啲。」
「乜我真係咁差，連煮野食都咁難食咩...」
「唔係呀...」
其實好好食㗎，傻妹。其實如果可以，我想一世都食你煮嘅早餐，我想你一世都淨係煮比我食，同埋我地嘅仔女食... 我goot聲吞曬落肚，冇講出口。
「不過唔緊要啦，都冇下次㗎啦...」我求下你，唔好再講喇好嘛...
我嘔完，由廁所出番黎，Noopy斟左杯暖水比我。
「係喎...」Noopy 若有所思咁問「頭先打比你果個上司係邊個黎㗎？」
女人嘅直覺真係好得人驚。其實我頭先係驚佢呷醋，刻意冇講係凱倫。
「你未必識㗎喎... 麥凱倫囉。」其實行頭咁窄，凱倫又係風頭躉，點會唔識。
「梗係識啦！Dr. Mak 咁出名。佢好靚㗎喎...」Noopy 幽幽說道：「咁都好嘅，你同佢去完韓國，應該就好快唔記得我㗎啦...」
唔會。我好肯定唔會。我呢一世都會記得你。我呢一世都會記得，我用左半世人尋尋覓覓，混混噩噩，終於搵到你，但係時間，地方，次序，全部錯撚曬...
之後嘅一個月，我地都冇聯絡過對方。一個電話，一個message都冇。
本來，我已經係一個安於現狀嘅已婚男人。本來，我已經接受同一個我唔愛，又唔愛我嘅人行埋落去。但係Noopy嘅出現，比我知道原來愛情係咩一回事。一開始我對佢可能真係抱住少少玩票性質嘅心態，追求佢性感動人嘅肉體。但係漸漸，before I know it，我對呢個女仔已經泥足深陷，不能自拔咁愛上左呢個人。
而家佢突然離開左我嘅生命，我嘅身體好似比人抽空左一樣。曾經滄海難為水，我知道，我以後都唔會番唔到轉頭。
去首爾之前嘅呢一個月，感覺好似過左一年咁耐。到左出發去首爾當日，Noopy依然冇搵過我。
咁都好嘅... 仲有兩日人地就結婚，唔好諗咁多喇...
到左機場會合點，雖然人多，但好易就搵到凱倫。一件緊身嘅針織上衣，黑色短裙，將佢嘅美好身材表露無圍，再配上眼鏡娘嘅造型，艷光四射，係人群之中好突出。凱倫一向都係靚女，但係今日比起平時喺醫院，更加明艷照人。
但其實，我呢一刻嘅眼中，真係對凱倫冇咩感覺。不過周圍嘅途人不住回望佢，我理性知道，凱倫今日係好靚好靚嘅。唔通佢係為左我打扮？唏，咪傻啦，人地出席conference，尊重場合啫。
「凱倫早晨，」我上前同佢禮貌性咁打招呼「You look beautiful today。」
「幾時學得咁口花㗎你。」凱倫一向嘅冷若冰霜，但我見到，佢嘴角微微上揚。
就係臨上機，將電話轉 flight mode 嘅前一刻，我終於收到 Noopy 呢個月以來第一次send比我嘅message：
「要保重，好好照顧自己。再見了，殷醫生。」
我喺候機室，望住旋轉中嘅飛機引擎。蝦，你話如果我跳入去，一野碾碎晒，應該唔會痛㗎可？
「你做咩呀。」凱倫清脆嘅聲線將我拉回現實：「呆呆滯滯咁。偉，你係咪有啲咩唔開心呀？」
我都幾乎唔記得左凱倫原來仲有呢一面，係我最初識佢嘅時候，組媽照顧組仔，溫柔嘅一面。但係我而家懷念嘅，只係黎自 Noopy 嘅溫柔...
「唔好諗咁多，當今次去散下心啦。夠鐘登機喇！」
食了剛畢業的護士妹妹，然後愛上了她 [少甜]
甄景偉
1001 回覆
920 Like
92 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
係㗎
「你做咩呀。」凱倫清脆嘅聲線將我拉回現實：「呆呆滯滯咁。偉，你係咪有啲咩唔開心呀？」
我都幾乎唔記得左凱倫原來仲有呢一面，係我最初識佢嘅時候，組媽照顧組仔，溫柔嘅一面。但係我而家懷念嘅，只係黎自 Noopy 嘅溫柔...
我都幾乎唔記得左凱倫原來仲有呢一面，係我最初識佢嘅時候，組媽照顧組仔，溫柔嘅一面。但係我而家懷念嘅，只係黎自 Noopy 嘅溫柔...
臨上機，將電話轉 flight mode 嘅前一刻，我終於收到 Noopy 呢個月以來第一次send比我嘅message：
「要保重，好好照顧自己。再見了，甄醫生。」
（原文寫錯姓殷，自膠
）
「要保重，好好照顧自己。再見了，甄醫生。」
（原文寫錯姓殷，自膠
）
加速
又冇仔女，唔想離婚一係驚分身家，一係怕麻煩，or both
你話我老土都係咁話，我當時覺得離婚係好錯嘅事。而且，我太太由細到大所有青春比晒我，唔要佢，要過好大嘅心理關口... 
都係果句，唔係咁易㗎，師傅。
都係果句，唔係咁易㗎，師傅。
但係就肯將護士妹妹既青春交畀佢唔愛既人
呢個情況，一係傷害老婆，一係傷害護士妹妹
明既，有幾鍾意都好，始終甄醫生同護士妹妹感情尚淺，愛意不足以令佢跨過受良心責備既關口
（之後唔知）
呢個情況，一係傷害老婆，一係傷害護士妹妹
明既，有幾鍾意都好，始終甄醫生同護士妹妹感情尚淺，愛意不足以令佢跨過受良心責備既關口
（之後唔知）睇到好sad
仆街🚬
好心痛
好心痛
心痛
唉
好心痛
或者咁講，當時我嘅心目中，責任係緊要過愛情嘅。不過無論點都好，都一定唔L係你所講嘅驚分身家，或者怕麻煩。老老實實如果分一半身家比佢，就可以解決所有問題嘅，有乜所謂？正所謂，shut up and take my money
真正有劇情嘅故 。樓主加油。
睇到好傷感
樓主會唔會將呢個寫好既故事俾女主角睇？
樓主會唔會將呢個寫好既故事俾女主角睇？
其實大家做sp 最好，男主有老婆，女主有老公，得閒口淡淡未出去打返場友誼波lo.
好撚好睇
當故事發生係你身上係你就知道痛
唉有時我都會羨慕有啲巴打放得咁開
自問真係唔得
自問真係唔得
離婚唔係表面諗咁易
會諗返之前海誓山盟
已經得失一個女人，唔想再傷另一個
下次update幾時？
會諗返之前海誓山盟
已經得失一個女人，唔想再傷另一個
下次update幾時？
啱呀。尤其如果你係為左另一個女人而離婚... 個種罪惡感就更加難受。難受到，你有時真係會覺得，算，我情願唔開心一世，都唔想背負呢個罪名。
今晚有文。
今晚有文。
糟糠之妻不可棄，出去玩下識番屋企先係最佳做法