[得閒直播]雙失廢青由香港踩車就到拉薩(完)

原來係成個西藏入面最古老既土木建築就係大昭寺，有1300年歷史，係所有藏傳佛教流派共尊既超級寺廟。裡面所供奉既係佛教大佬 - 釋迦牟尼臨死嗰陣，為自己開光既12歲等身佛像。聽聞全世界得三尊，其中一尊就喺大昭寺，而另一尊8歲既佛像就喺小昭寺。

不過因為門票好撚貴，我就無入到去既。只係喺附近八角街兜咗幾個圈，感受吓人生百態。


叩十萬次頭，大概要三個月既時間


嚟到梗係要轉一圈經祈吓福


附近老城一帶就係藏族口中既「拉薩」。所以呢到可以話係成個市區既中心 呢間熱鬧得嚟又污糟既藏茶館好受當地人歡迎。入到去拎個吉杯，搵個位座。再擺低一蚊紙喺隔離，俾少少耐性就會有專人倒茶俾你，一蚊一倒，飲到你飽為止


布達拉宮附近有間郵政總局，一嘢掟咗疊寫到我仆街既postcard入筒。望住N隻鴿鴿沿住圍牆行一圈，我諗應該聽朝就可以入去參觀了


張紙真係好撚難搣


晚餐係糌粑、耗牛肉包子同埋酥油茶。雖然藏族本身分兩種，一種係藏牧人，一種係城市人，佢哋食既嘢同習慣口味都唔同。不過我就懶理咁多。總之對我嚟講，都係可一不可再既食物 一個字，漏

油浸硬皮牛肉杭州大粒版小籠包


咸牛奶酥油味芋頭口感既燴薯仔


油香咸味牛奶


呢兩日遊咗幾間寺廟，如果youtube再block條聲死link，有興趣先去igtv睇吧
https://youtu.be/FgWN9MeIkzg

糌粑好難食 似未焗嘅曲奇麵粉糰

藏式分子料理, 看完都不想食

大昭寺幾錢入場？

以前阿叔係拉薩無所事事時除咗去泡網吧同係大昭寺門外曬太陽外，就是去甜茶館食藏麵飲甜茶，仲記得間嘢好似叫光明甜茶館，一碗藏麵加一壼甜茶都唔駛10蚊人仔，在甜茶館進行人類觀察活動，又可以Ｒ吹水，咁又消磨一個下午，所以幾乎日日都去當食下午茶。

十幾年前西藏Ｄ門票一般都要30-50人仔，2007年再去拉薩時已漲價一倍有多，今時今日就更加貴到不得了。以前去哲蚌寺同色拉寺都是走後門同翻牆進去的，布達拉宮對面影相打卡個石山仔是任人爬唔收錢，聽講近年都給圍起來收費了，我諗而家Ｄ門票收入咁高，應該都冇得逃票了。

睇左igtv條片，樓豬真係好撚勁，大台唔要你，真係佢地走寶。

樓主d片真係好正 係用相機定gopro拍？

我08年去布達拉宮要180人仔

想問下樓主
拍出黎既短片同埋整出黎既gif
真係好正好有感
以前係咪做開相關行業或者讀過有關課程

BTW 樓主係咪決定左返屋企喇? 坐飛機返 還是係坐火車?

PS 等睇有ching去接樓主

無讀過啊 只不過係佢哋啲衣著面孔令人眼前一亮，先至會有感覺既啫﹖ 同埋係自己鍾意既題材先花咗少少時間拎多幾個角度影

出發之前做過大台外判娛記同突發新聞cam man一個月就無了 仲記得啲導演點屌我 我新仔又唔俾時間我適應，跟住老細又覺得我做嘢唔認真

之後點去咗新疆先再算啦，嗰度情況咁緊張，話唔定返唔到嚟 唔講太多啦，一陣隔牆有耳


今朝一早唔夠瞓去咗布達拉宮瘋狂行樓梯，免費入場真係爽


至於入面有幾勁，連電話都唔俾影相。不過成個壯嚴氛圍絕對唔會令你諗住影相。所以要等巴打們準備一疊功德錢自己探索了

Btw，啱啱突然差啲就暈咗喺地下，仲十隻手指抽筋 唔知係咪嗰頭近﹖ 真係要抖抖先

暈左 ，小心啊樓主

應該唔夠訓加低氣，果頭你未到

慢慢行啊。唔好扯蝦

有冇link

睇左ig短片超掂，巴打大學讀乜？

如果係咁ching真係好勁
拍野呢家野 我識條鐵咩
我部單反而家仲係較緊auto
不過ching拍人物短片 同 gif真係好有感

ching有無考慮過將呢幾個月拍出黎既片
整一條片 去總結返成個旅程

lm

買高原安同葡萄糖水飲
見暈好嚴重的

樓主無事報個平安

踩車爬5千米山口一日連踩百幾公里山路冇事，去布達拉宮免門票爬樓梯就頭暈，係咪唔駛錢興奮過頭？

樓主你屋企日日喺度mon post，唔好嚇親阿爸阿媽喎！保重身體呀！

屋企人得個家姐會mon post㗎啫，依家佢應該無睇啦

琴日我唔係喺布達拉宮頭暈，係喺青旅後面食瓜子飲啤酒曬太陽見眼瞓一起身行咗十步先至突然眼前一白。喺諗住真係要暈低之前一嘢坐咗係地下先至無仆街，看更見到仲驚過我 不過好唔容易上到房都係好辛苦，雙手麻痺十隻手指自己纏作一團持續咗五分鐘。我差啲連遺言都錄埋，自己乜病都冇真係未試過咁撚樣

不過我諗只係突然暫時腦缺氧或者可能本身有貧血咋掛﹖ 瞓咗教好返好多啦 多謝巴打關心

咁恐怖

保重身子