[得閒直播]雙失廢青由香港踩車就到拉薩(完)

如果係咁ching真係好勁
拍野呢家野 我識條鐵咩
我部單反而家仲係較緊auto
不過ching拍人物短片 同 gif真係好有感

ching有無考慮過將呢幾個月拍出黎既片
整一條片 去總結返成個旅程

講呢啲 我依家無相機㗎喇，得部gopro仔。同埋部Sony a6500係問一個好撚好既朋友借

返到香港會用一條片去總結，旅途上面有啲小題材有感覺想影，我會好快f咁用電話砌到俾大家睇咗先

唔關呢啲嘢事，我中七開始已經讀緊屎片

途中用乜剪片？

Gopro Quik App

我個仔睇大學學人玩影相拍片剪片玩左兩年玩到一劈屎咁，藝術既野真係講天份巴打你有喎，王家衛2.0就係你，你應該繼續向呢方面發展唔好咁易放棄

你要好好重呀, 等住睇你踩去非洲呀, 不過踩去東歐好, 多女呀

我都好想睇樓主再出征

保重身子

今日本身訂咗平價$86鴨仔團。但機緣巧合下，竟然坐咗人哋順風車去咗羊湖深度遊


一陣會喺浪卡子縣呢度過一晚，睇一次廿五歲既星空。聽日再跟佢哋入後藏地區，40冰川同日喀則市

估唔到西藏風景都幾靚

唔捨得樓主呀

樓主我愛你

利申:巴

連登多gay佬果然係真

86鴨仔團,咁平10成中伏

你估張圖亂噏ga?

樓主平安

順路去埋聶拉木縣
希夏邦馬峰

呢兩三喺拉薩呢間東措青旅識咗個傾得幾埋既哥仔。朝早佢叫我陪佢去買件衝鋒衣去後藏地區同埋阿里著，順便喺神力時代商場食個KFC $17早餐

岩哥，28，江西


本身之前我諗過踩車去羊湖，但經過琴日突然間差啲暈低既陰影，臨瞓都係book咗個$86平價鴨仔羊湖一天團。今日中午喺布達拉宮前面集合。

反正順路，我就諗住癡岩哥個導遊架越野車去羊湖。到時先至再聯絡自己個車長接我返嚟算了

路上幾個嚟自唔同省份既90後朋友仔一齊食咗個好出名既陝西菜 - 劉胖子

羊肉湯 + 肉夾饃 $22


點知上咗車三個人吹吹吓水，岩哥叫我不如跟佢哋玩兩日，聽日晏晝再癡佢哋另一架車返拉薩 聽朝仲可以去埋措嘉冰川。不過我無搞到邊防證，但係車長話香港人可以駁吓，到時唔俾我入既話，都好易同邊境武警話圍

如是者，我坐住呢趟唔使錢既順風車，深度遊覽羊湖周圍、拍吓縮時攝影，真係好好彩


兔子，25，湖南長沙


食完個炒麵，即係蓋麵。再跟佢哋車去咗附近睇廿五歲既第一次星空


浪卡子縣呢度負六度，海拔4500米高。我唯一能夠做既嘢就係擺低一切科技，喱埋入車長架SUV度，探頭凝望窗外劃破天際既銀河，偶然有幾粒流星閃過。

我播住歌，突然諗起徒步勇嗰句 : 「還需要什麼呢﹖」

依家珠峰d帳蓬冇哂，你可以去最近海拔 5030米高推瓦村 揾間寺廟留宿

還需要什麼呢

需要邊防證啊 個邊境檢查員態度好強硬，雖然我已經扮係由香港徒步坐順風車過嚟，岩哥車長佢哋仲幫我講好說話 但檢查員話無證到時都返唔到嚟

由浪卡子出車，到檢查站大概7公里。結果我喺檢查站度同岩哥佢哋道別，我自己攔便車返去

依家已經坐咗喺一架返拉薩既車上面

我要睇兔子

樓主好波

兔子more

咁你有冇帶護照?
以前香港人用回鄉証可以免邊防証通行全西藏新疆, 但而家就冇得咁玩啦!

聽講以前有人冇辦邊防証, 但同檢查站講要去樟木口岸出境到尼泊爾, 咁BNO, 特衰係可以到咗尼泊爾海關搞落地簽証, 咁邊防武警都會放你過去, 而家就唔知仲work唔work??